Génesis 38:5 - Biblia Mixe de Quetzaltepec

⁵ Tää wiinkpë u'unk maay tjaakyajmëxu'unk'ajty, jä'ä tukxëëwajty Selá, yë Selá jää ojts myëxu'unk'aty ma ënäty yë Judá jam yajpaatyën Quezib.

Biblia Dc en Mixe de Quetzaltepec

⁵ Tää wiinkpë u'unk maay tjaakyajmëxu'unk'ajty, jä'ä tukxëëwajty Selá, yë Selá jää ojts myëxu'unk'aty ma ënety yë Judá jam yajpaatyën Quezib.

Génesis 38:5 ပူးပေါင်းရင်းမြစ်များ

Génesis 38:11

Ënät yë Judá t'ënëmaay yë xyäkxy Tamar: Wë'ëm jëtu'un atu'uk ma mteety yë tyëjkën, koonëm yë nmaankës, Selá y'ëkyääk, y'ëkpatëty. Yë Judá namääpy natajp ënäty, jä'ä ko näjyëtu'un nëjkx ja myaank Selá y'ëk'o'knë, ijxtëm ënäty ja myëkä'äxtëjk të jyat të kyëpätën. Ënät yë Tamar ojts nyëjkxnë tsënääpyë ma ja tyeety ja tyëjkën.

Génesis 38:26

Ko yë Judá t'ixkäjpy ko yë'ë jyä'ä ja tsa'a mëët yë nyipiity ets ja tajk, ënät y'ënäny: Yë'ë oy jëtu'un tä të wyinma'anypyäätyën, ëjts tëy yë poky nmëët'ajtyp, koos të nkayajpëky mëët yë nmaankës Selá. Ka'ap yë Judá ojts nijëna'a t'ëkmëëtko'knaaynyë ja Tamar.

Génesis 38:6

Yë Judá ojts yë myaank tyajpëky mëti'ipë xyëëwajtypyën Er, jä'ä ënäty kä'äxkopk'ajtp; yë'ë mëët tyajpëjky tu'uk yë to'oxytyëjk mëti'ipë xyëëwajtypyën Tamar.

Génesis 46:12

Yë Judá jä'ä y'u'unk y'ëna'k xyëëwajtë: Er, Onán, Selá, Fares ets Zara. Er mëët yë Onán jam ënäty të y'ooktë Canaán. E yë y'u'unk y'ëna'këty yë Fares jä'ä xyëëwajtë Hesrón ets Hamul.

1 Crónicas 2:3

Ja Judá y'u'unk y'ok jä'ä xyëëwajtë: Er, Onán ets Selá. Ja tyaakëty ya'atë nitëkëëkpë ëna'këty, jä'ä ijty xyëëwajtyp Sua, Canaán ja'ay. E yë Er mëti'ipë Judá kyä'äxkopk'ajtypyën ëxëëk ijty jyä'äy'äty paaty ojts yë Wintsën pyëjkëty yë jyuukyajtën.

1 Crónicas 4:21

Yë y'u'unk y'ok yë Selá, myaank yë Judá, jä'ä xyëëwajtë Er, mëti'ipë tyeety'ajtën Lecá, Ladá mëti'ipë tyeety'ajtën Maresá, ja myëku'uktëjkëty mëti'ipë ijty tyuunk'ajtën ja yajwitkojk oyjyätyëtypë jam Bet-asbea.

Números 26:19

Ma yë Judá yë jyä'äyën ojts y'ooktë yë Er ets Onán jam Canaán naaxjotm.

Números 26:20

Paatykyëjxm ma Judá jyä'äyën yë'ë ojts yajkëxja'atë ma jaaymyujkën y'ijtyën yë Selá, Fares ets Zara y'u'unk y'okëty.