Génesis 4:4 - Biblia Mixe de Quetzaltepec

⁴ Näyjyëtu'un yë Abel ojts tmënëjkxy ma Wintsënën tu'uk yë kupixyny, mëti'ipë kä'äxkopkën ets oy mëk. Yë Wintsën oy ojts t'ixy ja Abel ja wyintsë'kën mëti'ipë yajkën,

Biblia Dc en Mixe de Quetzaltepec

⁴ Näyjyëtu'un yë Abel ojts tmënëjkxy ma Wintsënën tu'uk yë kupixyny, mëti'ipë kä'äxkopkën ets oy mëk. Yë Wintsën oy ojts t'ixy ja Abel ja wyintsë'kën mëti'ipë yajkën,

Génesis 4:4 ပူးပေါင်းရင်းမြစ်များ

Génesis 15:17

Ko ënäty të tsyu'ujënë ets koots kyëxë'knë. Ënät ojts t'ixy tu'uk tsijtk, jëënjok jap pëtsëëmp. Ets tu'uk t'ijxy yë jëënyä'änk, jam nyäxy ma ja jëyujk ookyën.

Génesis 4:3

Nyäjxy jëtu'un ja xëëw jëmëjt, ënät yë Caín ojts tëkok yë Tios tukninëjkxy yë aaytyëëm ujtstëëm ets yë'ë tukwintsë'ëkëja'any.

1 Reyes 18:24

Ënät miitsëty xymyëpëjktsowtëty ja mwintsënëty, ëjts nän tyamës ja nWintsën nmëpëjktsoowpëty, ja Wintsën mëti'ipë ënäty kyukäjxnajxypyën ja jëën yë'ë jëtu'un ënäty janty mëtëy. Tääpë winma'any oy yë'ë. Jëtu'un y'ëtsoowtë ja kunaax kukajpnëty.

1 Reyes 18:38

Tyam kyajpxta'ay, tyam ja jää kyupëmiimnaxy ma ja wintsë'kën ënäty jam y'ityën ets tyajtooytyëkooytyääy, wä'än yë'ëjëty ja kepy tsaa, pujxm naaxway, ja nëë mëti'ipë ënäty jam të kyutä'ämëtyääyën ma ja nëë'atu'ujën wa'ats ja tyajtëtstaay.

1 Crónicas 21:26

jam ojts tkojy tu'uk ja wintsë'këntyakn, ma tmooyën ja Wintsën ja wyintsë'kën nino'oky nixämpyë, ets ja nay'ëëw'oy näykyajpx'oyë ttuuny mëët ja Wintsën. Tä ja Wintsën tmënu'kxtäky ets y'ëtsoowë mëët mëj jëën, jam tsajpjotm tsyo'ony ets tukkëtäky ja jëyujk ooky nino'okpyë mëti'ipë ënäty jamën ma wintsë'këntyaknën.

2 Crónicas 7:1

Ko ja Salomón kyajpxtaktaay, ënät jam tsajpjotm tsyo'ony mëj jëën ets tukkëtäky ja jëyujk'ooky mëti'ipë ënäty jam të yajpëjktä'äkyën ma ja wintsë'kën yajyäkyën ja nino'okpyë, tä ja Wintsën ja tyëjk tyuktujky mëët ja myëj'ajt y'oyajtën,

Salmos 20:3

Wä'än tja'amyäjtsta'ay mëti'ipë të xyyoxyën, ets oy tkupëkëty ja wintsë'kën mëti'ipë mo'ojäämpyën.

Éxodo 13:12

Yë Tios yë'ë kopkpëky mtukmëyoxtëp yë m'u'unkëty m'ëna'këty mëti'ipë më''ëka'any miintëpnëm naaxwiiny, ets näjyëtu'un ja mjëyujkëty mëti'ipë ënäty më''ëka'any mëxu'unk'ajtëpën yë Wintsën jyä'ä'atëp.

Proverbios 3:9

Mëtun Tios mëët yë mwit mmeeny ets mjë'kxy mpëky; mëët yë m'aay m'ujts mëti'ipë mkamwinm mtu'uwinm myajpëtë'kpyën,

Eclesiastés 4:4

Tëës näjyëtu'un n'ixy ko ja'ay mëk nyäyajtunyë ets wyimpety ja wyit myeeny, yi'iyë näy'ëxëëk'ixë näkya'oy'ixë y'ixkujkëp, tääpë nän natëkë winma'any yë'ë, jëtu'un tä jeexyë nëkoo jyuukyajtën tuk'ëyi'ikyën.

