Génesis 37:26 - Biblia Mixe de Quetzaltepec

²⁶ Ënät yë Judá t'ënëmaay yë myëkä'äxtëjk: ¿Tii mpatmëp ko yë n'uty'ajtëm nyaj'o'kmëty ets ënät ok nkuyu'tsmëty, ko ënäty ëtsajtëm të n'ëkyaj'o'këm?

Biblia Dc en Mixe de Quetzaltepec

²⁶ Ënet yë Judá t'ënëmaay yë myëkä'äxtëjk: ¿Tii mpatmëp ko yë n'uty'ajtëm nyaj'o'kmëty ets ënät ok nkuyu'tsmëty, ko ënety ëtsajtëm të n'ëkyaj'o'këm?

Génesis 37:26 ပူးပေါင်းရင်းမြစ်များ

Génesis 37:20

Mintë wä'än nyaj'o'këmë ets muum n'apëjkëmëty nëëjutjoty ets n'ëna'anmëty ko jëyujk të myätsyë ets të yaj'ookyë. Tä n'ëkjanty'ijxmëty, pën ëk'atëëp ja wyinkuma'ay.

Génesis 4:10

Jëtu'un yë Wintsën y'ënëmaayë: ¿Wi'ix ko jëtu'un të m'ëtë'ëtsy? Yë m'uty jyot nye'pny, mëti'ipë të xytyemy të xyjye'etyën naaxkëjxy. Yë'ëjës xy'amëtoop etsës nipaye'eyëty.

Romanos 6:21

¿E tii jap të xypyaatë? Tyam je'eyë mtsëtyuunëtë ko jëtu'un të mjuuky'atë, jä'ä ko je'eyë ja o'kën të mtukpaatëtë.

Mateo 16:26

¿Tii ja ja'ay nyawa'anëty oy tjaniwaanta'ay tu'kë'ëyë winë yaa naaxwiiny pën yajtëkoopy ja jyuukyajtën? ¿Ëkë jënu'un ja ja'ay ja jyuukyajtën t'ëknikëpäjtu'utëty?

Ezequiel 24:7

Yë naax kajpn ujts yajpaaty mëët yë jot ne'pny; jam të nyaaxkutämë tsaakëjxy ma yaj'ixëtyën yajxon ets ka'ap nyaaxkëjxyëty ma jeexyë naaxway yajnitukyën.

Jeremias 41:8

E jamts nimajk ja ja'ay y'ijtë mëti'ipë y'ënëmaaytyën ja Ismael: Këtiijës xyaj'ooktëty; ëëtsëty tamës yu'utsy nmëët'atë jam ujtsjotm tsajpmok, cebadë, olivë on ets uuxpa'ak. Ënät yë Ismael ka'ap tjantyyaj'o'ky tääpë ja'ayëty.

Salmos 30:9

koos n'ookëty tii mnapaat mna'ixëp, koos ënäty nyajmënëjkxnë jutjoty? Yë naaxway ka'ap tjëkyepy mtukxoonta'akëtëty, ni yë'ë mëpaat tkanikäjpxy wi'ix tii oy xytyunyën.

Job 16:18

Mëët ijxtëmës yam o'ktëy njaty nkëpetyën, yë'ëjës n'amëtoopy etsës nyajnipaye'eyëty; naax, këtii jëtu'unyë xyajnitukëty yë një'ëyënës nyaxënës.

2 Samuel 1:16

tä ja David ojts y'ënä'äny: Tyam ya'atë Amalec ja'ay të y'ooky, kë'ëm jëtu'un të nyätyunyë, ko të y'ënä'äny ko të tyaj'ooky mëti'ipë ënä'ämpën, mëti'ipë ja Wintsën wyin'ijxën.

Deuteronomio 17:8

Pën tsip oy ja nëë poky mëti'ipë yajnipaye'eyaanpën, ijxtëm ko pën ja myëku'uk tyaj'ooky, ëkë mëët të tsyiptuny, ko ënäty pën të nyäyajtsëtyutyë, ëkë pën wi'ix të nyätyunyë jam kajpntum; jam mnëjkxtëty poj'am ma ja Wintsën ja y'it nyaaxwiinyëtën mëti'ipë të twin'ixyën,

Génesis 25:32

Tä yë Esaú y'ënäny: Ijxtëm xy'ixyën ëjts yuu'o'këpës yam. Tyam ka'apës yë'ë nmay ntajy pën kä'äxkopktëmës ets ni nkayajmëyätyës tyam yë kä'äxkopk'ajtën.

Génesis 40:15

Ëjts jamës ojts tsoony ma hebreo ja'ayëtyën yë nyaaxjotëtyën, e ëjts ka'apës nitii poky të ntuny, koos yaa tsumy xyaj'itë.

Génesis 42:21

ets nyäy'ënanëtë jaxim jayam: Tyam ënät n'ijxëm ets tyam ënät nkëpäjtëm ko ojts ëxëëk ja n'uty'ajtëm ntu'unëmë. Ojts xyjyamënu'kxtakëmë ets jeexyë npa'ëyo'owëm nas'ëyo'owëmë e ëëtsajtëmë ka'ap ja ntu'unëmë këwentë, ojts nja'ijxëm ko ënäty mon tuk yajpaaty. Paaty ënät ëëtsajtëm tyam ya'atë ëxëëkajtën npatëm n'ijxëmë.

Génesis 50:20

Miitsëty jëtu'un ojts mjamay mjatajtë ets nyätyijyë ëxëëk xytyuna'antës e yë Tios yë'ë të tyajtëkatsy yë ëxëëkpë mëët yë oypyë ets ntunëtyës mëti'ipë tyam m'ijxtëpën mkoowtëpën: ets jëtu'un tsyo'okëty may yë ja'ay yë jyuukyajtën.

Jeremias 36:25

Yë Elnatán, yë Delaías ets Guemarías ojts mëktä'äky tja'ënëëmëtë ja yajkutujkpë ets këtii tno'okëty ja noky axaatsy, e yë'ë ka'ap nyi''ijxë'këtë,

Génesis 4:9

Ënät yë Wintsën tyajtëëy ja Caín ets t'ënëmaay: ¿Maa ja m'uty Abel? Tää ja Caín y'ëtsooy. Ka'apës nijawë, wi'ixës koos xyajtëy. ¿Tii ëjts nkëwent'ajtyp yë n'utyë?