Génesis 41:16 - Biblia Mixe de Quetzaltepec

¹⁶ Ëjts ka'apës tääpë xypyääty nkajpxwa'atsëtyës yë mkuma'ay, jëtu'un y'ëtsooy yë José. E Tios yë'ë yakäämpy yë kajpxwinpijtën mëti'ipë mijts mtuk'oy'atëpën.

Biblia Dc en Mixe de Quetzaltepec

¹⁶ Ëjts ka'apës tääpë xypyääty nkajpxwa'atsëtyës yë mkuma'ay, jëtu'un y'ëtsooy yë José. E Dios yë'ë yakäämpy yë kajpxwinpijtën mëti'ipë mijts mtuk'oy'atëpën.

Génesis 41:16 ပူးပေါင်းရင်းမြစ်များ

2 Corintios 3:5

Ka'ap kyë'ëmëty të ni''ijxpëjkëmë ets n'ëna'anmëty ko tii nmëët'ajtëmë, Tios yajktääpy tu'kë'ëyë winë mëti'ipë ntu'unëm nkajpxëmën.

Génesis 40:8

Ya'atë tsu'umës të nwinkuma'atë ets ka'ap pën mëti'ipë mëpaat tyajniwijyën, jëtu'un y'ëtsoowtë. ¿Tii këtii yë'ëjëtyë Tios mëti'ipë xytyukyajniwijëmën winë? Jëtu'un ojts yë José y'ënä'äny: Tukmëmëtyaktëkës mëti'ipë të xykyuma'atën.

Daniel 2:47

Ok t'ënëmaay yë Daniel: Tëy jaanty yë'ë mijts yë mTios, ni'ik myëjëty këtiinëm jyëtu'unëty yë wiinkëtypë tios; yë'ë nyiwintsën'ajtääpy yë yajkutujkpëtëjk ets yë'ë yäjkpy yë nija'awën ma tsipëtypë ets yu'utsypë winma'any, paaty mijts të xynyijawë wi'ix nyiwija'anyën ya'atë nkuma'ayës.

Hechos 3:12

Ko ja Pedro jëtu'un t'ijxy, ënät t'ënëmaay: Miits, Israel ja'ayëty, ¿tii ko mëj'ixy xyjyawëtë, tii ko ëëts janty mëj'ixy xy'ixtë jëtu'un tä jeexyë ëëts yë nkë'ëm mëk'ajtën të ntukyajtso'oktën, ëkë ijxtëm jeexyë ëëts të npa'ëyowtën mëët ja mëk'ajtën ëkë ja kutujkën?

Números 12:6

Ënät ja Tios y'ënëmaayëtë: Mëtoow'itë mëti'ipë yam ntuk'ënëëmëjantëpën: Ko tu'uk yë nkäjpxynyajxpës yajpaaty ma miitsëtyën, ëjts mëtyakpës mëët kuma'ayjoty ets ntuk'ijxypyës oytyiijëty tä ja'ay y'ijxën myä'ätyën.

1 Corintios 15:10

E ja Tios tëë ja myëj'ajtën tuny, paatyës të xykyupëky ets ja mëyajtën mëti'ipë të tunyën ka'ap ja nyatëkë'aty. Nikë tëëjës wäänëni'ik ntuny këtiinëm ja wiink ijxpëjkpëtëjkëty; je'eyëp ko ka'ap y'ëjtsëty kë'ëm, Tiosës të xypyutëkë mëët ja y'oyjyot y'oywyinma'any.

Hechos 3:7

Tääts ja Pedro tmajtsy ma ja y'a'oykyë'ëjën ets twijtsë'ky, ënätyë wya'k'o'oyëy ets ja tyeky myëkpëjky.

Lucas 19:42

ets y'ënäny: Jëtu'unpëk jeexyë ya'atë xëëw xyjyä'äkyukë ko mjayajtukniminy ja jotkujk'ajtën. Je'eyëp ko ka'ap jyëtu'unëty, yu'utsy yajpaaty ma mijtsën ets ka'ap xy'ijxpaatëty.

Daniel 4:2

Ntsojkpyës ets miitsëty xynyijawëtëty wi'ix yë Tios Ni'ik Këjxmëpë tii winë tunyën ets wi'ix winë mëj këjää të tunyën ma ëjtsën.

2 Reyes 6:27

Tä ja yajkutujkpë y'ëtsooy: ¿Pën yë Wintsën ka'ap mputëkëty, wi'ixën xytsyoky ëjts mijts mputëkëty? ¿Jä'ämë yam mijts ni'ik nmo'ojëty yë tsajpmokë, ëkë kääky uukyë?

Génesis 37:14

Oy mnëjkxëty, jëtu'un y'ënäny yë Israel. Nëjkx ix wi'ix yajpaatë jam ja mmëkä'äxtëjk ets näjyëtu'un ja jëyujk tsajpkaa, tsajppax ets kupixyny, e ko mwinpitëty täätsës xytyukmëmëtya'akëty wi'ix ënäty jam të xy'ixy të xykyoyën. Ënät yë Israel tkejxy yë José, jam ojts tsyoony Hebrón ets jyä'äjty Siquem. Tam ënäty tyimja'tanë

Génesis 41:17

Ënät ja yajkutujkpë t'ënëmaay yë José: Maajës yë nkëma'ayën jëtu'unës näjyawëty jamës yowë ntänë nëë'ëkë'ëm, ma mëjnëë jyënäkyën, mëti'ipë xyëëwajtypyën Nilë,

Génesis 41:25

Ënät yë José ojts yë yajkutujkpë t'ëtsoy: Yë mäjtskpë mëti'ipë të xywyinkuma'ayën, tu'uk mëti'ipë nyikäjpxypën. Tios mijts të mtuk'ixyë mëti'ipë tyunäämpyën tääts xynyijawëty.

Génesis 41:28

Jëtu'un ijxtëm të n'ënëëmën: Tios të mtuknijawëty tii tunan jatanëpën.

Deuteronomio 29:29

Jaaktäänëm mëti'ipë ka'ap yajnijawën winë, yë'ë tëy yë nWintsën'ajtëm Tios nyija'ap, e may näjyëtu'un mëti'ipë tëë nija'awëmën ets tëë tnijawëtë ja u'unk ëna'k ets yajpaatunëty, tä ja ënä'ämën tëyajtënën.

Zacarías 4:6

Ets y'ënäny: Jëtu'un ja Wintsën t'ënëmaay ja Zorobabel: Ka'ap yë'ëkyëjxmëty ko may jyääjëty yë tsiptuunpëtëjk ëkë ko ja'ay jyotmëkëty, yë'ë tuunp ëjts yë nmëjaaw nmëk'ajtën, jëtu'un y'ënä'äny yë Wintsën mëti'ipë maaytyääyëpën winë.