Génesis 4:12 - Biblia Mixe de Quetzaltepec

¹² Oy jënu'un mjatun mjaye'eyëty, ka'ap nitii wyintëwëty ma mkam mtu'ujën. Jëtu'unyë m'anëty mpojëty naaxwiiny ets nijëna'a mkapo'kxëty.

Biblia Dc en Mixe de Quetzaltepec

¹² Oy jënu'un mjatun mjaye'eyëty, ka'ap nitii wyintëwëty ma mkam mtu'ujën. Jëtu'unyë m'anëty mpojëty naaxwiiny ets nijëna'a mkapo'kxëty.

Génesis 4:12 ပူးပေါင်းရင်းမြစ်များ

Oseas 9:17

Ya'atë naax kajpn ka'ap yë Tios ninu'un tmëj'ixy; paatykyëjxm yë nTiosës y'ëxmatsa'anëtë ets jëtu'unyë kyuye'ey kyunaxëtëty maajaty ja naax kajpnën.

Levitico 26:36

E pën ënäty juuky jaakwë'ëmtëp ma ja myëtsip ja nyaaxëtyën, tsë'ëkë mëët nëjkx jyaak juuky'atë, je'eyë muum yë ujts'aay nyaka'ajëty, timnakä'äktëp. Jëtu'un kyä'äktëty pyutëty, tä jeexyë pën tyukpajëtitëtën yë yenypyujxn ets kë'ëm muum y'ooktëty tyëkoytyëty oy ënäty pën wi'ix kyatunëtë.

Levitico 26:20

Natëkë miits yë mëjaaw xyaj'ixtuntëty jam mkamwinm mtu'uwinmëty. Nitii jam kyamuxëty ets aay kepy ka'ap nëjkx tyëëmpätë.

Romanos 8:20

Tu'kë'ëyë mëti'ipë Tios y'oytyuunën, kajpxpoky ojts wyë'ëmtë. Ka'ap yë'ëty kë'ëm jëtu'un tsojkën'ajtë, yë'ë tsyojk mëti'ipë tyuknipëjktakëyën; je'eyëp ko xëmë ojts tjëjp'ixtë ja oyajtën

Salmos 109:10

Wä'än yë y'u'unk y'ëna'k jëtu'unyë t'antë tpojtë ets t'amëtowtë yë wit meeny muum. Wä'än tyaj'ëxwoptë ma ja tyëjkëtyën mëti'ipë tëë xit ko'ow jyajtaaynyën.

Génesis 4:14

Tyamës mijts xy'ëxkexy yaa naaxwiiny. Kopkpëky ko ëjts ënät jëtu'unyë n'anëty npojëty ets nmëjëkäm'atëty. Ets po'kxën nijëna'ajës nka'ixëty. E koos muum pën xypyaatëty tääjës xyaj'ook xyajtëkoyëty.

Génesis 4:13

Ënät yë Caín t'ëtsooy yë Tios: Ëjts ka'apës nmëmëta'akëty jëtu'unpë ëyo'on jotmay mëjpë tsaatsypë.

Levitico 26:17

Ëjts nmëtsipës n'awinpita'any mëët miitsëty, ja ja'ayëty mëti'ipë ënäty mëtsip'ajtëtëpën, ëxëëk nëjkx mtunëtë ets yë'ë nëjkx y'ënä'ämtë ma ja mnaax mkajpnëtyën, mëti'ipë ënäty m'ëxëëk'ijxëtëpën, jëtu'unyë mkä'äktëty mputëty, oy ënäty ni pën mkapapo'ojëtë.

Deuteronomio 28:15

E pën ka'ap xymyëmëtoy ja mWintsën, jëtu'unyë nëkoo xynyakumëtoownaxy ja y'aaw y'ayuk ets ja y'ënä'ämën tyiyajtën, mëti'ipë yam njatuk'ëne'empyën xytyunëty, ka'ap xyjyawëty wi'ix ja ëyo'on jotmay mtukëta'akëtëty ets wi'ix ja pojkën jam kyëtakta'ajëty ma mjuukyajtënën, mëti'ipë yam yajnikajpxpën.

Joel 1:10

Ma kam tu'ujën nitii jam kyaka'ty; je'eyë yaj'ijxnë tëë yowë ja'ay y'o'ktaaynyë. Tëë ja tsajpmok myä'äty, tëë ja tsatym tyëëtsë'ktaaynyë ets olivos aak xootsëty kyëxë'knëtë.

Salmos 107:34

yaj'awinpijtyp yë naax kaanmëxëpinëpë ma ënäty winë të y'ity të wyintëyën, ko ja naaxwiinyëtë ja'ay ka'ap tukjaty wi'ix jyä'äy'atëtyën;

Proverbios 28:17

Yë ja'ay mëti'ipë të yaja'ay'ookyën, xëmë je'eyë kyä'äka'any koonëm y'ookëty. Wä'än tnëjkx, ka'ap pën t'ëtukëty.