Génesis 4:17 - Biblia Mixe de Quetzaltepec

¹⁷ Ënät yë Caín ojts mëët yë tyo'oxytyëjk nyäpyuwa'akëty ets ojts yë tyo'oxytyëjk wyi'imy u'unk mëët. Ko tyajmëxu'unk'ajty, jä'ä ojts txëëwmo'oy Henoc. Ok ojts yë Caín tu'uk yë kajpn tyaj'ixtä'äky mëti'ipë xyëëwmooyën Henoc, jëtu'un ijxtëm ja y'u'unk txëëwatyën.

Biblia Dc en Mixe de Quetzaltepec

¹⁷ Ënet yë Caín ojts mëët yë tyo'oxytyëjk nyäpyuwa'akëty ets ojts yë tyo'oxytyëjk wyi'imy u'unk mëët. Ko tyajmëxu'unk'ajty, jä'ä ojts txëëwmo'oy Henoc. Ok ojts yë Caín tu'uk yë kajpn tyaj'ixtä'äky mëti'ipë xyëëwmooyën Henoc, jëtu'un ijxtëm ja y'u'unk txëëwatyën.

Génesis 4:17 ပူးပေါင်းရင်းမြစ်များ

Salmos 49:11

Oy ja nyaaxëty të tjaxëëwmo'otë tä yë xyëëwëtyën, jap o'kpëjutjoty xëmë yajpaata'antë: Jap nëjkx winë xëëw winë jëmëjt yajpaatë.

Daniel 4:30

ko y'ënäny: Ixtë, nëkooyë yë Babilonyë kajpn myëj'ajnë. Ëjts të nkojy mëëtës yë nkutujkën ets mëëtës yë n'ënä'ämën ets yaj'ixëty wi'ix nmëj'äämpyëtyës.

2 Samuel 18:18

Ko ënäty ja Absalón jyuuky'ätynyëm, ojts tu'uk tni'ënä'ämë ets yaj'oytyunëty yë tsaapotsy, tam ja yajpaaty ma ja joyjyotën mëti'ipë yë yajkutujkpë jyä'ä'ajtypyën ets jëtu'un txëëwmooy tä yë'ë txëëwatyën, jä'ä ko ja Absalón ka'ap ijty yë y'u'unk tii, e tyampaat tääpë itjot jä'ä yajtijy Absalón tsyaapotsy.

Génesis 11:4

Ënät nyäy'ënanëtë: Mintë, tsojk nyajkojëm tu'uk yë kajpn ets nyajpëtë'kmëty tu'uk yë potsy mëti'ipë ja'tëpën tsajpwinm. Jëtu'un nyajjëkyajpmëty mëj'äämpy yaa naaxwiiny. Ka'ap nëjkx xity ko'oy n'ijtëmë.

Génesis 5:22

Yë Henoc xëmë ojts jyuuky'äty ijxtëm ënäty yë Tios tsokyën. Ko ënäty jëtu'un yë Matusalén të myëxu'unk'aty yë Henoc, jä'ä ojts jyaakjuuky'äty tëkëëk mëko'px jëmëjt ets ojts jyaak mëxu'unk'atë y'u'unkëty y'ëna'këty ye'etyëjkpë ets to'oxytyëjkpë.

Génesis 5:18

Jared jä'ä ënäty yë jyëmëjt mëko'px ja tëkë'px mäjtsk, ko myëxu'unk'ajty yë myaank mëti'ipë xyëëwajtypyën Henoc.

Génesis 4:16

Ënät yë Caín ojts jam tsyo'onë ma ënäty mëët ja Tios të myëtyä'äkyën ets ojts jam tsyënaaytyaknpëky ma tu'uk ja it naaxwiiny txëëwatyën Nod, mëti'ipë awinmtsow wë'ëmpën ma mëët yë Edén nyäpyäätyë.

Génesis 4:18

Henoc yë'ë y'u'unk'ajt yë Irad, Irad yë'ë y'u'unk'ajt Mehujael, Mehujael yë'ë y'u'unk'ajt Metusael, Metusael yë'ë y'u'unk'ajt Lámec.

Salmos 49:12

Yë naaxwiinyëtë ja'ay ka'ap xëmëkyëjxm jyuuky'äty oy jënu'un jyakumeenyëty; näjyëtu'un y'ooky tyëkoy tä jëyujkën.