Levitico 9:24

Jëtu'un kyëtäky, tä tu'uk yë mëj jëënyä'änkën ets ojts tukëtä'äky ja jëyujk'ooky ets tyajtooykyëtaktaay tu'kë'ëyë jënu'un ënäty jamën ma ja wintsë'këntyaknën. Ko jëtu'un yaj'ijxy ënät yë Israel ja'ayëty tyëjkëtyë yaxjpë jojkpë mëët ja xoontakën ets tëkokyë nyäjyijtaktaayëtë naaxkëjxy ets ojts ja Tios t'ëwtatë, mëët tu'uk ja näwyintsë'ëkë.

Números 16:15

Ënät yë Moisés ojts mëk jyoot'anpëky ets t'ënëmaay yë Tios: Wintsën këtii xykyupëjkëty yë y'ayajk y'ako'onënëty. Ëjts nitu'ukënës yë krukts të nkapëjkëtë ets ka'ap ma wi'ix ntuntës.

Números 16:35

Ojts yë Tios näjyëtu'un tkukäjxnaxy yë jëën mëti'ipë yaj'o'ktaayën nimäjtsk mëko'px ja wëxtyikxy majkpë ja ja'ay, mëti'ipë ënäty të tno'oktën ja poom.

Números 18:12

Mijts yam näjyëtu'un nmoopy ja aaytyëëm ujtstëëm mëti'ipë ëka'any tëëm'ajtë'kpën, mëti'ipë yë Israel ja'ayëty xytyuknimiintëpës winjëmëjt: tä yë olivë onën, tsatym nyëë mëti'ipë tëë nyimaanaxyën ets tsajpmok, tëkokyë aakyë'ë oyjyätyëtypë.

Números 18:17

E pën yë'ë yë tsajpkaa yë kyä'äxkopk, këtii xy'ëwa'atsëty ets pën tjuuypyëtsëmëty, oy yë'ëjëty yë tsajppax ëkë kupixyny. Jä'ä ko yë'ëjëty ëjts yë xypyatp, paaty kopkpëky yë'ë ets xyaj'ookëty. Yë nye'pny jam xyijkxjëtijtëty ma wintsë'këntyaknën, yë y'on mnino'okëp ets yë'ë y'ayajkën'at y'ako'onën'atëty mëti'ipë oy xuukëpën jokëpën ëjts nwintuuyës.

Hebreos 11:4

Mëpëjkën mëët ja Abel ojts tmo'oy ja Tios tu'uk ja wintsë'kën mëti'ipë ni'ik tsoowpatën këtiinëm ja Caín ja jyä'ä, paaty ja Tios ojts tyijyë wa'ats ja'ay ets ojts kyupëjkxëty ja wyintsë'kën. Oy ja Abel të jya'o'knë, jëtu'un jä'ä ijxtëm jeexyë kyäjpxyën, jä'ä ko ojts myëpëky.

Hebreos 9:22

Jëtu'un ja Moisés ja y'ënä'ämën tnikäjpxy ets oy tyimtiijëty, ne'pny mëët wya'atsëty, ets ko ja ne'pyny kya'itëty, ka'ap ja poky yajmä'kxëty.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.

Jueces 6:21

Ënät ja Wintsën ja kyukäjpxy ojts ja tyajk tukpaaty ja tsu'utsy ets ja tsajpkääky ets mëj jëën jap pyëtsiimy tsaajoty. Wa'ats tyooytyääy ja tsu'utsy ets ja tsajpkääky; ko tyooynyajxtaay, ja Wintsën ja kyukäjpxy jëtu'unyë ojts t'ijxtëkoy.

1 Samuel 15:22

Ënät ja Samuel y'ënäny: Yë Wintsën yë'ë ni'ik y'oyjya'ap ko yajmëmëtowëty, ets ka'ap yë'ëjëty ma winë yajmo'oy yajkexyën, tä yë wintsë'kënën, ëkë ma jëyujk tsajpkaa yajtukwino'okyën. Yajtsoowpatyp ni'ik ko yajkäjpxymyëmëtowëty, ets këtii ko yajmo'ojëty jëyujk'on tsu'utsy'on.