Génesis 38:10 - Biblia Mixe de Quetzaltepec

¹⁰ Yë Wintsën ka'ap jëtu'un oy t'ijxy ko jëtu'un yë Onán y'ëti'itsy, paaty ojts ja jyuukyajtën tpëjkë.

Biblia Dc en Mixe de Quetzaltepec

¹⁰ Yë Wintsën ka'ap jëtu'un oy t'ijxy ko jëtu'un yë Onán y'ëti'itsy, paaty ojts ja jyuukyajtën tpëjkë.

Génesis 38:10 ပူးပေါင်းရင်းမြစ်များ

Génesis 46:12

Yë Judá jä'ä y'u'unk y'ëna'k xyëëwajtë: Er, Onán, Selá, Fares ets Zara. Er mëët yë Onán jam ënäty të y'ooktë Canaán. E yë y'u'unk y'ëna'këty yë Fares jä'ä xyëëwajtë Hesrón ets Hamul.

2 Samuel 11:27

Ko jëtu'un ja monyëtukyë nyiwatsë, ënät ja David ojts twoownë jam ma ja tyëjkën ma ja kutujkëntëjkën ets mëët pyijky, ja to'oxytyëjk ojts tu'uk ja u'unk maay tyajminy tyaja'ty naaxwiiny. E ja Wintsën ka'ap oy t'ijxy ijxtëm ënäty ja David të y'ëti'itsyën.

1 Reyes 17:20

Tääts tyëjkëy jëëytyak nu'kxtakpë, mëk jyänty kyäjpxy, tmënpëjktsoy ja Wintsën ëmuumtu'ukjot: Wintsën, mëti'ipës n'ëwtajtypyën. ¿Ka'ap yowë tyim oy'ajnë ets mijts ya'atë to'oxytyëjk o'ktëy xytyimtunëty, maas nja'ajtä'äkyën, ko xyaj'ookanë ja y'u'unk?

1 Crónicas 2:3

Ja Judá y'u'unk y'ok jä'ä xyëëwajtë: Er, Onán ets Selá. Ja tyaakëty ya'atë nitëkëëkpë ëna'këty, jä'ä ijty xyëëwajtyp Sua, Canaán ja'ay. E yë Er mëti'ipë Judá kyä'äxkopk'ajtypyën ëxëëk ijty jyä'äy'äty paaty ojts yë Wintsën pyëjkëty yë jyuukyajtën.

1 Crónicas 21:7

Yë Tios ka'ap tukjotkëtäky ya'atë jëtu'unpë winma'any, paaty tkexy ja ëyo'on ma Israel kajpnën.

Proverbios 14:32

Yë ëxëëk ja'ay kë'ëm ëxëëk nyätyunyë ko ëxëëk y'ëti'itsy y'ënä'äny; e yë ja'ay mëti'ipë tëy tëtä'äky winë tyuunpyën, yë'ë kuwanëp ma mëtëy tyu'uye'eyën.

Proverbios 24:18

jä'ä ko yë Tios ka'ap t'oyjyawëty ko jëtu'un t'ixëty, yë tsyip y'äkë nëjkxëp jam tjëëpëky ma yë'ëjën.

Jeremias 44:4

Kanaak ok njakejxyës yë nkäjpxynyajxpës ma miitsëtyën ets jeexyë m'ënë'ëmxëtë ko këtii xytyuntëty mëti'ipës n'ëxëëk'ijxypyën.

Hageo 1:13

Ënät ja Hageo, yë Wintsën yë kyäjpxynyajxpë, ojts y'ënë'ëmxëtë mëët yë Tios xyëëwkyëjxm: Jëtu'un yë Wintsën y'ënä'äny: Ëjts Wintsën, jëtu'unës yam nnikäjpxy ko yajpatpës mëët miitsëty.

Números 11:1

Ënät ja Israel ja'ayëty ojts jatëkok wiinkjaty tyëkëtë kajpxpë ma ja Tiosën. Mëët ko mëk tjawëtë ja ëyo'on, mëti'ipë myënajx yajnajxtëpën. Ko Tios jëtu'un tmëtooy, ojts jyoot'anpëky. Ënät tkejxy ja mëj jëën jam pë'am ma mayjyä'äy tsyëënëtën.

Números 22:34

Ets ja Balaam t'ëtsooy ja Wintsën ja kyukäjpxy: Pokyës të ntuny, ëjts nkanija'apës ënäty ko mijts ja ntu'ujës të xy'ëtujkë. Pën mijts ka'ap xy'oyjyawë koos nëjkxy, jyëkyejpyës nwinpitëty.

Números 26:19

Ma yë Judá yë jyä'äyën ojts y'ooktë yë Er ets Onán jam Canaán naaxjotm.

1 Samuel 2:25

Pën yë ja'ay myëtëkoopy yë myëku'uk, yë Wintsën jyëkyejpy nyipaye'eyëtëty, e pën tu'uk yë ja'ay myëtëkoopy yë Tios. ¿Pën jää nëjkx y'ëknipaye'eyë? Yë'ëjëty ka'ap tmëtoowkujkëtyë oy jëtu'un ja tyeety jya'ënëmaayëtë, jä'ä ko yë Wintsën tëë ënäty tuknipëjktaakë ko yaj'ooka'anëtë.