Génesis 41:42 - Biblia Mixe de Quetzaltepec

⁴² ënät ja yajkutujkpë nyätyukë'ëji'tstutë ja kyë'ëjiits, mëti'ipë ënäty myëët'ajtypyën ja tsa'ayajtën mëët ko yajkutujkpë'aty ets tmooy ja José. Tääts ni'ënä'ämëy ko txoxtëty mëët ja wit oypyë ets mëti'ipë tsowën ets t'oytyuunëtëty näjyëtu'un ja nyantsëm pu'ts pujxnëpë.

Biblia Dc en Mixe de Quetzaltepec

⁴² ënät ja yajkutujkpë nyätyukë'ëji'tstutë ja kyë'ëjiits, mëti'ipë ënety myëët'ajtypyën ja tsa'ayajtën mëët ko yajkutujkpë'aty ets tmooy ja José. Tääts ni'ënä'ämëy ko txoxtëty mëët ja wit oypyë ets mëti'ipë tsowën ets t'oytyuunëtëty näjyëtu'un ja nyantsëm pu'ts pujxnëpë.

Génesis 41:42 ပူးပေါင်းရင်းမြစ်များ

Daniel 5:29

Ënätyë ja Belsasar yajkutujkpë ni'ënä'ämëy ets ja Daniel yajtukxoxëty ja wit tsaptsëtypë ets yajtukyo'ktëyëty ja pu'ts pujxn yo'kjän ets tuk'ëwa'anëtyääy ja mayjyä'äy ko ja Daniel jä'ä najxp yajkutujkpë ma mëtëkëëkpë ja kutujktaknën.

Daniel 5:7

Tääts mëk tyëjkëy yaxpë jojkpë ets tmëkajpxmujktaay ja nyasja'apëtëjk, ja wyijyjyä'äytyëjk ets ja xyëëwmääpyëtëjk mëti'ipë jam Babilonyë yajpatëpën ets t'ënëmaay: Pën yajniwijpy xiipë këxja'ay yajpaatyën ets pën xytyukmëmëtyakpës wi'ix y'ënä'änyën, yë'ë yajtukxoxëp yë tsapts yëk wit ets yajtukyo'kwitsëty yë pu'ts pujxn jo'oky ets yë'ë nëjkx y'ity ënä'ämpë ma ja mëtëkëëkpë ja ënä'ämpën ëpa'tkë'ëytsyowpë yajpaatyën.

Ester 3:10

Ënät ja yajkutujkpë nyätyukë'ëji'tstutë ja kyë'ëjiits ets tmooy ja Amán, mëti'ipë ënäty myëtsip'ajtypyën ja Jutiiyë ja'ayëty.

Daniel 5:16

E tëëtsës nmëtoy'äty, ko mijts mkajpxtë'kxyp winma'any mëti'ipë tsipën. Pën mijts maayëp xykyajpxëty xiipë këxja'ay y'ityën ets pën xytyuk'ëwa'anëtëpës wi'ix nyiwijyën, myajtukxoxëp yë tsapts yëk wit ets myajtukyo'ktëyëp yë pu'ts pujxn yo'kjän ets nëjkxëp myajtuknipëky ets mijts m'ënä'ämëty ma ja ënä'ämtäknën mëtëkëëkpë nyäxymyëtyën.

Ester 8:2

Ënät ja yajkutujkpë Asuero nyätyukë'ëji'tstutë ja kë'ëjiits mëti'ipë ja Amán ijty yajtuumpyën ets tmooy ja Mardoqueo. E ja Ester yë'ë ojts tuknipëky ja Mardoqueo ets tniwintsën'atëty tëkokyë winë mëti'ipë ja Amán jyä'ä'ajtypyën.

Ester 8:15

Jä'ä xëëw ja Mardoqueo jap pyëtsiimy ma ja kyutujktaknën, jä'ä wyit tyuktëjkëy mëti'ipë ja yajkutujkpëtëjk wyit'ajtëpën; jä'ä wyooxyëty poop ets yëktsuxk, ojts ja pu'ts pujxn kujän tpëjktä'äky ma kyëpajkën ets nyätyukniyä'pë tu'uk ja mëjwit, tsapts wyooxyëty, oywyit. Tä ja mayjyä'äy tyëjkëtyë yaxpë jojkpë mëët ja mëj xoontakën;

Ester 8:10

Ja noky, yë'ë ojts kë'ëm tim tsyä'äy ja yajkutujkpë ets ojts näjyëtu'un twinkukäätsë, kë'ëm ojts ja kyë'ëkaa jam tpëjktä'äky. Ko yajjaaytyääy ja noky, tääts ja kunoky tmëtso'ontë. Ja kunokyëty kwaaykyijxy tmëjëtijtë ja noky. Jä'ä yajtuuntë ja kwaay mëti'ipë ja yajkutujkpë jyä'ä'ajtypyën. Tääts poj'am jya'ajtaay kajpntum ja nija'awën.

Ezequiel 27:7

Yë wit mëti'ipë mtuknitëëpyën yë kepy nëëwinye'epyë yë'ë linë wit mëti'ipë jap Egiptë tso'onpën, yë'ë ijty mwintëy'äjtyp ja mkepy nëëwinye'epyë; yë mtëjknikäm yë'ë mëët y'oytyunyëty yë ukywyit ets tsaptswit jampë Elisá tsyoonyën, mejypyë'aaypyë yajpaatyën.

Cantares 1:10

Janty oy yë m'apënuuky xymyëëtëty mëti'ipë tatsktëy itkujky yajpatpën. Janty oy yë myo'kn xymyëëtëty mëti'ipë nantsëmjoty ijtpën.

