Génesis 4:26 - Biblia Mixe de Quetzaltepec

²⁶ Yë Set ojts näjyëtu'un tu'uk yë y'u'unk myääyëty tpaatë t'ixtë, mëti'ipë xyëëwmooytyën Enós. Ko yë Enós myëxu'unk'ajty, ënät ojts ëka'any yë ja'ayëty t'ëwtajtsoontë yë Tios.

Biblia Dc en Mixe de Quetzaltepec

²⁶ Yë Set ojts näjyëtu'un tu'uk yë y'u'unk myääyëty tpaatë t'ixtë, mëti'ipë xyëëwmooytyën Enós. Ko yë Enós myëxu'unk'ajty, ënät ojts ëka'any yë ja'ayëty t'ëwtajtsoontë yë Dios.

Génesis 4:26 ပူးပေါင်းရင်းမြစ်များ

Génesis 12:8

Ënät ojts yë Abram nyijkxy ma ja it naaxwiinyëtën kopkjotmëpë, mëti'ipë wë'ëmpën a'oytsyow ma Betel kajpnën, jam tpëjktäky yë tsyënaaytyakn. Yë Betel anajnytsyow ënäty wyi'imy ma ja tsyënaaytyaknën, e ja kajpn mëti'ipë xyëëwajtypyën Aí a'oytsyow wyi'imy. Ma tääpë ja it naaxwiinyëtën ojts yë Abram tyajkojy jam yë wintsë'këntyakn ets ojts tpa'tmëkäjpxy ja Tios ja xyëëw.

Génesis 26:25

Ënät ja Isaac jam tu'uk tya'o'oyëy yë wintsë'këntyakn, ma ja Tios t'ëwtajtyën. Jam wäänë tsyënaay ets ja tyuunpëtëjk jam tu'uk ja nëëjut tyaj'ëwatstë.

1 Reyes 18:24

Ënät miitsëty xymyëpëjktsowtëty ja mwintsënëty, ëjts nän tyamës ja nWintsën nmëpëjktsoowpëty, ja Wintsën mëti'ipë ënäty kyukäjxnajxypyën ja jëën yë'ë jëtu'un ënäty janty mëtëy. Tääpë winma'any oy yë'ë. Jëtu'un y'ëtsoowtë ja kunaax kukajpnëty.

Salmos 116:17

Nmo'ojäämpy yë wintsë'kën ets jëtu'un nyajnaxa'anyës yë kukajpxën ja'awëkyëtakën, etsës n'ëwtata'any yë mxëëw, Wintsën.

Isaías 44:5

Nëjkxëp ja ja'ay y'ënä'äny: Ëjts Wintsënës xyjyä'äy'ajtp, wiinkpë jëtu'un nëjkx nyätyijyë: Jacob xy'u'unk'ajtp xy'ok'ajtpës, wiinkpë jam kyë'ëkëjxm tkëxja'aja'any: Wintsënës xyjyä'ä'ajtp, ets wiinkpë nëjkxëp xyëëw tyajtëkatsy ets nëjkx Israel xëëw tpëjktä'äky.

Isaías 48:1

Mëtoow'it ya'atë aaw ayuk, miitsëty jënu'un yë Jacob t'u'unk'aty t'ok'atyën, mëti'ipë xyëëwajtëpën Israel, Judá y'u'unk y'ok. Mëti'ipë tii winë nyikajpxtëpën mëët yë Wintsën xyëëwkyëjxm, mëti'ipë y'ëwtajtëpën yë Tios, mëti'ipë yë Israel ja'ay Tyios'ajtëpën, wiinkë'ëy akë'ëy.

Isaías 63:19

Ëëtsëty jëtu'unës tyam nyajpaatë tä jeexyë mijts ka'ap nijëna'a myajkutukyën ma ëëtsëtyën, jëtu'un tä jeexyë ka'ap nijëna'a mxëëw të yajja'amyetsyën.

Jeremias 33:16

Jä'ä xëëw ëwaatsëtuuy nëjkx Judá yajpaaty ets Jerusalén jotkujk nëjkx y'ity. Jëtu'un nëjkx tijtë: Yë Wintsën yë'ë xyajmëtakëm.

Joel 2:32

E tu'kë'ëyë mëti'ipë yë Wintsën y'ëwtajtëpën, nëjkxëp tsyo'oktë o'këntuuy; jä'ä ko jam ma Sión kopkën ets ma Jerusalén kajpnën, jam'ataanp ja nitsokën tä yë Wintsën të twinwanën. Mëti'ipë të twin'ixyën nëjkxëp jyuuky'atë.

Sofonías 3:9

Ko ënäty jëtu'un tpaaty ja xëëw jëmëjt, jääjës nëjkx nyajwatsta'ay ja naax kajpn ja y'aaw y'ayuk ets nitëkokyë xymyëkajpxtëtyës ets xymyëtuntëtyës.

Lucas 3:38

yë Enós y'u'unk, yë Set y'u'unk, yë Adán y'u'unk ets Tios y'u'unk.

Hechos 11:26

Ko tpaty, tää ojts twoy jam Antioquía. Jam ojts y'itë kä'pxy tu'kjëmëjt mëët ja mëpëjkpëtëjkëty ets ja ja'ay may tyaj'ijxpëjktë. Jam Antioquía ojts ja mëpëjkpëtëjk ëka'any yajtijtë Cristianë.

Hechos 2:21

Ets ni'ëmukë ja ja'ayëty mëti'ipë ja Wintsën ja xyëëw kyajpxpatëpën, jä'ä nëjkx nyitso'oktë. Tääts ja Pedro jyaak'ënany:

Romanos 10:13

Jä'ä ko jëtu'un ja Tios ja y'aaw y'ayuk y'ënä'äny: Ni'ëmukë mëti'ipë y'amëtoowtëpën ja Wintsën ets nyitso'oktëty, yë'ë pyaatëp ja nitsokën.

1 Corintios 1:2

Tyamës ja mëpëjkpëtëjk ntuknikäxtë ja noky mëti'ipë ye'eymyujktëpën jam Corinto ets tu'ukyë y'itë mëët ja Kristë Jesús, mëti'ipë ja Tios të yaxtsowëtën ets jyuuky'atëty wa'ats, miits ets ni'ëmukë mëti'ipë ja Jesukristë xyëëw kyajpxpatëpën, ëëts nWintsën'ajtëmë ets näjyëtu'un yë'ëjëty.