Génesis 43:11 - Biblia Mixe de Quetzaltepec

¹¹ Ënät ja tyeety y'ëtsoowë: Tyam ka'apës tii winma'any nmëëtëty, tii ënät tëy mtuntëp, nikë yë'ë mënëjkxtë ma mxa'këtyën, mëti'ipë mnamo'otëpën yë ja'ay, ijxtëm mëti'ipë yaa yajmëët'ajtpën ets mëti'ipë yaa ijtp wintëëpën, ijxtëm yë onën, uuxpa'akën, pa'akxu'kpë ets mëti'ipë ja'ay nätyuku'tsëpën ets pya'akxuuky, ujts tëëmëty ets tu'uk ja ujts mëti'ipë xyëëwajtypyën almendrë.

Biblia Dc en Mixe de Quetzaltepec

¹¹ Ënet ja tyeety y'ëtsoowë: Tyam ka'apës tii winma'any nmëëtëty, tii ënät tëy mtuntëp, nikë yë'ë mënëjkxtë ma mxa'këtyën, mëti'ipë mnamo'otëpën yë ja'ay, ijxtëm mëti'ipë yaa yajmëët'ajtpën ets mëti'ipë yaa ijtp wintëëpën, ijxtëm yë onën, uuxpa'akën, pa'akxu'kpë ets mëti'ipë ja'ay nätyuku'tsëpën ets pya'akxuuky, ujts tëëmëty ets tu'uk ja ujts mëti'ipë xyëëwajtypyën almendrë.

Génesis 43:11 ပူးပေါင်းရင်းမြစ်များ

Génesis 37:25

Tää jam tyëjkëtyë kääpyë ukpë. E ko wäänë y'ijty tä t'ijxpatë ko jam myintë yë Ismael ja'ayëty, mëti'ipë tso'ontëpën Galaad, yë'ë jëyujk jëku'ux wyojpmiintëp jap Egiptë tukmënëjkxtë yë pa'akxu'kpë mëti'ipë yajtijpën bálsamo ets mirrë ets on mëti'ipë oy xu'kpën.

Jeremias 8:22

¿Këtii jëtää jam Galaad ma tsooyë? ¿Këtii jëtää jam pën mëti'ipë yajtsokpënë? ¿Wi'ix ko yë nnaax nkajpnës ka'ap tsyo'oky y'akëtä'äky?

Ezequiel 27:17

Näyjyëtu'un yë Judá ets Israel nän ajuuy ato'kp ijty mëët mijts ets yë'ë mtukmëjuuyëp yë Minit tsajpmok mëët tsajpkääky mëjjatyëtypë ets uuxpa'ak ets on ets tsooy mëti'ipë ja'ay nätyukja'axëpën mëti'ipë pa'akxu'kpën.

Proverbios 18:16

Mëët tu'uk yë näynyamo'ojë, ëwatsp yë tëjk'aaw oymyaajëty, ets jajtp yë ja'ay mëët yë näynyamo'ojë jampaat ma mëj'äämpyë ja'ayëtyën.

1 Samuel 9:7

Jam, jëtu'un y'ëtsooy yë Saúl. Je'eyëp ko, ¿Tii tëy nmo'omyëp? Ix ni tsajpkääky nkamëët'ajtëmë mëti'ipë jeexyë nmo'oyëmën.

Hechos 21:14

Koos n'ijxtë ko ja Pablo ka'ap wyinmaaytyëkatsa'any, täätsës ojts ka'ap n'ëk'akajpxtujknëtë etsës n'ënantë: Wä'än t'ixy wi'ix ja Wintsën të tyukmëtsokyë.

Ezequiel 27:15

Yë Rodës ja'ayëty ajuuy ato'ktëp ijty mëët mijts. M'ajuuy m'ato'kp ijty mëët may yë kajpn mëti'ipë yajpatëpën mejypyë'aay ets yë'ë ijty mtukmëjuuyëp yë elefantë pajk ets oy kepy.

Cantares 8:14

Pëyë'ëk mijts ye'etyëjk, mëti'ipës ntsojkpy nja'apën, pëyë'ëk tä jëtyu'ujën, tä yë jëtyu'u u'unkën jam kopkkëjxm ma oy pya'akxuuky pya'ak jokyën.

Cantares 4:14

tä yë nardos ets azafrán pëjyën, tä yë waxkën ets tä yë canelën ets tä yë poopkepyën ets kepy mëti'ipë pa'akxu'ktëpën, tä yë mirrën ets tä yë áloe ujtsën; tä tu'kë'ëyë yë aay ujtsën mëti'ipë ja'ay yaj'onkojtëpën mëti'ipë pa'akxu'kpën.

