Génesis 37:8 - Biblia Mixe de Quetzaltepec

⁸ Ënät ja y'äjtyëjk y'ëtsoowtë: ¿Tii jä'ätën mja'ëna'any ets mijts myajkutujkpë'atëty, tääts ëëtsëty xy'ënä'ämtëtyë? Ni'ikyë ojts jyänty myëtsiptsoonëtë ko jëtu'un wyinkumaay ets ko ojts nikäjpxy wi'ix ënäty të wyinkuma'ayën.

Biblia Dc en Mixe de Quetzaltepec

⁸ Ënet ja y'äjtyëjk y'ëtsoowtë: ¿Tii jä'ätën mja'ëna'any ets mijts myajkutujkpë'atëty, tääts ëëtsëty xy'ënä'ämtëtyë? Ni'ikyë ojts jyänty myëtsiptsoonëtë ko jëtu'un wyinkumaay ets ko ojts nikäjpxy wi'ix ënety të wyinkuma'ayën.

Génesis 37:8 ပူးပေါင်းရင်းမြစ်များ

Génesis 27:41

Jä'ä xëëw jä'ä jëmëjt yë Esaú ojts tmëtsiptso'onë ja Jacob, ko ënäty të pyëjkëty ja näkyënu'kxë, mëti'ipë yë'ë patëpën ma tyeetyën. Ënäty ja Esaú ojts myäy tyäjy: Tim wäänë jëtu'un täätsës nmëët'atëty yë monyëtukyë mëët yë nteetyës, ko wiinkoonëp ma y'o'knëtyën. Ko ja jëtu'unpë kyëxëty nyaxëty, taats nyaj'ookëty yë n'uty Jacob.

Génesis 37:4

Ko ojts jëtu'un t'ixtë ja y'äjtyëjkëty, ko ja tyeety mëk ni'ik tsyokyë këtiinëm ja wiinkpë y'u'unk y'ëna'k, ënät ojts tmëtsiptsoontë ets ka'ap t'ëkmëkajpxanëtë.

Génesis 37:9

Ënät yë José ojts jatëkok wyinkumaakojnëpë, mëti'ipë ojts tukmëmëtyä'äkyën ja myëkä'äxtëjk, tääts t'ënëmaay: Mnija'awëtëpë, tëëjës tyam nwinkumaakojnëpë; jëtu'unës të n'ixy tä xëëw po'ojën ets nimajktu'uk yë mëtsa'a xywyinkutsë'ëkës.

Génesis 42:10

Ka'ap Wintsën. Jëtu'un y'ëtsoowtë. Ëëtsëty mijts yë mtuunpëtëjk, tsajpmok ëëts njuyantëp.

Génesis 44:18

Ënät yë Judá tmëwinkoony yë José ets t'ënëmaay: Tyam mijts nmënu'kxtä'äky wintsën etsës xyajkajpxëty tu'k'aaw mäjtsk'aaw. Tun yë mëyajtën këtiis xytyukjoot'anpëkëty, mijts jëtu'un yë'ë ijxtëm jeexyë kë'ëm myajkutukyën.

Génesis 49:26

Yë mteety ni'ik të mkënu'kxyë këtiinëm jyëtu'unëty ojts yë nteetyës xykyënu'kxyës. Mëj këjää yë mteety yë kënu'kxën të mo'oyë, mapaat yë tun kopk y'ëwtityën mëti'ipë winë xëëw winë jëmëjt ijtëëwtëpën, ya'atë jëtu'un yë kënu'kxën xëmë itaanp ma José yë kyëpajkën, mëti'ipë ojts yajwin'ixyën ma jyiiky myëku'ukën.

Génesis 50:18

Ënät ojts myintë ja myëkä'äxtëjk ets nyaaxkoowtë jam wyintum, nyäjyijtakëtë naaxkëjxy ets y'ënëmaayëtë: Tyaa ëëtsëty nyajpaatë mkë'ëjoty, jëtu'unës xywya'antëty tä mëtuunpë m'ëyoopën ka'apë yajmëjuyën.

Salmos 118:22

Ja tsaa mëti'ipë ojts ja tëjk kojpë ka'ap tsoktën, yë'ë të y'awinpity tsaakopk mëti'ipë ja tëjk myëtënääpyën.

