Génesis 38:18 - Biblia Mixe de Quetzaltepec

¹⁸ Ënät yë Judá tyajtëëy: ¿Tiixë mtsojkpy ets ntukmëwë'ëmëty? Mooykyës yë mëti'ipë jëyujk mtuktsääpyën mëët yë nyipiity ets nän mooykyës yë mtajk, mëti'ipë jam mkë'ë'am'ajtypyën. Ënät ja Judá tmooy ets ojts tmëëtko'knë ja to'oxytyëjk, tä ojts tyajwë'ëmy u'unk mëët.

Biblia Dc en Mixe de Quetzaltepec

¹⁸ Ënet yë Judá tyajtëëy: ¿Tiixë mtsojkpy ets ntukmëwë'ëmëty? Mooykyës yë mëti'ipë jëyujk mtuktsääpyën mëët yë nyipiity ets nän mooykyës yë mtajk, mëti'ipë jam mkë'ë'am'ajtypyën. Ënet ja Judá tmooy ets ojts tmëëtko'knë ja to'oxytyëjk, tä ojts tyajwë'ëmy u'unk mëët.

Génesis 38:18 ပူးပေါင်းရင်းမြစ်များ

Génesis 38:17

Ënät ja Judá y'ëtsooy: Tsajppax tu'uk ntuknikäxëp. Tää ja to'oxytyëjk y'ëtsooy: Oy'atëp, e yajwë'ëm oynatii mëti'ipës ntukmëpëkëpën ko xyjyänty kyäxa'any.

Génesis 38:19

Tä yë Tamar ojts jatëkok nyëjkxkojnë ets nyätyukwinpëjktutë ja wit jatëkok, mëti'ipë ënäty jam wyinpëk'ajtypyën, tääts tuktëjkëy ja wyit mëti'ipë ënäty ku'ookytyo'oxy yajkëxë'këpën.

Génesis 41:42

ënät ja yajkutujkpë nyätyukë'ëji'tstutë ja kyë'ëjiits, mëti'ipë ënäty myëët'ajtypyën ja tsa'ayajtën mëët ko yajkutujkpë'aty ets tmooy ja José. Tääts ni'ënä'ämëy ko txoxtëty mëët ja wit oypyë ets mëti'ipë tsowën ets t'oytyuunëtëty näjyëtu'un ja nyantsëm pu'ts pujxnëpë.

Jeremias 22:24

Jëtu'un ja Wintsën t'ënëmaay ja Jeconías, yë Joaquim yë myaank mëti'ipë jam Judá yajkutujkpën: Yë njuukyajtënës kë'ëm ntukajpxpejtyp etsës n'ëna'any: Oyxyëp jeexyë mijts jëtu'un mtimyajpatpë nkë'ëkëjxyës tä tu'uk kë'ëjiitsën mëti'ipë ja'ay tyuknokytsyääpyën, mijts je'eyëm njëpëka'any maajës yë nkë'ëjën

Oseas 4:11

Ko yë ja'ay yë jyot nyini'kx tooky tyäky ets ko y'uuky myu'ukyë yajtëkoopy yë jot ja'awën.

Levitico 18:15

Këtii xymyëëtko'knääpyëty yë mmaank yë tyo'oxytyëjk, yë mxäkxy këtii mëpaat xymyëëtko'knë.

Lucas 15:22

Ënät ja u'unkteety t'ënëmaay ja tyuunpëtëjk: Tsojk nëjkx ja oypyë wit xyajtsoontë ets xytyukxoxtëty, pëjktakëtë kyë'ëjiits ets kyë'ëk.