Génesis 42:6 - Biblia Mixe de Quetzaltepec

⁶ Yë José yë'ë ënäty ënä'ämpë ijtp jap Egiptë ets yë'ë ja tsajpmok tyukmëto'kpy ja ja'ay mëti'ipë miintëpën tsajpmok juupyë. Ko ojts ja y'äjtytyëjk jam jya'të ma yë'ëjën, ënät nyäjyijtakëtë yë'ë wyintum ets nyaaxkoowtë.

Biblia Dc en Mixe de Quetzaltepec

⁶ Yë José yë'ë ënety ënä'ämpë ijtp jap Egiptë ets yë'ë ja tsajpmok tyukmëto'kpy ja ja'ay mëti'ipë miintëpën tsajpmok juupyë. Ko ojts ja y'äjtytyëjk jam jya'të ma yë'ëjën, ënät nyäjyijtakëtë yë'ë wyintum ets nyaaxkoowtë.

Génesis 42:6 ပူးပေါင်းရင်းမြစ်များ

Apocalipsis 3:9

Ja mëjku'u ja myëtuunpëtëjk mëti'ipë nëkoo nätyijëtëpën ko jyutiis ja'ay'atë ets je'eyë y'anta'aktë, tëëjës ntuknipëjktaakë ets mwinkoxtänëtëty ets nijawëtëty ko mijts n'oyjyawë.

Hechos 7:10

Ojts ja Tios yajpëtsëmyë amaayjoty jotmayjoty. Mooyë ja wijy'ajt kujk'ajtën ets ojts myëku'ukjawëty ja faraón mëti'ipë jap Egiptë yajkutujkpën, ets nyikajpxpäjtë näjyëtu'un kutuunk ma ja Egiptë kajpnën ets ma ja kutujkëntëjkën.

Génesis 45:26

Ko tukmëmëtyaktë ja tyeety Jacob ko ja myaank José juuky'ajtp ets yë'ë jap ijtp ënä'ämpë Egiptë, ka'ap yë Jacob tnija'awëy tii tyuunta'akëpën ets ka'ap ojts tmëpëky tsojk mëti'ipë yajtukmëmëtyakpën.

Génesis 45:8

Paaty Tios jëtu'un të xykyexyës ma ya'atë it naaxwiinyëtën ets ka'ap myiits'atë, yë'ëjës të xypyëjktä'äky win'ëëpë wiinkajpxpë ma yajkutujkpën ets wintsën n'itëtyës ma tu'kë'ëyë jyëën tyëjkën ets yajkutujkpë ma tëkokyë Egiptë tnitänën.

Génesis 44:14

Ko yë Judá mëët yë myëku'uktëjk jya'ajtë ma ja José ja tyëjkën, jaaktam'ajtpnëm ënäty yë José, ënät nyaaxkoowtë José wyintuuy, tyajnikëxë'ëktë jëtu'un ja näywyinkutsë'kën.

Génesis 19:1

Tsu'ujënëp ënätynyë ko ojts nimäjtsk jya'të yë tsajpjotmëpë kukäjpxy jam Sodomë. Jam ënäty yë Lot ma kajpn yajnitëkën, ma ja'ay may yajpaatën. Ko ojts yë t'ixy ja tsajpjotmëtë kukäjpxy ënät ojts tjëjpye'eyi'iky. Tä nyäkyoxtënaaytyakë ets nyaaxkooy.

Génesis 18:2

Ko ojts ja Abraham y'ijxë'ëky, ënät t'ijxy nitëkëëk yë ja'ay wyintänëty ye'etyëjk. Ko jëtu'un t'ixy ojts pojën y'ëxwä'ätsë'ëky ets ojts t'ëëwpo'kxy tkajpxpo'kxy.

Génesis 33:3

Ënät ojts ye'eyi'iky ets nyaaxkooy, ja wyimpok tyukpatyp ja naax, wëxtujk'ok jëtu'un tuuny, koonëm tmëwinkoony ja y'äjty.

Génesis 41:43

Ënät ojts tyajpety ma ja kepy wintëkäämpën mëti'ipë ijty xëmë paye'eyëpën ets tyajmëjtu'unajxtë tu'kkajpnjoty ets tu'kë'ëyë ja'ayëty tyëjkëtyë yaxpë jojkpë ets y'ëna'antë: yaj'ëwa'atstë tu'u'aaw ma nyaxëtyën yë wintsën. Jëtu'un'äämpy ja José ojts tyëkë ënä'ämpë ma tu'kë'ëyë ja naax kajpnën mëti'ipë Egiptë nyitënääpyën.

Génesis 48:12

Ënät yë José tjëwooy yë myaank, ma ja tyeety yë kyoxën ets nyaaxkooy twinkutsë'ëkë jëtu'un ja tyeety.

1 Samuel 20:41

Ko ja Jonatán ojts ja tyuunpë nyëjkxnë, ënät ja David pyëtsiimy jap tsaajëxkë'py ma ënäty yu'utsy të y'ityën. Ko twinkuwa'këy ja Jonatán tëkëëk ok ojts nyaaxkoy tyajnikëxë'ëky jëtu'un ja näywyinkutsë'kën, tääts nyämyajts nyämyënäänëtë ets nimäjtsk jyiiytyë yaxtë, tä ja David ojts jyotkujkë.

Proverbios 11:26

Mëti'ipë ja'ay yu'tsypyën yë tsajpmok, pojkëp yë ja'ay; e mëti'ipë tsyojkypyën, oyjya'awëyëp ja'ay.

Isaías 60:14

Ja ja'ay ja y'u'unk y'ëna'këty mëti'ipë ëxëëk të mtunyën, nëjkxëp mniminyë ets mwintsë'ëkëja'anyë; tëkokyë mëti'ipë ka'ap të mëj ixyën nëjkxëp mniminyë ets mwinkoxtänëja'anyë, ets nëjkx mtijyë ja Wintsën ja kyajpn, ja Sión mëti'ipë ja Wintsën jyä'ä'ajtypyën, ja wa'ats Tios mëti'ipë jam yajpatpën ma Israel ja'ayëtyën.

Génesis 41:54

Ënät ojts tsyo'ontä'äky ja yuu xëëw mëti'ipë ënäty wëxtujk jëmëjt itaanpën, jëtu'un tä ënäty ja José të t'akäjpxyën. Ojts yë yuu y'ity ma tu'kë'ëyë naax kajpnën, jäpyë yuu ka'ap y'ijty Egiptë; ma Egiptë kajpnën jap'ajtp ënäty yë jë'kxy pëky may.

Génesis 41:57

E tu'kë'ëyë ja ja'ayëty oymyëti'ipë kajpnëty jap ojts nyëjkxta'atë Egiptë tsajpmok juupyë ma ja José tsyajpmok tookyën, jä'ä ko ka'ap ënäty nimaa y'ëkyajpatnë ja jë'kxy pëky.