Génesis 39:3 - Biblia Mixe de Quetzaltepec

³ Yë wyintsën, ko ojts t'ixy, ko ja José Tios mëët yajpaaty, paaty winë aak'oy wyimpëtsë'ëmxëty.

Biblia Dc en Mixe de Quetzaltepec

³ Yë wyintsën, ko ojts t'ixy, ko ja José Dios mëët yajpaaty, paaty winë aak'oy wyimpëtsë'ëmxëty.

Génesis 39:3 ပူးပေါင်းရင်းမြစ်များ

Génesis 21:20

Tios ojts tputëkë ja u'unk maay ets ojts jëtu'un yeeky pyety, jyuuky'äjty ma jam tu'uk ja wintë'ës'it txëëwatyën Parán. Tyukjajtyp ijty ja ti'pxn tukjëyujkmatsëty, komjeky ojts yë tyaak yajpëkyë mëët tu'uk yë to'oxy'ëna'k japë Egiptë kyukajpnëtyën.

Génesis 21:22

Jä'ä xëëw jä'ä jëmëjt ojts yë Abimélec nyijkxy ma jam ja Abraham tsyëënën ets mëët kyajpxa'any myëtya'aka'any, tam ënäty näjyëtu'un pyanëjkxyë ja Ficol, mëti'ipë nyiwintsën'ajtypyën ja tsiptuunpëtëjk. Ënät ja Abimélec ojts t'ënëëmë ja Abraham: Këxë'kp ko yë Tios mëj këjää mputëkëty ma tu'kë'ëyë winë xytyunyën.

Génesis 21:23

Paaty tyam nikäjpxyës, mëët Tios xyëëwkëjxm, ma yaa nyajpatëmën. Ko ka'ap wi'ix xytyuna'antës, ëjts mëëtës ja njëën ntëjk ja n'u'unk n'ëna'k, etsës ja n'u'unk n'ok. Nikajpx mëët Tios xyëëwkyëjxm ko oyës xyjyawëja'any, jëtu'un tä mijts oy të njawën, ets näjyëtu'un mëët tu'kë'ëyë mëti'ipë tsënaay juuky'ajtëpën ma ya'atë naax kajpnën ma tyam mtsëënën.

Génesis 26:24

E jä'ä tsu'um ja Tios nyänyikëxë'kë ma yë'ëjën ets y'ënëmaayë: Ëjts jëtu'un xyTios'ajtp ja mteety Abraham. Paaty këtii mtsë'ëkëty, jä'ä ko ëjtsës mijts mëët n'ity. Mëët yë'ë ko ja n'u'unkës nmaayës Abraham oy të xymyëtunyës. Paaty näjyëtu'un mijts nkënu'kxa'any ets nyajmëjëja'any tyajmayëja'anyës ja m'u'unk m'ok.

Génesis 26:28

Ënät y'ëtsoowtë yë'ëjëty: Ëëtsëty n'ijxtëpës jëtu'un, ko yë Tios oy tsuj mëët'atyë, paaty ëëtsëty njamay njatajtë ets jeexyë tu'uk yë käjpxytyu'unën ntu'unëmë. E ya'atë jëtu'un käjpxy tyu'unën'atëp.

Génesis 30:27

E ja Labán tyaa ja ojts y'ëtsoy: Wë'ëm yaa maas yë njëën ntëjkën, tun yë mëyajtën, tëës nijawë mëët yë nkë'ëmjot nkë'ëmwinma'anyës ko yë Tios mëj këjää të xykyënu'kxyës mëët mijtskyëjxm.

Génesis 30:30

Koos yaa nmiiny nja'ajty wäänë ënäty winë xymyëët'aty, e tyam ix jënu'un të nyimayënë. Tää ënät yaj'ixy, ko Tios jëtu'un kyënu'kxën të tyajkëtä'äky ma mijtsën, e yë'ëjës ënät tyam nyajtëëpy, jëna'ajës yë nkë'ëmtuunk nyajtso'onta'akëty mëti'ipës yë n'u'unk n'ëna'k ntuk'ixëpën.

Génesis 39:2

Yë Tios yë'ë ënäty mëët yajpaaty yë José ets José janty'oy ënäty tyuny ma jam y'ityën ma ja wyintsën ja tyëjkën.

Génesis 39:21

yë José je'eyë ja Tios mëët y'ity ets xëmë pyutëk pyupetyë jap pujxn tëkoty, e jëtu'un'äämpy yë José ojts tmëmëtä'äky ets ja pujxntëjkëwent'ajtpë oy tsuj jyawëtëty,

Génesis 39:23

ja pujxntëjk ja nyiwintsën ka'ap ënäty jyäty tyimkopkpëkyëty t'ixëty pën tëë ja José winë oy tuny. Jä'ä ko ja Wyintsën Tios yë'ë ënäty mëët'ajtëp ets José aak'oy winë wyimpëtsë'ëm jyëjpëtsë'ëmxëtëty.