Éxodo 2:14

Ënät tääpë nimäjtskpë ja hebreo ja'ayëty y'ëtsoowtë: ¿E mijts pën të mpëjktakëpë ënä'ämpë yajkutujkpë ma ëëtsëtyën? ¿Ëkë jä'äjëtën m'ëna'any, ko näjyëtu'un ënät yam xyaj'ookëtyës, tä ëxë'ëy xyaj'o'kyën ja Egiptë ja'ayë? Ko yë Moisés jëtu'un tmëtooy ja ayuk, ënät ojts ja tsë'ëkë tyuktëkëty. Jä'ä ko tëëtëm ënäty yajnijawë, ko ja Egiptë ja'ay të tyaj'ooky.

Lucas 19:14

E jam ma kyajpnën may ja ja'ay jam myëtsip'atyë, paaty tkäjxtë ja kukäjpxy ets nëëmëtëty: ka'apës ntsoktë ets ya'atë ja'ay yë'ë xy'ënä'ämtëtyës.

Lucas 20:17

E ja Jesús ojts wyintë'kxëtë ets y'ënëmaayëtë: ¿Tii ja Tios ja y'aaw y'ayuk tyijpy ko y'ënä'äny?: Ja tsaa mëti'ipë ja pojtspë ojts tpäxtën, yë'ë të nyäxy tsaakopk.

Hechos 7:35

Oy ënäty ja Moisés të yajnëëmë: ¿Pën të mpëjktä'äkyë yajkutujkpë ets paye'epyë?, Tios yë'ë ojts kyexyë yaj'ëwaatsëpëtsëëmpë ets tu'uwinwoopë ko myëkajpxë ja tsajpjotmëtë kukäjpxy ma ja kepy ënäty wyintooypyetyën.

Deuteronomio 33:16

ujts nëjkx yajpaaty ja nyaax kyam mëët oyëtypë jë'kxy pëky. Yë Tios mëti'ipë ojts nyänyikëxë'ëkyën ma zarsa aatsën mëj nëjkx nyi''ijxkëtä'äkyë. Tëkokyë ya'atë të yajnikäjpxyën, yë'ë jam'ataanp ma Joséjën, mëti'ipë ojts yajwin'ixyën ma jyiiky myëku'ukën.

Hebreos 10:29

¿wi'ix jëtää tkapaatëty ja tëytyu'unën mëti'ipë ja Tios U'unk kyamëjpëjktäkpyën, mëti'ipë jëtu'un tyuuntëpën ijxtëm jeexyë t'atään tuktääntën; mëti'ipë pyäjxtëpën ja Jesús ko të y'ooky ets ka'ap t'oyjya'awëtë ja Kënu'kxymyëkajtën, mëti'ipë tsojkëtëpën? Tääpë ne'pny yë'ë myë'ijtyp ja käjpxytyu'unën ets yë'ë mëët të yajkënu'kxtë.

1 Samuel 10:27

E jëtu'un ijxtëm xëmë jyäty kyëpetyën ka'ap ma ja ja'ay tyëkoy'äty mëti'ipë je'eyë wyiin y'aaw myëtitypyën ets mëti'ipë ënantën: ¿Tääpë jëtää ënät xy'ëkyajtsokmëpë? je'eyë ojts nëëxi'ik tukxi'iktë ets ka'ap tyajnikëxë'ktë ja winkutsë'kën ma yë'ëjën; e ja Saúl ka'ap timmyëjpëjktäky oy ja ja'ayëty wi'ix y'ëna'antë.

1 Samuel 17:28

E ja Eliab, ja David ja y'äjty kyopk, ojts tmëtoy ko ja David jëtu'un myëtyä'äky mëët ja ja'ayëty ets ojts tyukjoot'anpëkyë tä y'ënëmaayë: ¿Tii yaa të xynyiminy mijts David? ¿Pën të xytyukmë'ëxmatsë jam të'ëts'itum ja tu'ukpë mäjtskpë ja tsajppax ets ja kupixyny mëti'ipë jaakjamën? Ëjts wa'atsës nijawë ko mijts yi'iyë mëtijtyp nämyëjkäxë winma'any, paaty yaa atu'uk të mminy ets mtsip'ixa'any.

1 Samuel 18:8

Yë Saúl ka'ap ojts t'oymyëtoy ya'atë ëy ets ojts jyoot'anpëky, paaty y'ënäny: Yë David majk mil nikajpxtë yë myëtsip të tyaj'ooky ets ëjts je'eyës nyajnikäjpxy tu'uk mil të nyaj'ooky. Je'eyëp ko tkapëjktaknëtë ënä'ämpë yajkutujkpë.