Génesis 39:22 - Biblia Mixe de Quetzaltepec

²² tä ojts yë'ë tyuknipëkyë ets ja pujxntëjkja'ay tkëwent'atëty. José yë'ë ënäty nyi'ënä'ämëp winë mëti'ipë tyuntëpën ja pujxntëjkja'ayëty,

Biblia Dc en Mixe de Quetzaltepec

²² tä ojts yë'ë tyuknipëkyë ets ja pujxntëjkja'ay tkëwent'atëty. José yë'ë ënety nyi'ënä'ämëp winë mëti'ipë tyuntëpën ja pujxntëjkja'ayëty,

Génesis 39:22 ပူးပေါင်းရင်းမြစ်များ

Génesis 39:4

Ojts ja José tuk'oy'äty ets oy tsuj jyawëtëty ja wyintsën, tä ojts pyëjktä'äkyë ets tkëwent'atëty ja wyintsën. Yë'ë ojts yajtuknipëky tu'kë'ëyë winë mëti'ipë ja wyintsën myëët'ajtypyën ma jyëën tyëjkën ets kyuwits kyukëyëty.

Salmos 37:11

Yë'ë tëy yë ja'ayëty mëti'ipë yu'unk naxym juuky'ajtëpën, nëjkxëp tkuma'ayën'atë yë naaxwiinyëtë ets nëjkx akujk jotkujk jyuuky'atë.

Salmos 37:3

Jam tu'ukyë këx'ix ma Wintsënën ets kuuytyun mëti'ipë oyën, juuky'at naaxwiiny naaxkëjxy ets näyaj'itët oy.

1 Samuel 2:30

E paaty tyam y'ënanë, ja Wintsën mëti'ipë jëyëjp të y'ënä'änyën ko miits jëtu'un kë'ëyxyëëw kë'ëyjyëmëjt mëtuntëp ja Tios, jëtu'un tyam y'ënä'äny: Ëjts ka'apës jëtu'un n'ëkkupëkanë. Yë'ëjës n'oyjawëjäämpy ja ja'ay mëti'ipës xy'oyjya'apën, e mëti'ipës xy'ixtijpën o'ktëy nëjkx jyäty. Ëjts Wintsën, ëjts ënaanp.

Génesis 39:9

Ma ya'atë tëjkën ni pën yaa kyajëtu'unëty ijxtëm ëjtsën, yë nwintsënës ka'apës tii xytyukmëwintuk'ooky; e mijtsyë tëy jëtu'un ka'ap mëpaat nmëmay nmëtajy, jä'ä ko mijts mto'oxytyëjk'atyë e jëtu'un ¿wi'ixës ko ëxëëkpë mtunëty ets nmëpokytyunëtyës yë Tios?

Génesis 39:20

Jëtu'un ojts tmatsy ja José, tä ni'ënä'ämëy ko tyajtëkëtëty pujxn tëkoty, ma ënäty jap ja yajkutujkpë ja tyuunpëtëjk tsumy y'itën. Oy ënäty të y'ëkyajtsumy