Génesis 43:18 - Biblia Mixe de Quetzaltepec

¹⁸ E yë'ëjëty ojts tsyë'ëkëtë, ko ënäty jam yajwoownëjkxtë ma ja José ja tyëjkën, tääts nyäy'ënanëtë aak yë'ëjëty: Ya'atë win'ë'ënën yë je'eyë nëkoo, paatykyëjxm yaa të xyajmi'inëm yë'ë ënät xytyukmatsa'anëm ja meeny mëti'ipë ojts xymyooywyimpijtëmën ets ënät xytyuk'akëwanë'ajtmëty ets nmëtu'unmëty ma yë'ëjëtyën tu'ukyë mëët yë njëyujk'ajtëmë.

Biblia Dc en Mixe de Quetzaltepec

¹⁸ E yë'ëjëty ojts tsyë'ëkëtë, ko ënety jam yajwoownëjkxtë ma ja José ja tyëjkën, tääts nyäy'ënanëtë aak yë'ëjëty: Ya'atë win'ë'ënën yë je'eyë nëkoo, paatykyëjxm yaa të xyajmi'inëm yë'ë ënät xytyukmatsa'anëm ja meeny mëti'ipë ojts xymyooywyimpijtëmën ets ënät xytyuk'akëwanë'ajtmëty ets nmëtu'unmëty ma yë'ëjëtyën tu'ukyë mëët yë njëyujk'ajtëmë.

Génesis 43:18 ပူးပေါင်းရင်းမြစ်များ

Génesis 42:35

Ko tyajku''ëwatstaaytyë ja xya'këty, ënät ja José ja myëkä'äxtëjk t'ijxtë ko aak taptëm ja meeny yajpaaty xa'k'ëkë'p, xuumyjoty atsumy. Ko jëtu'un t'ijxtë ja meeny atsumy xuumyjoty, ënät tsyë'këtyaktë, jëtu'un yë'ëjëty ets näjyëtu'un ja tyeetyëty.

Romanos 7:8

E ja poky tëë tukmëtä'äky ya'atë ënä'ämën ets ja kyutujkën tyajtuny ets xytyuk'atsokyës oy tyimtiijëty. Ko ja ënä'ämën kya'ity, ka'ap ja poky tii mëk'ajtën tmëëtëty.

Marcos 6:16

Ko Herodes jëtu'un tmëtooy, ënät y'ënäny: Juan yë'ë, jä'ä mëti'ipës ojts ja kyëpajk ni'ënä'ämën ets yajkatspuxëty. Jä'ä të jyuukpyiky jatëkok.

Isaías 7:2

Jää jëmëjt ojts ja aaw ayuk tukninëjkxtë ja yajkutujkpë Ahaz ma ja jyëën tyëjkën, jëtu'un t'ënëmaaytyë: Yë yajkutujkpëtëjk mëti'ipë Siria ja'ayëtyën tëë käjpxytyu'unën tuntë mëët yë Efraín ja'ayëty. Tä ja yajkutujkpë tyëjkëy tsëyuuypyë mëët ja nyaax kyajpn ijxtëm aay kepy tsyëtyuyën ko pyojyu'kxy.

Salmos 73:16

Tëës ya'atë yajxon njaja'akyukëja'any e ni kä'äpyëmës të nja'akyukë jä'ä ko tsip oy.

Salmos 53:5

Oy ënäty ka'ap ma tii mëti'ipë oytsyë'kënyën, yë'ëjëty nëjkxëp tsyë'ëkëtë; Tios jëtu'unyë tyajtsëtyuuypyëka'any yë mëtsiptëjk. Ka'ap nëjkx wyinma'anypyaatë, jä'ä ko Tios yë'ë ënäty ka'ap y'ëktsojkënëtë.

Job 30:14

Jëtu'un muum xynyipëtsëmtës tä jeexyë muum potsyjutjoty myäypëtsëmtën amuup.

Job 15:21

Myëtoopy tii mëti'ipë ëtsë'këyëpën; ko nyäjyawëty jotkujk, jää mä'tspë tyukja'tyë.