Proverbios 31:24

Tääpë to'oxytyëjk yajkojpy yë nijän ets wëën oyëtypë ets tukmëtooky ja mëti'ipë ajuutyëpën.

Proverbios 31:22

Kë'ëm t'oytyuny yë kyoy pyä'än, ets aakyë'ë yajtuunpy oyëtypë ja wit tujkxy.

Ester 8:8

Tyamës nyajkutuky nxëëwkyëjxmës, ets miits yam ntuknipëjktëp xyjya'atëty ja noky ijxtëm mëpaat ja jutië ja'ayëty tuk'oy'atën ets xytya'atëty mëët ja kë'ëjiits mëti'ipë ja yajkutujkpë kyë'ëjiits'ajtypyën. Tu'uk ja noky mëti'ipë të tyajkojyën yë yajkutujkpë ets mëti'ipë të tsa'ayën mëët ja kyë'ëjiits ets ëpëky të twinkukäätsë, ka'ap tjëkyepy pën tyajma'atëty.

Ester 3:12

Ma majktëkëëk y'änyën ja mëët tu'kpo'opë, jä'ä jëmëjt ojts yajmëkajpxmuktë ja jaaypyëtëjkëty mëti'ipë tuuntëpën ma ja yajkutujkpën, ojts yajtuk'ënä'ämtë tja'atëty ja ënä'ämën mëti'ipë të tnipëjktaakën ja Amán ets yajtuknikäxtëty ja mutsk yajkutujkpëty mëti'ipë yajpatëpën ma ja it naaxwiinyëtën mëti'ipë nyitënääpyën ja yajkutujkpë Asuero ets ja kutuunktëjkëty mëti'ipë kajpn kajpn yajpatëpën. Ya'atë ënä'ämën jëtu'un yajjaay tä ja naax kajpn ënäty ja aaw ayuk tkajpxtën nijä'äjaty, ojts ja yajkutujkpë xyëëw yajkëxja'ay ets yë'ë tsaay ja noky mëët ja kyë'ëjiits,

Lucas 15:22

Ënät ja u'unkteety t'ënëmaay ja tyuunpëtëjk: Tsojk nëjkx ja oypyë wit xyajtsoontë ets xytyukxoxtëty, pëjktakëtë kyë'ëjiits ets kyë'ëk.

Proverbios 1:9

Jëtu'un xymyëët'atëty tä jeexyë tii janty'oy myajkëxë'ëkyën, tä tu'uk yë nantsëmën ëkë kujänën.

Ester 10:3

Yë Jutiiyë ja'ay mëti'ipë xyëëwajtypyën Mardoqueo, jëjp'am ojts y'ity ma ja Asuero yajkutujkyën, mëj'äämpy ojts jyä'äy jyëkyepyë, tëkokyë mëti'ipë Judá ja'ayëtyën; tsojkë ja'awëyë mëk ja myëku'uktëjk, jä'ä ko ojts tmëmay tmëtajy ja nyaax kyajpn ets ojts tkuwa'any ets tnitsiptuny ja myëkunaax myëkukajpn ko ja amay jotmay tpatë.

Génesis 38:18

Ënät yë Judá tyajtëëy: ¿Tiixë mtsojkpy ets ntukmëwë'ëmëty? Mooykyës yë mëti'ipë jëyujk mtuktsääpyën mëët yë nyipiity ets nän mooykyës yë mtajk, mëti'ipë jam mkë'ë'am'ajtypyën. Ënät ja Judá tmooy ets ojts tmëëtko'knë ja to'oxytyëjk, tä ojts tyajwë'ëmy u'unk mëët.

Génesis 41:43

Ënät ojts tyajpety ma ja kepy wintëkäämpën mëti'ipë ijty xëmë paye'eyëpën ets tyajmëjtu'unajxtë tu'kkajpnjoty ets tu'kë'ëyë ja'ayëty tyëjkëtyë yaxpë jojkpë ets y'ëna'antë: yaj'ëwa'atstë tu'u'aaw ma nyaxëtyën yë wintsën. Jëtu'un'äämpy ja José ojts tyëkë ënä'ämpë ma tu'kë'ëyë ja naax kajpnën mëti'ipë Egiptë nyitënääpyën.

1 Samuel 18:4

Ëpëky yë Jonatán ojts nyätyuknijääntu'utyë yë nyijän mëti'ipë ënäty yë'ë pyëjktäkpyën ets tmooy yë David, ojts näjyëtu'un tmo'oy yë pyujxn tyi'pxn ets pyo'owëën.

Salmos 73:6

Paaty yë'ëjëty jëtu'un oy yaj'ixtë ko nyämyëjaw nyäjyääntyjyawëtë ets ja tsiptu'unk, jä'ä jya'awëtyëp tä wit xoxën;

Cantares 4:9

Tëës yë njot nja'awën xypyëjkë, mijts to'oxytyëjk, mëti'ipës mpëkäämpyën; tëëjës yë njot nja'awën xypyëjkë koos të xy'ixy, mëët yë mpiity mëti'ipë myo'ktëy'äjtypyën.

Jeremias 52:33

Ko ja Joaquín jap pyëtsiimy pujxn tëkoty, ojts tjäänë ja wyit mëti'ipë jap pujxn tëkoty myë'ijtypyën ets ja oypyë ja wyit tuktëjkëy. Jëtu'un mëët tu'ukyë kyääy y'uky ja Babilonyë yajkutujkpë ets jam tsyënaay, mapaat jyaak juuky'äjtyën.

Isaías 3:23

ijxn, atëëytyuk mëti'ipë ja to'oxytyëjk nätyukwinkuwijtsëtëpën, yo'knwits ets tu'kë'ëyë jënu'un ja to'oxytyëjk tyajtuntën ko nyäy'oytyunëtë.