Génesis 37:29 - Biblia Mixe de Quetzaltepec

²⁹ Ko yë Rubén jatëkok wyimpijty ma ja nëëjutën, ka'ap ojts t'ëkpatnë ja y'uty José, tä ja wyit, mëti'ipë ënäty jam pyëjktäkpyën, t'akë'tsëy tyajnikëxë'ëky jëtu'un ko ënäty mëk tjajawë ko ja y'uty të tyëkoy.

Biblia Dc en Mixe de Quetzaltepec

²⁹ Ko yë Rubén jatëkok wyimpijty ma ja nëëjutën, ka'ap ojts t'ëkpatnë ja y'uty José, tä ja wyit, mëti'ipë ënety jam pyëjktäkpyën, t'akë'tsëy tyajnikëxë'ëky jëtu'un ko ënety mëk tjajawë ko ja y'uty të tyëkoy.

Génesis 37:29 ပူးပေါင်းရင်းမြစ်များ

Job 1:20

Ënät ja Job pyëti'ky ets tkë'tstëëy ja wyit, jä'ä mëk jya'ap ko ënäty jëtu'un të tyuny të jyätyë, ojts ja wyääy kyopk tkä'pta'ay ets tmënu'kxtäky ja Wintsën.

Génesis 37:34

Ënät yë Jacob ojts yë wyit tukëëtsë ets nyätyukxojxë ja wit mëti'ipë kuumpën u'kxpën ets nyätyukniwëjtaayë naaxway; jekpyaat ojts nijë'ëy niyä'äxy ja myaank ko ënäty të y'ooky të tyëkoy.

Números 14:6

E ja Josué ets ja Caleb mëti'ipë ënäty ojts ja naaxwiinyëtë të t'ixtën, ja wyitëty mëti'ipë ënäty myëët'ajtëpën yajxon tukë'tsëtyääytyë, mëët ko ëxëëk nyäyjyawëtë,

Génesis 44:13

Ënät ojts nyänyikëëts nyäy'ixkëëtsëtë, tjamëkjawëtë tja'ëxëëkjawëtë ko jëtu'un jyatë kyëpätë. Ënät jatëkok ja tyimy t'atsëëmpëktë nitu'ukjaty ets tukjëwë'ënë'ktaaytyë ja jyëyujkëty ets jëtu'un jatëkok wyimpijnëtë kajpntum.

Hechos 14:14

Ko tnija'awëtyë ja Pablo ets ja Bernabé, tää ojts jyotmaytyëkëtë ets ja wyit tkë'tstë jä'äkyëjxm ko jëtu'un yajwintsë'ëkëja'antë. Ënät jap nyajtskäkëtyë mayjyä'äyjoty ayaxp ajojkp:

Joel 2:13

Niwinpitë yë mWintsën Tyiosëty ets m'aaw mjot këëtstë jëtu'un tä jeexyë mwit xykyëëtstën. Jä'ä ko yë Wintsën yu'unk naxym yë y'aaw jyot ets pa'ëyoop najts'ëyo'owëp, mä'kxtujkp ets tsojkp ja'ap, xëmë jyëjp'ixy jëna'a n'ënëma'ayëmë ets këtii tyiytyunëty.

2 Reyes 19:1

Ko yë yajkutujkpë Ezequías ja ayuk pyatë, ënät ojts ja mëkjotmay tyuktëkëty ets ja wyit tyujkxy tkë'tstaay mëët ja jotmay aakjä'ä tyuktëjkëy ja xa'kwit mëti'ipë kuumpën u'kxpën ets ojts nyijkxy ma ja tsajptëjkën.

Jueces 11:35

Ko jëtu'un t'ijxy ënät ojts yë wyit amëjaaw tnënuky ets tkë'ëtswä'kxy mëët ko janty mëk tja'awëy ko jä'ä ja nyëëx pyëtsiimy äjtspë ets t'ënëmaay: U'unk maay janty o'ktëyës näjyawëty. Mijtsës ënät tyam ëxëëk xyajjajtp xyajkëpäjtp. Tëës yë waantakën tu'uk ntuny ma Wintsën e kopkpëky koos ënät nmo'ojëty mëti'ipës të ntukwinwanën.

Génesis 34:13

E ja Siquem ka'ap ënäty ja näywyinkutsë'kën të tmëët'aty ma ja Dina, paaty ja Jacob ja y'u'unk y'ëna'k mëët ja näwyin'ë'ënën t'ëtsoowtë ja Siquem ets ja tyeety Hamor,

2 Samuel 1:11

Tää ja David mëët ja jyä'äy tyëjkëtyë moonpë tujkpë, yë'ëpaat ja wyit tyujkxyëty ojts tkëëtstë mëët ja ma'ayën tajën,

2 Samuel 13:19

ojts nyätyukupëjkta'ayë kuyjaam, kyë'tstaay ja wyit mëti'ipë ënäty jam pyëjktäkpyën, je'eyë nyäkyumajtskëtakë ets ojts nyijkxy jëëpyë yaxpë tu'ktu'u.

2 Reyes 5:7

Ko ja yajkutujkpë jampë Israel tyaj'ëwatsy ja noky, ënät nyänyikë'tsë mëët ja joot'an ets ko ja amay jotmay tyuktëjkëyë: ¿Ti Tiosës jëtää ëjtsë, etsës tu'uk yë ja'ay nyajtuknikäxëtyë mëti'ipë pu'uts pa'am pëjkëpën etsës nyajtso'ok nyaj'akëtä'äkyëtyë? Ixtë yajxon, ko ya'atë ja'ay winma'any ixtääpy je'eyë paatyës nëkoo xymyëmayë.

2 Reyes 11:14

Tääts t'ijxy jap ja yajkutujkpë tyänë ma ja mëjpotsyën mëti'ipë ja tsajptëjk myajts'ijtypyën, jä'ä ko jëtu'un ënäty tu'unën'atë. Aaktam pya'atänëty ja mëj kutuunktëjkëty ets ja xuxpëtëjkëty ets ja mayjyä'äy mëti'ipë ëëwtëp xuxtëpën. Ënät ja Atalía ojts tkë'ëtswä'kxy ja wyit ets y'ënäny: Nikäjpxytyunës n'ity. Nikäjpxytyunës n'ity.

Jeremias 36:24

Yë yajkutujkpë ets ja wintsëntëjkëty mëti'ipë myëtoowtën wi'ix ja noky axaatsy jyä'äyëtyën, nijënu'un kyatsë'këtyë ets nitii tkamëkja'awëtyë.