Génesis 4:15 - Biblia Mixe de Quetzaltepec

¹⁵ Tä ja Wintsën y'ëtsoowë: Pën myaj'o'këp, wëxtujk'ok nëjkx tkumëtoy. Ënät yë Tios tpëjktäky tu'uk yë ijxpäjtën ma Cainkën, oy pën muum pyaatëtëty yi'iyë y'ixtëp ja ijxpäjtën ets ka'ap pën yaj'ookëtëty.

Biblia Dc en Mixe de Quetzaltepec

¹⁵ Tä ja Wintsën y'ëtsoowë: Pën myaj'o'këp, wëxtujk'ok nëjkx tkumëtoy. Ënet yë Dios tpëjktäky tu'uk yë ijxpäjtën ma Cainkën, oy pën muum pyaatëtëty yi'iyë y'ixtëp ja ijxpäjtën ets ka'ap pën yaj'ookëtëty.

Génesis 4:15 ပူးပေါင်းရင်းမြစ်များ

Ezequiel 9:4

ets të t'ënëëmë: Tukjëtijtëtya'a yë Jerusalén kajpn ets xypyëjkta'akëty tu'uk yë ijxpäjn ma wyimpokëtyën yë ja'ayëty mëti'ipë moontëp tujktëpën ko ja ja'ay ëxëëk y'ëtë'ëtstë y'ëna'antë jap kajpnjoty.

Salmos 79:12

Mijts Wintsën, wëxtujk ok näjyëtu'un ëxëëk xytyunëty yë nmëjëën nmëtëjkëtyës ko mëj të myajjoot'anpëkyë;

Génesis 4:24

Pën yajnitsiptuun wëxtujk'ok yë Caín ets ja myëtsip y'o'ktë. Ëjts jä'äs nëjkx nyajnitsiptuny tëkë'px majkmokx mäjtsk ok etsës ja nmëtsip näjyëtu'un y'ookëty.

Apocalipsis 14:11

Xëmëkyëjxm ja jëënjok jap pyëtsimy ëyoowtaknjoty, ka'ap jap ja po'kxën maa, xëëny koots jap y'ëyowëty mëti'ipë ja mëj jëyujk ets ja awinax wyintsë'këpën ets mëti'ipë kyupëjkpyën ja nätsya'ajë.

Apocalipsis 14:9

Ets ja wiinkpë ja tsajpjotmëtë kukäjpxy mëtëkëëkpë pyamiinë mëti'ipë mëk ënaanpën: Pën kyupëjkpy ja nätsya'ajë wyimpokëjxm ets kyë'ëkëjxm, ets pën wyintsë'këp ja mëj jëyujk ets ja y'awinax,

Mateo 26:52

Ets ja Jesús y'ënëmaayë: Pëjkë'ëk yë mtëypyujxn ma tyëjkën. Jä'ä ko pën tsiptuump mëët ja tëypyujxn, nän yë'ë nëjkx tku'ookë.

Oseas 1:4

Ënät yë Wintsën t'ënëmaay yë Oseas: Jezreel xytyijëty yë mmaank, jä'ä ko tyimpatyp ja xëëw po'o maas ntëytyuna'anyën yë Jehú yajkutujkpë yë y'u'unk y'ok mëët ko may të yaja'ay'ooky jam Jezreel, etsës nyaj'ätëkoyä'äny yë kutujktakn jam Israel.

Salmos 59:11

Këtii xypya'ëyowëty, etsës yë nkajpn yë'ë tukja'amyätsëty, axit ako'owë yajjat mëët yë mëj'ajtën, ëxëëk yajjat yajkëpät. Yë Wintsën yë'ë nkuwaanpë'ajtëm.

1 Reyes 16:7

Ya'atë aaw ayuk yë'ë ojts yajtukmëkäxë Jehú, Hananí yë myaank; ja Wintsën jä'ä ojts tnikäjpxy wi'ix ja Baasá tkumëtowëtyën ja pyoky mëët ja y'u'unk y'ëna'k y'u'unk tyo'oxytyëjk, jä'ä ko tëkatsy ojts winë tuny. Basá ojts yë Wintsën tyajjoot'anpëky, jä'ä ko ëxëëk winë tuuny jëtu'un tä ja Jeroboam mëët ja y'u'unk y'ëna'k ëxëëk winë tuuntën, mëti'ipë ojts näjyëtu'un kyutëkoytyën.

Levitico 26:28

Ëjts nëjkxëpës näjyëtu'un miitsëty ntukjoot'anpëktë. Nëjkxëp ntëytyuntë mëët ja mëkjoot'an ets wëxtujk'ok nëjkx jyaak yajni'ikës ja tëytyu'unën ma miitsëtyën, mëët ja mpokykyëjxmëty.

Levitico 26:24

Ëjts nëjkxëpës näjyëtu'un miitsëty ntukjoot'anpëktë. Nëjkxëp jatëkok ntëytyuntë, nän ja wëxtujk'ok jyaak ni'ikëty ja tëytyu'unën ma miitsëtyën.

Levitico 26:21

Pën miitsëty kä'äpyëm nkäjpxyjyä'äkyukëtë ets ka'ap ninu'un xytyim'a'ixëtë xymyëmëtowa'antës. Miitsëty kopkpëky ko jatëkok ntëytyuntëty ets wëxtujk'ok nëjkx njaakyajni'ikës ja tëytyu'unën ma miitsëtyën.

Levitico 26:18

Pën kä'äpyëm jëtu'un mëtowtë, oy jëtu'un ja ëyo'on xyjyapaat xyjya'ixtë, nëjkxëp jatëkok ntëytyuntë ets wëxtujk'ok nëjkx nyajni'ikënës ja ntëytyu'unënës.

Proverbios 6:31

jää tëy ko yajkupaatë ma jam myeetsyën, kwanë ko nëjkx tyajwinpijta'ay ets ëpëky wëxtujk'ok tyajni'ikëty mëti'ipë ënäty të tony të tmeetsyën, ets nëjkxëp tyajktaaynyë mëti'ipë ënäty myëët'ajtypyën.