Cantares 4:10

Janty oy yajjawë mwiin mjëjp koos ntsu'kxy mijts to'oxytyëjk, mëti'ipës mpëkäämpyën. Jëtu'un yë mwiin mjëjp pya'akëty koos ntsu'kxy tä yë tsatym nyëëjën mëti'ipë tëë nyimaanaxyën ets ni'ik y'oyëty yë tsooy mëti'ipë mnätyukja'axëpën këtiinëm jyëtu'unëty yë tsooy oypyë pya'akxuuktën.

Proverbios 21:14

Ko ja'ay tyäky tu'uk yë näynyamo'ojë mëët tu'uk yë oyjyot oywyinma'any, yë'ëpaat yë tsip tyajxeemy tëëyëpë tsyo'ontaknën.

Proverbios 19:6

Mëti'ipë ja'ay nyayäjkpyën winë ets ka'ap tii nyätyukwintuk'ookyë, aak ixtaayëp yë ja'ay ets aak oyjya'awëyëp.

Proverbios 17:18

Yë tsuuja'ay, nyikëpäjtutyp yë myëtëjk, ok tmëmony tmëtuky.

Salmos 76:11

Tuntë yë waantakën ma Tiosën, mëti'ipë m'ëwtajtëpën, je'eyëp ko mkuuytyuntëp jëtu'un. Miitsëty, jënu'un xynyatänëtën mëti'ipë patëpën yajwinkutsë'ëkëty, yë'ë tukmëyoxtë winë.

Salmos 72:10

Wä'än myëmi'inxëty yë ayajk ako'onën ets näynyamo'ojë yë yajkutujkpëtëjk mëti'ipë tso'ontëpën jam Tarsis ets ma naaxwiinyëtë y'ityën kuwitsë nëëjoty, ets näjyëtu'un yë yajkutujkpëtëjk mëti'ipë jam ijtëpën Sabá ets Seba.

Salmos 68:29

Jam këjxm tsyo'ontä'äky ma ja mtsajptëjkën jam Jerusalén, ma ja yajkutujkpëtëjk tyajmintën ja mnänyamo'ojë,

Ester 4:16

Yajmujkta'a tëkokyë Jutiiyë ja'ayëty mëti'ipë tsënaaytyëpën Susa ets xynyijëëytya'ak xynyinu'kxta'aktëtyës, ni pën kyakay kya'uukëty tëkëëk xëëw tëkëëk tsu'um. Yë ntuunpëtëjkës, yë to'oxytyëjktëjkëty mëti'ipës yam mëët nyajpaatyën, nän tyam ëëts njëëytya'aka'an nnu'kxta'aka'antë ayuu axëëw ets yam ninëjkxa'anyës ja yajkutujkpë ets mëët nmëtya'aka'anyës, oy jëtu'un t'ëkpaatëty ka'ap yowë nmëmëtoyës ja ënä'ämën kutujkën mëti'ipë jää ijtpën. E pën xyaj'o'ktëpës, wä'än t'ixy.

2 Reyes 20:12

Jä'ä xëëw jä'ä po'o yë yajkutujkpë Merodac-baladán, yë myaank yë Baladán, mëti'ipë jam ënä'ämpën Babilonyë, ojts tnijawë ko yë Ezequías ënäty jam pyikyë, ënät tkejxy yë kyukäjpxy mëët tu'uk yë näynyamo'ojë.

2 Reyes 16:8

Acaz ojts jap tju'ta'ay ja pu'ts pujxn ets ja poop pujxn mëti'ipë tsajptëkoty ijtpën ets mëti'ipë jap ma kutujkëntëjkën ets ojts tnamo'oy ja Asiria yajkutujkpë,

2 Reyes 8:8

Ënät ja yajkutujkpë t'ënëmaay ja Hazael: Jam ix tii jam mpëjkpy ets nëjkx xypyääty ja käjpxynyajxpë. Yajtëw wä'än mtuk'ëwa'anxëty wi'ix ja Wintsën y'ënä'äny, pën tso'okaanpës ëkë pën ka'ap.

1 Reyes 15:19

Tsojk tu'uk yë käjpxytyu'unën ntu'unëm, jëtu'un tä ojts tuntën ja nteety'ajt n'ap'ajtëmë. Tyaa ntuknikexy yë pu'ts pujxn ets poop pujxn mëti'ipë namoopyën. Tyam npëjktsoy ets xykyajpxtukëty yë käjpxytyu'unën mëti'ipë mëët'ajtypyën mëët yë Baasá, jampë yajkutukyën Israel këtiipës nëkoo xyajjotkëxëty.

1 Reyes 10:25

Winë jëmëjt ijty nëjkx winë tnamo'otë. Tä ja poop pujxnën pu'ts pujxnën, wit tujkxyën, nijänën, tääts mëti'ipë tyuktsiptuuntëpën yë ja'ayëty, aaynyëë ujts nëë mëti'ipë xu'kpën ets ja jëyujk ëkë kwaay.

