Génesis 4:2 - Biblia Mixe de Quetzaltepec

² Ënät ojts ok näjyëtu'un tyajmëxu'unk'aty ja mëti'ipë tyijtën Abel, ja Caín ja y'uty. Yë Abel yë'ë ijty tyuunkajtyp yë kupixyny këwent'ajtk, e yë Caín naaxtuump ijty.

Biblia Dc en Mixe de Quetzaltepec

² Ënet ojts ok näjyëtu'un tyajmëxu'unk'aty ja mëti'ipë tyijtën Abel, ja Caín ja y'uty. Yë Abel yë'ë ijty tyuunkajtyp yë kupixyny këwent'ajtk, e yë Caín naaxtuump ijty.

Génesis 4:2 ပူးပေါင်းရင်းမြစ်များ

Génesis 3:23

Paaty ojts yë Wintsën tim yajpëtsëmy ja ye'etyëjk jap ujts tsa'am jë'kxykyamjotm. Ets tpëjktäky wiinktsow ets tyunëty naaxwinm tu'uwinm ma ojts kyojyën.

Génesis 37:13

Ënät yë Israel t'ënëmaay yë myaank José: Ëk'ix. Yë mmëkä'äxtëjk jam të nyëjkxtë Siquem jëyujkëwent'ajtpë, tsajppax këwent'ajtpë ets kupixyny këwent'ajtpë, e ëjts yë'ëjës ntsojkpy ets xynyinëjkxëty ma jam yë'ëjëtyën. Ënät y'ëtsooy yë José: Oyës nnëjkxëty.

Génesis 4:1

Yë ye'etyëjk ojts mëët nyäpyuwa'akëty ja tyo'oxytyëjk Eva ets ojts ja tyo'oxytyëjk wyi'imy u'unk mëët. Jëtu'un tyajmëxu'unk'ajty tu'uk ja y'u'unk mëti'ipë xyëëwmooyën Caín. Ets y'ënäny: Tiosës tu'uk yë u'unk maay të xymyo'oy ye'etyëjkpë.

Génesis 4:3

Nyäjxy jëtu'un ja xëëw jëmëjt, ënät yë Caín ojts tëkok yë Tios tukninëjkxy yë aaytyëëm ujtstëëm ets yë'ë tukwintsë'ëkëja'any.

Génesis 47:3

Ënät ja yajkutujkpë tyajtëëy ja José ja myëkä'äxtëjk: ¿Tii miitsëty mtuunk'ajtëp? Tää yë'ëjëty y'ëtsoowtë: Wintsën ëëtsëty kupixyny këwent'ajtk ntuunk'ajtëpës, näjyëtu'un ijxtëm ëjts ja n'ap n'okëtyën.

Génesis 9:20

Yë Noé naaxtuunpë ja'ay ijty, yë'ë ojts ëka'any tpeny tkojy ja ujtstëëm mëti'ipë yajtijpën tsatsymtsya'am.

Salmos 127:3

Yë n'u'unkëtyës mëti'ipë miintëpën naaxwiiny naaxkëjxy, yë'ë tu'uk mëj näkyënu'kxë mëti'ipë Wintsën yäjkpyën.

Éxodo 3:1

Yë Moisés yë'ë ënäty kyëwent'ajtëp ja myë't Jetro kyupixyny, mëti'ipë jam teety'ajtpën Madián, e tëkok ojts jam twojpnëjkxy ma të'ëts'it të'ëtsnaaxën, jam tyimja'ajty ma tu'uk ja mëj kopkën, mëti'ipë ja Tios jyä'ä'ajtypyën, jä'ä txëëwaty Horeb.

Amós 7:15

e yë Wintsën yë'ëjës të xytyuk'ëxmatsy yë kupixyny këwent'ajtk, etsës të xy'ënëëmë: Nëjkx yë naax nkajpnës, yë Israel kajpn tukmëmëtya'ak yë n'aaw n'ayukës.

Lucas 11:50

Paaty ja Tios tpaye'etya'aja'any ma ja ja'ayëtyën, ja jyot nye'pnyëty ja käjpxynyajxpëtëjk mëti'ipë të tyemy të jye'etsyën ko ja naaxwiinyëtë tsyo'ontäky,

Lucas 11:51

tyimtso'ontä'äky ma ja Abel y'o'kyën ets jyëjpkëxy ma ja Zacarías y'o'kyën jap tsajptëkoty ma ja wintsë'këntyaknën. Paaty n'ënëëmëtë ko Tios pyaye'eyäämpy tii ko y'o'ktën tääpë ja'ayëty ma ja'ayëtyën tyampë jyuuky'atën.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

1 Juan 3:10

Nikëxë'kp ja ja'ay mëti'ipë ja Tios u'unk'ajtëpën ets mëti'ipë ja mëjku'u u'unk'ajtëpën. Pën ja oypyë kyatuumpyën ëkë ka'ap ja myëku'uk ttsoky tjawë, ka'ap ja Tios y'u'unk'atyë.

1 Juan 3:12

Ka'ap jëtu'un nja'ay'ajtmëty ijxtëm ja Cainkën, mëti'ipë ijty ja mëjku'u ja'ay'ajtëpën ets ja y'uty tyaj'o'ky. ¿Tii ko ojts tyaj'ooky ja Caín ja y'uty? Jä'ä ko ka'ap y'oyëty mëti'ipë tyuunën, yë'ë oy mëti'ipë ja y'uty tyuunën.

1 Juan 3:15

Pën ja myëku'uk kyatsojkpy kyame'kxyp, jëtu'un ja tpaaty ijxtëm jeexyë yaja'ay'ookyën, miits mnija'awëtëp ko yë yaja'ay'o'kpë ka'ap tmëëtëty ja xëmëkyëjxmëpë ja juukyajtën.