Génesis 39:17 - Biblia Mixe de Quetzaltepec

¹⁷ Tä näjyëtu'un tukmëmëtyäky ets t'ënëmaay: Yë tuunpë hebreo, mëti'ipë ojts xyajja'tyën, yë'ë jap të tyëkë ntëkotyës etsës të xyjyamëët'ita'any atsip.

Biblia Dc en Mixe de Quetzaltepec

¹⁷ Tä näjyëtu'un tukmëmëtyäky ets t'ënëmaay: Yë tuunpë hebreo, mëti'ipë ojts xyajja'tyën, yë'ë jap të tyëkë ntëkotyës etsës të xyjyamëët'ita'any atsip.

Génesis 39:17 ပူးပေါင်းရင်းမြစ်များ

Éxodo 23:1

Këtii tii tëkatsyjyäty xynyipaye'eyëty ets këtii xy'apupätëty ja mëti'ipë pokymyëëtën, këtiipë tyekymya'atëty ja tëyajtën ets ja yajnipaye'eyën.

Mateo 26:65

Ënät ja teety wintsën ja wyit tkë'tsy a'äkë ets y'ënäny: Ya'atë ja'ay, Tios yë myëkajpxtëkoopy. ¿Tii ko pën njaakwo'owmëty mëti'ipë ni'ë'ënëpën? Tëë xymyëtowtë wi'ix yë Tios tmëkajpxtëkoyën.

Proverbios 19:9

Ja'ay mëti'ipë tii tëkatsy nyikäjpxypën ets ka'ap kë'ëm të t'ixy kopkpëky ko tkumëtowëty; Mëti'ipë ja'ay je'eyë antakpën, yë'ë ëwxijtëp o'kën.

Proverbios 19:5

Ja'ay mëti'ipë tii tëkatsy nyikäjpxypën ets ka'ap kë'ëm të t'ixy kopkpëky ko tkumëtowëty. Mëti'ipë ja'ay je'eyë antakpën, ka'ap muum oy pyëtsëmëty.

Proverbios 12:19

Pën mëtyakpën tëyajtën xëmë y'ita'any; e mëti'ipë je'eyë antakpën, wäänë jyuuky'ata'any.

Salmos 37:14

Yë ëxëëkja'aytyëjk janty jëtu'un yë tëypyujxn tjakë'ëkë'ë'atë, ets tyi'pxnëty wo'onë'ëky tjatimyaj'itë ets tyajtsëtyuta'antë ja ëyoopëja'ay mëti'ipë yu'unk naxym yajpatëpën.

1 Reyes 18:17

Ko t'ijxpaty, tä t'ënëmaay: ¿A mijtstëm jëtu'un, mëti'ipë ja Israel naax Israel kajpn nëkoo je'eyë y'ëxëëkwinkajpxëpën?

Éxodo 20:16

Këtii ëxëëkjaty tëkatsyjyäty xynyikajpx xynyimëtya'akëty yë mjëëky mëku'uk.

Génesis 39:14

ënät tmëkajpxmujky ja tyuunpë, mëti'ipë ënäty jamëtyën ets t'ënëmaay: Ëk'ixtë, ja hebreo mëti'ipë wyoowmiinën ja nniye'etyëjkës, je'eyë xynyëxik xytyukxiknës. Tëë xynyitëkës ntëkoty ets atsip të xyjyamëët'ita'anyës, e ëjts ënetyës të nyujkyä'äxy.

Génesis 39:16

Ënät ojts ja José ja wyit tpëjkë'kë, koonëm jyä'äjty ja wyintsën ma ja tyëjkën.

Génesis 39:18

E ko të nyujkyä'äxyës janty mëk, tääts të pyëtsimy pëyi'ikyë ets yaa ja wyit të tnike'eky.

Proverbios 26:28

Yë ja'ay mëti'ipë antakpën ëxëëk t'ixy mëti'ipë tëyajtën mëtyakpën, mëti'ipë ja'ay je'eyë tyäty kyu'aawën yajjo'ptääpy winë je'eyë.