Génesis 39:1 - Biblia Mixe de Quetzaltepec

¹ Ko ojts yë José yajmënëjkxnë Egiptë, tu'uk yë ja'ay mëti'ipë ënäty jam tsënääpyën Egiptë, Potifar xyëëwajtyp, mëti'ipë ojts yë José jyuyën ets näjyëtu'un wiinkëtypë ja ja'ayëty. Yë Potifar wintsën ënäty y'ity ma yajkutujkpën ets yë'ë ënäty nyikopk'ajtyp näjyëtu'un ma ja yajkutujkpë ja kyëwent'ajtpëtëjkën.

Biblia Dc en Mixe de Quetzaltepec

¹ Ko ojts yë José yajmënëjkxnë Egiptë, tu'uk yë ja'ay mëti'ipë ënety jam tsënääpyën Egiptë, Potifar xyëëwajtyp, mëti'ipë ojts yë José jyuyën ets näjyëtu'un wiinkëtypë ja ja'ayëty. Yë Potifar wintsën ënety y'ity ma yajkutujkpën ets yë'ë ënety nyikopk'ajtyp näjyëtu'un ma ja yajkutujkpë ja kyëwent'ajtpëtëjkën.

Génesis 39:1 ပူးပေါင်းရင်းမြစ်များ

Génesis 37:25

Tää jam tyëjkëtyë kääpyë ukpë. E ko wäänë y'ijty tä t'ijxpatë ko jam myintë yë Ismael ja'ayëty, mëti'ipë tso'ontëpën Galaad, yë'ë jëyujk jëku'ux wyojpmiintëp jap Egiptë tukmënëjkxtë yë pa'akxu'kpë mëti'ipë yajtijpën bálsamo ets mirrë ets on mëti'ipë oy xu'kpën.

Génesis 37:28

Ko ja ajuupyëtëjk mëti'ipë Madián ja'ayëtyën jam nyajxtë winkon, ënät ja José yaju'tpëtsëëmy jap jutjoty ets yajto'ky ma ja Madián ja'ayëtyën mëti'ipë Ismael y'ap'ajtëpën, i'px tkujuuytyë aakyë'ë poop pujxn meeny. Jëtu'un ojts tyajnëjkxnëtë ja José jap Egiptë.

Génesis 37:36

Yë Madián ja'ayëty jap ojts tkutookëtë yë José Egiptë, ma tu'uk yë ja'ayën, jä'ä xyëëwajtyp Potifar, wintsën ënäty y'ity ma yajkutujkpën, mëti'ipë ënä'ämpën jap Egiptë; yë'ë ënäty wintsën ijtp ma tsiptuunpëtëjkëtyën mëti'ipë kyëwent'ajtëpën yë yajkutujkpë.

Génesis 40:3

Paaty nimäjtsk yajtsuumtë, ma näjyëtu'un ja José ënäty tsumy y'ityën.

Génesis 45:4

Ënät yë José y'ënëmaayëtë: Tuntë mëyajtën mëwinkoontëkës. Ko yë'ëjëty myëjwa'ktë, ënät ja José t'ënëmaayëtë: Ëjts jëtu'un mijts yë m'utyëty José mëti'ipë ojts xytyooktën etsës nyajmëmiiny yaa Egiptë.

Salmos 105:17

Je'eyëp ko ojts tkexy yë José ets yë'ë tyu'uwinye'eyëtëty mëti'ipë ënäty të tooktën tä tu'uk yë mëtuunpën.

Hechos 7:9

Ya'atë Jacob yë y'u'unk y'ëna'k, mëti'ipë n'ap'ajt nteety'ajtëmën, myë'äkë'ajtëp ijty ja y'uty José. Paaty ojts tooktë ets ja ja'ay yajnëjkxë jap Egiptë. E ja José ka'ap ja Tios y'ijxmajtsë.