Génesis 39:10 - Biblia Mixe de Quetzaltepec

¹⁰ Oy ënäty ja wyintsën ja tyo'oxytyëjk tyäty myäy tyäty tyäjy ko myëëtko'knëtëty ets yë'ë timmëët'atëtëp, ja José ka'ap ja tunyë këwentë.

Biblia Dc en Mixe de Quetzaltepec

¹⁰ Oy ënety ja wyintsën ja tyo'oxytyëjk tyäty myäy tyäty tyäjy ko myëëtko'knëtëty ets yë'ë timmëët'atëtëp, ja José ka'ap ja tunyë këwentë.

Génesis 39:10 ပူးပေါင်းရင်းမြစ်များ

Génesis 39:8

José ka'ap tkupëjky ets t'ëtsooy: Ëk'ix yë nwintsënës yë'ëjës të xytyukmëwë'ëmta'ay winë mëti'ipëjaty myëët'ajtypyën ets koos yaa n'ity, ka'ap mëpaat tii xymyëmay xymyëtajy.

1 Pedro 2:11

Mëku'uktëjkëty jëtu'un yam miits nmënu'kxta'aktë tääjës jeexyë ëjts njaaypyo'kxyjyä'äyëtyën tëyëpë nyäxyën yaa naaxwiiny; ko ka'ap xyajmëta'aktëty ja yääyëpë naaxwiiny yajxoontä'äkyën mëti'ipë ja n'anëmë'ajtëm ka'ap tkupëkyën.

2 Timoteo 2:22

Kukä'äk mëti'ipë ja ëna'ktëjk nätyukyajtëkooyëpën, yë'ë ixta'a ja oypyë ja nipaye'eyën, ja mëpëjkën, nätsyok näjyawë ets ja jotkujk'ajtën, mëët ja mëti'ipë wa'ats wiin wa'ats jot y'ëwtajtëpën ja Wintsën.

1 Tesalonicenses 5:22

Ixmatstë mëti'ipë ka'ap y'oyëtyën.

1 Corintios 15:33

Këtii myajwin'ëëntëty, ijxtëm ja ayuk y'ënä'änyën: yë ëxëëk ja'ayëty yajma'tëp ja oypyë tsëna'ayën.

1 Corintios 6:18

Ka'ap yë tu'u xymyo'otëty ja in'ajtën. Ko pën ja wiinkëtypë poky tuny, ka'ap ja ni'kx kopk tmëtëkoy, ets pën ëtëtsnajxpën, pokytyuunp jä'ä ma ja kyë'ëm ni'kx kyë'ëmkopkën.

Proverbios 23:27

Jä'ä ko yë wiink to'oxytyëjk ets ja mëti'ipë jyot nyini'kx tyo'kpyën, jëtu'un yë'ë tä tu'uk nëëjutën axu'utspë.

Proverbios 22:14

Yë wiink to'oxytyëjk jëtu'un npëjktakmëty tä mëjjutën ma kyuka'anaxtën yë ja'ayëty mëti'ipë Tios të tpokyën.

Proverbios 7:5

Yë'ë mtuk'awoowtu'utëtëp ja to'oxytyëjk mëti'ipë wiink ye'etyëjk y'ijxypyën ets tam nyiye'etyëjk, mëti'ipë janty'oy yajmëtoopën kyäjpxy myëtyä'äky.

Proverbios 5:8

Tim winwa'ktu'ut jëtu'unpë to'oxytyëjk. Këtii jam mnëjkxëty ma jyëën tyëjkën.

Proverbios 5:3

Jä'ä ko yë wiink to'oxytyëjk janty'oy yajmëtoy kyäjpxy myëtyä'äky, ets y'aaw yo'kn yu'unk naxym yajmëtoy,

Proverbios 2:16

Nëjkxëp myaj'ëwaatsëpëtsëmyë ma ja wiink to'oxytyëjkën, ja to'oxytyëjk mëti'ipë janty'oy yajmëtoopën kyäjpxy myëtyä'äky,

Proverbios 1:15

E mijts u'unk maay, këtii xypyanëjkxëty. Timnäjyëpëkët ma jëtu'unpë ëxëëk në'ë ëxëëk tu'ujën mëti'ipë yë'ëjëty pyanëjkxtëpën,

Proverbios 9:16

Mintë miitsëty yä'äy'ëna'këty jënu'un ka'ap tii xyjyatën xynyijawëtën. Jëtu'un tkäjpxynyikexy ja ja'ay mëti'ipë ka'ap kyëpety'atën.

Proverbios 9:14

Je'eyë yajxon nyänyikëy nyänyiwitsëty ets t'awä'tspety yë tyëjk aaw, jam nëjkx kyuwa'akë ma ja kajpn kopkën,

Proverbios 7:13

Ënät ja to'oxytyëjk të tmatsy ja yä'äy'ëna'k ets të tsu'kxy, ets ka'ap tsyëtyuny ets t'ënëëmë:

1 Timoteo 5:14

Paatyës nëëmëtë ja ku'ooky tyo'oxytyëjkëty ëna'këtypë ets ënätyë pyëktëty, wä'än tmëët'atë y'u'unk y'ëna'këty, wä'än jyëënjoty tyëkoty tuntë, këtiipë nëkoo tëkatsy ja mëtsip nyikajpx nyimëtya'akëtëty.

Génesis 39:9

Ma ya'atë tëjkën ni pën yaa kyajëtu'unëty ijxtëm ëjtsën, yë nwintsënës ka'apës tii xytyukmëwintuk'ooky; e mijtsyë tëy jëtu'un ka'ap mëpaat nmëmay nmëtajy, jä'ä ko mijts mto'oxytyëjk'atyë e jëtu'un ¿wi'ixës ko ëxëëkpë mtunëty ets nmëpokytyunëtyës yë Tios?

Génesis 39:11

Tu'uk xëëw ojts yë José tyëkë tëkoty ets ja tyuunk tyaj'apaatëja'any, e kom ka'ap ënäty jap pën, ënät ojts ja to'oxytyëjk myätsyë ma ja nyijänën ets y'ënëmaayë: Mëët'ijtkës. Yë José ojts pyëtsimy pëyi'ikyë ets t'ëxmajtsy ja nyijän ma ja to'oxytyëjkën.

Proverbios 23:28

Jëtu'un nyë'ëtän tyu'utänë tä tu'uk yë mä'tspën, ets may yë ye'etyëjktëjk tyajnë'ëtëkoy tyajtu'utëkoy.