Jueces 14:4

Ja tyeety tyaakëty ka'ap ënäty tnijawëtë pën Tiostëm ënäty jëtu'un të tuknipëjktaakë ets ja Sansón jëtu'un myäyëty tsyajëty ets ja winma'any jëtu'un tpaatëty, t'ixta'ay wi'ix ja filistejë ja'ay t'ëknipëtë'ëkëtyën mëti'ipë ënä'ämtëpën ma Israel ja'ayëtyën.

Jueces 13:22

Tää t'ënëmaay ja Manoa ja tyo'oxytyëjk: Tyam kopkpëky yë'ë ko ënät n'o'kënëty, jä'ä ko tëë yë Tios n'ijxëmë.

Deuteronomio 22:17

Ets jëtu'un y'ënä'äny koos yë nnëëx tëë wiinkpë ye'etyëjk tmëët'aty, e tsyaatsës ya'atë wit nmëminy, mëti'ipë yajtuknija'apën ko yë'ë ka'ap yë ye'etyëjk të t'ëkmëët'ajtpë ko të nyätyu'uk'aty. Ënät ja wit twijtswa'kxëty ets ja mëjja'aytyëjk tuk'ixëty.

Deuteronomio 22:14

Je'eyë wiinkjaty ja aaw ayuk tuknipëtsëëmnëty, y'ënanëty: Ya'atë to'oxytyëjk tëëjës njapëky nja'uuky e okës yam nijawë ko tëëtëm wiinkpë ye'etyëjk t'ëkmëët'ajtpë.

Génesis 42:28

Ënät t'ënëmaay ja myëkä'äxtëjk: Tä mëk jyänty jotmaypyätë ets tsë'ëkëmëë nyäy'ënanëtë jaxim jayam: ¿Tiitën ko jëtu'un yë Tios xytyu'unëmë?

Génesis 42:21

ets nyäy'ënanëtë jaxim jayam: Tyam ënät n'ijxëm ets tyam ënät nkëpäjtëm ko ojts ëxëëk ja n'uty'ajtëm ntu'unëmë. Ojts xyjyamënu'kxtakëmë ets jeexyë npa'ëyo'owëm nas'ëyo'owëmë e ëëtsajtëmë ka'ap ja ntu'unëmë këwentë, ojts nja'ijxëm ko ënäty mon tuk yajpaaty. Paaty ënät ëëtsajtëm tyam ya'atë ëxëëkajtën npatëm n'ijxëmë.

Génesis 43:17

Ja putu'unëpë jëtu'un tuuntaay tä ja José tyuk'ënä'ämën ets ojts twoownëjkxy.

Génesis 43:19

Paaty ko ojts jya'të jam winkon ma ja tëjk'aawën, tä ojts tmëkajpxtë ja putu'unëpë ets myëtya'aka'antë mëët yë'ë,

Daniel 6:4

Ja mëti'ipë anajx atëjkëtyëpën ets mëti'ipë yajkutujktëpën ojts ja winma'any t'ixta'atë wi'ix y'ëna'antëtyën ets tyajnipaxëtëkëja'antë ja Daniel ma yajkutukyën, ja Daniel wa'ats ja jyot wyinma'any ënäty tmëëtëty paaty ka'ap tpatë ja pyoky; jëtu'un ka'ap yajni'ë'ënëy.

Génesis 42:27

Ko jya'ajtë ma ja tsuu tyajnaxa'antën, tu'uk ojts t'akejy ja xya'k ets tyajjë'kxa'any ja jyëyujk, e ko t'ijxy taptëm ja meeny myiny ma xa'k'aawën.

Génesis 44:8

Ix maa ëëtsëty muum ntsoontë Canaán ets nyajwinpita'antës ja poop meeny mëti'ipës të npaatën nxa'k ëkë'pëtyës, koos jam nja'ajtë. ¿Wi'ix ko ënät tyam n'ëkmä'tstëpëtyës ja pu'ts pujxn ja poop pujxn ma ja mWintsën ja jyëën tyëjkën?