Génesis 37:7 - Biblia Mixe de Quetzaltepec

⁷ Të nwin'ixyës, ko nitëkokyë ëëtsajtëm ënäty kamjotm n'atsu'umtakëm yë tsajpmok, ënät yë njä'äjës të pyëti'iky kujkyë, e yë mjä'äjëty näjyëtu'un të tna'owtitë yë njä'äjës ets të tyajnikëxë'ëktë ja näywyinkutsë'kën.

Biblia Dc en Mixe de Quetzaltepec

⁷ Të nwin'ixyës, ko nitëkokyë ëëtsajtëm ënety kamjotm n'atsu'umtakëm yë tsajpmok, ënät yë njä'äjës të pyëti'iky kujkyë, e yë mjä'äjëty näjyëtu'un të tna'owtitë yë njä'äjës ets të tyajnikëxë'ëktë ja näywyinkutsë'kën.

Génesis 37:7 ပူးပေါင်းရင်းမြစ်များ

Génesis 27:29

May ja ja'ay mëtunëtëty ets mwinkoxtänëtëty ja naax ja kajpn mijts mwintuuy. Mijts mniwintsën'atëp ja mjëëky mmëku'uk, ets näjyëtu'un mwinkoxtänëtëty. Pën mpojkëp, poky näjyëtu'un wyë'ëmëty; e pën mkënu'kxëp, kënu'kxy näjyëtu'un wyë'ëmëty.

Génesis 37:6

Ko jëtu'un y'ënäny: Ëkmëtoow'itë tyam ntukmëmëtya'aka'antë wi'ixës të nwinkuma'ayën.

Génesis 42:6

Yë José yë'ë ënäty ënä'ämpë ijtp jap Egiptë ets yë'ë ja tsajpmok tyukmëto'kpy ja ja'ay mëti'ipë miintëpën tsajpmok juupyë. Ko ojts ja y'äjtytyëjk jam jya'të ma yë'ëjën, ënät nyäjyijtakëtë yë'ë wyintum ets nyaaxkoowtë.

Génesis 42:9

Ënät ja José tja'amyejtsy ja wyinkuma'ay mëti'ipë ënäty të t'ixyën mëët yë'ëjëty, tä t'ënëmaay: Miitsëty je'eyë min xy'ixa'an xytyuna'antë tii yaa kajpn myëët'ajtyp kyamëët'ajtyp.

Génesis 43:26

Ko ojts ja José jyä'ty ma ja tyëjkën, tä ojts tmo'otë ja näynyamo'ojë, mëti'ipë ënäty të tyajmintën ets nyaaxkoowtë, tä jëtu'un ja José yajwintsë'ëkë.

Génesis 43:28

Ënät ojts nyaaxkowtë, tyajnikëxë'ëktë jëtu'un ja winkutsë'kën ets y'ëtsoowtë: Ja nteetyëtyës oy mëk ja yajpaaty ets jaakjuuky'ajtpnëm.

Génesis 44:14

Ko yë Judá mëët yë myëku'uktëjk jya'ajtë ma ja José ja tyëjkën, jaaktam'ajtpnëm ënäty yë José, ënät nyaaxkoowtë José wyintuuy, tyajnikëxë'ëktë jëtu'un ja näywyinkutsë'kën.

Génesis 44:18

Ënät yë Judá tmëwinkoony yë José ets t'ënëmaay: Tyam mijts nmënu'kxtä'äky wintsën etsës xyajkajpxëty tu'k'aaw mäjtsk'aaw. Tun yë mëyajtën këtiis xytyukjoot'anpëkëty, mijts jëtu'un yë'ë ijxtëm jeexyë kë'ëm myajkutukyën.

Génesis 44:19

Ko mijts xyajtëëwtës pën nmëët'ajtëpës ënäty yë nteetyëty ets pën njaakmëët'ajtëpës ënäty wiinkpë n'utyëty,

Génesis 50:18

Ënät ojts myintë ja myëkä'äxtëjk ets nyaaxkoowtë jam wyintum, nyäjyijtakëtë naaxkëjxy ets y'ënëmaayëtë: Tyaa ëëtsëty nyajpaatë mkë'ëjoty, jëtu'unës xywya'antëty tä mëtuunpë m'ëyoopën ka'apë yajmëjuyën.

Filipenses 2:10

jëtu'un tääpë ja xëëw mëj'äämpy nyaxëty, mëti'ipë ja Jesús yajmooyën ets wyinkoxtänëtëty ni'ëmukë mëti'ipë jamën tsajpjotm, naaxwiiny ets naaxpa'tkë'p,

Colosenses 1:18

Kristë nyikëpajk'ajtyp ja mëpëjkpëtëjk, mëti'ipë ijtëpën ijxtëm tu'uk ja ni'kx kopkën. Yë Kristë tääyëm yë'ë yajpaaty, yë'ë jëyëjp të jyuukpyiky ets nikopk'atëty tu'kë'ëyë oy tyimtiijëty.