2 Reyes 18:7

Paaty ja Wintsën ojts mëj këjää pyutëkëty, oytyiijëty timtyuuny, aak'oy ojts wyimpëtsë'ëmxëty. Yë Ezequías ka'ap ojts tkupëky ets Asiria yajkutujkpë jam y'ënä'ämëty ma ja Israel ja'ayëtyën.

1 Crónicas 22:13

Tëkokyë winë aak'oy mwinpëtsë'ëmxëtëty pën mtuumpy jëtu'un winë tä ja y'ënä'ämën kyutujkën myinyën mëti'ipë ja Moisés tyukmëwë'ëmën ja Israel ja'ayëty ets yë'ë tyajtuntëty. Mijts amëk jotmëkmës it ets këtii mayëty mtajëty.

1 Crónicas 9:20

Ma ënäty ka'ap yajmo'otënëm jëtu'unpë ja tuunk, yë Finees yë'ë ojts nyikopk'atëtë. Wintsën kënu'kxëtëp.

2 Crónicas 1:1

Ja Salomón, mëti'ipë ja David myaank'ajtypyën, ojts tyajmëj tyajkëjääjë ja y'ënä'ämën kyutujkën, mëëtkyëjxm ko ja Wintsën pyutëjkëyë mëjwiin këjää ets ojts kyëjääjë ja myëk'ajtën.

2 Crónicas 26:5

Maapaat ja Zacarías ojts jyuuky'ätyën xëmë ojts ja Wintsën t'awä'äky, jëtu'un tä ënäty të y'ityën yë Amasías mëti'ipë tyeety'ajtën ets mëti'ipë tyatwelë'ajtën. Ko ja Wintsën ijty yë'ë t'awä'äky xëmë ojts pyutëkëty.

Nehemías 2:20

E ëjts tyaajës n'ëtsooy: Yë Wintsën tsajpjotmëpë y'ityën yë'ëjës xypyutëkëtëp. Ëëtsëty maas yë'ë nmëtuntën, tuuntsoonantëpës yam, e miitsëty nitii xykyajatë xytyuntëty oy ets ka'ap mpaatëtë tii xytyuntëty Jerusalén.

Salmos 1:3

Tääpë ja'ay jëtu'un npëjktakmëty ijxtëm tu'uk yë mëj kepyën nëë ëkë'ëypyë tyänën, ko tyëëmpety yë'ënëm yë xëëw po'o tyukpatyp, ets ka'ap nijëna'a y'ääy xyootsy, tu'kë'ëyë mëti'ipë tyuunpyën aak'oy wyimpëtsëmy.

Zacarías 8:23

Jä'ä xëëw, majk nëjkx yë jaaypyo'kxyjyä'äy tmatsy wyitkëjxy yë jutië ja'ay ets t'ënëëmëja'antë: Jamës nëjkxa'antë ma miitsëtyën, jä'ä ko tëëjës nnijawëtë ko tam yë Tios yajpaaty ma miitsëtyën.

Mateo 5:16

Näyjyëtu'un miitsëty, tuk'ixtë ja ja'ay ja m'oyjä'äy'ajtënëty. Jä'äts ja ja'ay y'ixtëp ets tmëjjawëtëty tjaantyjawëtëty ja Tios Teety mëti'ipë tsajpjotmën.

1 Corintios 16:2

Wintu'ktominkë xynyikoonpätëty ja putëjkën, jëtu'un xypyukontëty wi'ix ënäty tii xypyaatën ets xypyëjkë'ëktëty. Koos nja'tëty, ka'ap jää myukëty ja putëjkën.

Deuteronomio 2:7

Yë'ë ja'awëy'itë ko Tios mëj këjää xykyënu'kxëmë, oy tii ntimtyu'unëmë. Ix jënu'un wëxtyikxy jyëmëjt të nyäxy ets yë'ë të tyimyajpaaty xëmë mëët ëëts'ajtëmë, ko të jyëtu'un'aty nitii të nkayajmëyajtëmë.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.

Apocalipsis 3:9

Ja mëjku'u ja myëtuunpëtëjk mëti'ipë nëkoo nätyijëtëpën ko jyutiis ja'ay'atë ets je'eyë y'anta'aktë, tëëjës ntuknipëjktaakë ets mwinkoxtänëtëty ets nijawëtëty ko mijts n'oyjyawë.

1 Samuel 18:14

E komë yë Wintsën yë'ë ënäty xëmë pyutëjkëp yë David, paaty yë David aak'oy ijty winë wyimpëtsë'ëmxëty mëti'ipë tyuunpyën.

1 Samuel 18:28

E ja Saúl y'ijx ko ja Wintsën pyutëjkëp ja David oyjyëna'ajëty ets oymyaajëty, ojts näjyëtu'un ja nyëëx Mical mëk tsoky tjawë ja David.

1 Samuel 3:19

Samuel ojts oy tsuj yeeky pyety ets xëmë ojts oy winë tuny tä ënäty ja Tios tsokyën, ets jëtu'un tä ënäty të twaantä'äkyën winë.