Génesis 42:22 - Biblia Mixe de Quetzaltepec

²² Ënät yë Rubén t'ëtsooy ja myëkä'äxtëjk: Ëjts ojtsës nja'ëna'any ets jeexyë ka'ap wi'ix ntu'unëmë, e miitsëty ka'apës ojts xykyäjpxymyëmëtowtë, e ëëtsajtëm kwanë ënät n'ëtsoowinpijtmëty yë y'o'kën tyëko'oyën.

Biblia Dc en Mixe de Quetzaltepec

²² Ënet yë Rubén t'ëtsooy ja myëkä'äxtëjk: Ëjts ojtsës nja'ëna'any ets jeexyë ka'ap wi'ix ntu'unëmë, e miitsëty ka'apës ojts xykyäjpxymyëmëtowtë, e ëëtsajtëm kwanë ënät n'ëtsoowinpijtmëty yë y'o'kën tyëko'oyën.

Génesis 42:22 ပူးပေါင်းရင်းမြစ်များ

Salmos 9:12

Tios jyä'ämyejtsyp yë ja'ay mëti'ipë yuujoty pa'amjoty yajpatpën ets ka'ap tja'atyëkoy ja jyi'iyën yaxën; tyiytyuunpy mëti'ipë ëxëëk ëtëtsp ënaanpën.

2 Crónicas 24:22

Ja Joás ojts tja'atyëkooynyë ja oypyë ja tu'unën kajpxën mëti'ipë ënäty ja teety Joiadá të tnajtstunën, ja Zacarías ja tyeety, mëti'ipë ojts kyäjpxyën ko y'o'këtäky ets y'ënäny: Yë Wintsën yë'ë yam y'ijxyp winë ets yë'ë nyija'ap wi'ix winë tnipaye'ey.

1 Reyes 2:32

Yë Wintsën yë'ë kë'ëm tukëpätanëp mëët ja tyuuntëko'oyën, mëët ko nimäjtsk yë ja'ay tyaj'o'ky mëti'ipë ënäty ka'ap poky tmëët'atën ets y'ooktëty ets mëti'ipë ënäty oy yë nteetyës të tmëtuntën. Ka'ap tuknija'awëtyë nteetyës, yë'ë jëtu'un ja Abner yë Ner yë myaank, mëti'ipë ënäty nyiwintsën'ajtypyën ja tsiptuunpëtëjk ma ja Israel ja'ayëtyën ets ja Amasá, myaank yë Jéter, mëti'ipë nyiwintsën'ajtën ja tsiptuunpëtëjk mëti'ipë Judá ja'ayëtyën.

Apocalipsis 16:9

Jëtu'un ja ja'ay y'o'ktaaytyë mëët ja xëëw'an, je'eyëp ko oy jyajëtu'unënäty ka'ap ninu'un ja wyinma'any tyaj'o'oyëtë; ka'ap ja Tios tja'amyäjtstë mëti'ipë yäjkpyën ja ëyo'on, wäänëni'ik tjaaktimpyokytyuuntë.

Apocalipsis 13:10

Mëti'ipë nitëjkëyëpën yajtsumëty, nëjkxëp ja yajtsumy; pën nitëjkëyëp yajkupuxëty, nëjkxëp ja yajkupuxy. Yaa yaj'ixa'any pën jotmëkën ets pën mëpëjkpën ma ja Tios ja nyaax kyajpnën.

Romanos 2:15

jëtu'un tyajnikëxë'ëktë ko t'aaw'at tjot'atë ja ënä'ämën. Kyë'ëm winma'any yajnikëxë'këtëp ets kyë'ëm winma'any yajpokykya'ajëtëp ëkë kuwanëtëp,

Hechos 28:4

Ko ja kukajpn t'ijxtë ko ja tsa'any jam tyiinyë ma ja Pablo ja kyë'ëjën, tääts nyäy'ënanëtë: Ya'atë ja'ay, yaja'ay'o'kpë ënät yë'ë. Oy të jyapëtsëmy juuky mejyjoty, yë Tios yë nyipaye'eyën yë'ë ka'ap y'ëxmatsyë ets jyuuky'atëty.

Lucas 23:41

Ëëts'ajtëm, xynyitëjkëm ets n'ëyo'owmëty, xypyaat'ajtëm ëëts nkëpäjtmëty mëti'ipë të ntuuntëko'oyëmën; ya'atë ja'ay ka'ap tii të tuuntëkoy.

Ezequiel 3:18

N'ëkpëjktakmëty nikajpxëtyës tu'uk yë ëxëëk ja'ay mëti'ipë tëë nyitukën ets y'ookëty; pën mijts ka'ap ja ëxëëk ja'ay xytyuk'ëwaanë ko tëë nyitukë ets jeexyë ja y'ëxëëktu'unën t'ëxmatsy, yë'ë kopkpëky ja nëjkx tku'ookë ja tyëko'oyën, mijts nëjkxëp mpokytyëëmë'ëky ko ënäty të xykyatuk'ëwaanë ets jeexyë tsyo'oky.

Génesis 4:10

Jëtu'un yë Wintsën y'ënëmaayë: ¿Wi'ix ko jëtu'un të m'ëtë'ëtsy? Yë m'uty jyot nye'pny, mëti'ipë të xytyemy të xyjye'etyën naaxkëjxy. Yë'ëjës xy'amëtoop etsës nipaye'eyëty.

Génesis 42:23

Yë'ëjëty ka'ap ënäty nijawëtë ko ja José wa'ats tja'akyukë mëti'ipë myëtyaktëpën, yë José wiink ayuk ënäty tyukmëkäjpxyp ja y'äjtytyëjk, ëpëky tmëëtëty ja wiinkpë ja ja'ay mëti'ipë kajpxwatsëyëpën ja y'ayuk.

Génesis 45:3

Ënät ja José t'ënëmaay ja myëkä'äxtëjk: Ëjts jëtu'un José. ¿Jamës ja nteety jyuuky'ätynyëmë? Tä ojts nyäy'ëtsë'ëkëtë ko ojts tjawëtë ko tam twin'u'unyëtë ets ka'ap ënäty t'ëkjëkyäjpnë y'ëtsowtëty.

Génesis 50:15

Ko ënäty tëë yë Jacob y'o'knë, ënät ja José ja myëkä'äxtëjk ojts myäytyë tyajtë: Wä'änxyëp jëtää yë José y'ekyë ets ënät ëxëëk xy'ëktu'unënëty, tuunwinpitëty ijxtëm ojts ëxëëk ntu'unëmën.

1 Samuel 19:4

Ets Jonatán oy ojts nimëtyä'äky ja David ma tyeetyën, jëtu'un, t'ënëmaay: Yajkutujkpë, jëtu'unës nja'ënaanpë ko ka'ap yowë y'oyëty ko mijts tëkatsy mmay mtajy ma Davidjën, jä'ä ko yë'ë ka'ap maa tmëtuuntëkoy yë yajkutujkpë, ni'ikyë oypyë mtukmëtunyë.

1 Reyes 2:33

Yë Joab yë'ë poky tukëtakpätanëp xëmëkyëjxm, mëët ko y'ooka'any ets näjyëtu'un ja y'u'unk y'ëna'k. E yë'ë ënät, ma ja David ja y'u'unk y'ëna'kën ets ma y'u'unk tyo'oxytyëjkën, xëmë jam y'itëty ja jotkujk'ajtën ets näjyëtu'un jam ma ja kyutujkënën.