Génesis 4:20 - Biblia Mixe de Quetzaltepec

²⁰ Ada ojts tyajmëxu'unk'aty tu'uk yë y'u'unk myääy, mëti'ipë tyukxëëwajtën Jabal. Yë'ë jëtu'un yë Jabal yë y'u'unk y'ëna'k mëti'ipë ijty tyuktsëna'ayëtëpën yë wit tëjk, jä'ä ko yë'ë ënäty tyuunk'ajtëp jëyujk këwent'ajtk tsajpkaa këwent'ajtk.

Biblia Dc en Mixe de Quetzaltepec

²⁰ Ada ojts tyajmëxu'unk'aty tu'uk yë y'u'unk myääy, mëti'ipë tyukxëëwajtën Jabal. Yë'ë jëtu'un yë Jabal yë y'u'unk y'ëna'k mëti'ipë ijty tyuktsëna'ayëtëpën yë wit tëjk, jä'ä ko yë'ë ënety tyuunk'ajtëp jëyujk këwent'ajtk tsajpkaa këwent'ajtk.

Génesis 4:20 ပူးပေါင်းရင်းမြစ်များ

Génesis 25:27

Yä'ktë päjtë jëtu'un ja nimäjtskpë ja ëna'k u'unkëty. Esaú yë'ë ënäty oy tsyojkën'ajtyp ja aaytyuunk ujtstuunk ets kujkti'pxp ënäty oy. Paaty ja aayjëyujk ujtsjëyujk ijty oy tmatsy. E yë Jacob jä'ä ënäty jyä'äy'ajtpë nayujy natëtä'äky, jämyë jëënjotm tëkotm xëmë y'ity.

Génesis 4:19

Yë Lámec mäjtsk ojts yë tyo'oxytyëjk tmëëtsëënë. Tu'uk jä'ä xyëëwajtyp Ada, e ja mëmäjtskpë jä'ä xyëëwajtyp Silá.

Génesis 4:2

Ënät ojts ok näjyëtu'un tyajmëxu'unk'aty ja mëti'ipë tyijtën Abel, ja Caín ja y'uty. Yë Abel yë'ë ijty tyuunkajtyp yë kupixyny këwent'ajtk, e yë Caín naaxtuump ijty.

Génesis 4:21

Yë Jabal tam ënäty tu'uk yë y'äjty jä'ä xyëëwajtyp Jubal. Yë Jubal yë y'u'unk y'ëna'k koowtëp ets xuxtëp ijty. Tam mëti'ipë tyukoopyën yë arpë ets mëti'ipë tyukxuxypyën yë tsajpkäpnyxyuxn.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

Hebreos 11:9

Mëët ko myëpëjky jëtu'un tsyënaay tä jaaypyaat jaaypyo'kxyën wiink naax wiink kajpn, ma ja Tios ënäty të tyukwinwanëtyën. Yë'ë tyuktsënaay yë wit tëjk, ujts tëjk, näjyëtu'un ja Isaac ets ja Jacob mëti'ipë y'ëxajëtyën ja waantakën.