1 Reyes 10:15

Ëpëky ja meeny mëti'ipë yajktëpën, ko kyëpätë, ja ato'kpëtëjkëty, ajuupyëtëjkëty ets ja yajkutujkpëtëjkëty mëti'ipë jam ënä'ämtëpën Arabië ets ja wintsëntëjkëty mëti'ipë ënä'ämtëpën ma mutsk kajpnëtyën.

1 Reyes 4:21

Yë Salomón wäänë mëj ijty muum ja kyutujkën yajnikäjpxy, këtiinëm jyëtu'unëty ja wiinkëtypë ja kutujkëntëjk; jampaat ja kyutujktakn y'ëwtijty ma nëëjoy yajtijyën Éufrates ets nyäxy ma ja filistejë ja'ayëtyën; tyimja'ty jam Egiptë. Tëkokyë ja ja'ayëty aak ayajk aak ako'onëtyëp ijty mapaat ja Salomón yajkutujkyën.

1 Samuel 25:27

E tyamtsës n'amëtoy npëjktsoy ma mijtsën ets wya'kxëty ma mtuunpëtëjkën mëti'ipë mjämyëët'ajtëpën, ya'atë näynyamo'ojë mëti'ipë ya ntuknimiimpyën,

Deuteronomio 33:14

Jëtu'un nëjkx xyajpëtë'ëky yë mpëjktä'äky mëjwiin këjää mëti'ipë winjëmëjt mjë'kxëp mpëkëpën, ets winpo'o mni''itëpën,

Génesis 43:14

Tios mpa'ëyowëtëp tääts tnajtsmatsëty ja tu'ukpë ja mëku'ukëty ets Benjamín, e pën ëjts jëtu'unës ënät u'unktuk nwë'ëmëty, minës jëtu'un n'ëkwë'ëmy.

Génesis 33:10

E ja Jacob ni'ikyë y'ënaan'ëtë'ëtsy: Ka'ap, tun yë mëyajtën, pën jää'ajtp ja oyjyot oywyinma'any ma ëtsajtëmën, kupëk ya'atë näynyamo'ojë, ko mijts tyam nwinku'ixë, jëtu'unës näjyawëty Tiosës yowë ntimy'ijxyp kë'ëm. Ëjts nja'awëkyëtäkpyës koos mijts tyam oy xy'ëxaj xykyupëky.

Levitico 20:24

Tyam jëtu'un ntukwinwanëtë, ko miits nëjkx xynyiwintsën'atë ja naax kajpn, mëti'ipë yë'ëjëty kyajpn'ajtëpën, ëjts jëtu'un miitsëty kë'ëm ntimmyo'ojantëp tääpë yë naax kajpn, ma ja jë'kxy pëky ka'ap y'ëmaaytyä'äkyën. Ëjts jëtu'un Wintsën mëti'ipë miits mTiosajtëpën ets mëj'äämpy miitsëty mpëjkta'aktë ma ja naax kajpnën ja wiinkëtypë.

Génesis 43:10

Ko jeexyë ëëtsëty yaa nëkooyë të nkapo'oxtë, wä'än jeexyë ëëtsëty të njanëjkxnëtë ets të njawinpijnëtës mäjtsk'okën.

Génesis 43:15

Yë Jacob yë y'ëna'këty ojts tmënëjkxtë ja näynyamo'ojë ets ja meeny kujkwä'kxy jyaak ni'ikëty ets mëët ja Benjamín ojts nyëjkxtë Egiptë.

Génesis 43:25

Tä yë'ëjëty tnipëjktakëtyë ja näynyamo'ojë ets t'a'ix tjëjp'ixtë ko ja José myina'any kujkxyëëw, tëë ënäty nijawëtë ko jam mëët kyäya'antën.

Génesis 43:26

Ko ojts ja José jyä'ty ma ja tyëjkën, tä ojts tmo'otë ja näynyamo'ojë, mëti'ipë ënäty të tyajmintën ets nyaaxkoowtë, tä jëtu'un ja José yajwintsë'ëkë.

Ezequiel 27:22

Yë Sabá ja'ayëty ets Raamá ja'ayëty jam ijty tyim ajuytyë ma mijtsën, yë'ë winë tyukujuuytyëp yë tsooy mëti'ipë pa'akxu'kpën ets tsaa mëti'ipë tsowën ets pu'ts pujxn.

Éxodo 3:8

Paatyës yaa naaxwiiny të nkëtä'äky etsës nyajtso'oka'antë ma Egiptë ja'ayëtyën, nyajpëtsëmantëpës yam ma tääpë kajpnën etsës nyajnëjkxa'antë ma ja oypyë ja it naaxwiinyëtë, ma myëjwiin y'ëwaatsëtyën ets ma ja jë'kxy pëky ka'ap ninu'un y'ëmaaytyä'äkyën; jam jëtu'un ma tsyëënëtën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty.