Génesis 37:14 - Biblia Mixe de Quetzaltepec

¹⁴ Oy mnëjkxëty, jëtu'un y'ënäny yë Israel. Nëjkx ix wi'ix yajpaatë jam ja mmëkä'äxtëjk ets näjyëtu'un ja jëyujk tsajpkaa, tsajppax ets kupixyny, e ko mwinpitëty täätsës xytyukmëmëtya'akëty wi'ix ënäty jam të xy'ixy të xykyoyën. Ënät yë Israel tkejxy yë José, jam ojts tsyoony Hebrón ets jyä'äjty Siquem. Tam ënäty tyimja'tanë

Biblia Dc en Mixe de Quetzaltepec

¹⁴ Oy mnëjkxëty, jëtu'un y'ënäny yë Israel. Nëjkx ix wi'ix yajpaatë jam ja mmëkä'äxtëjk ets näjyëtu'un ja jëyujk tsajpkaa, tsajppax ets kupixyny, e ko mwinpitëty täätsës xytyukmëmëtya'akëty wi'ix ënety jam të xy'ixy të xykyoyën. Ënet yë Israel tkejxy yë José, jam ojts tsyoony Hebrón ets jyä'äjty Siquem. Tam ënety tyimja'tanë

Génesis 37:14 ပူးပေါင်းရင်းမြစ်များ

Génesis 13:18

Paaty ja Abram ojts tyajpëtë'kta'ay yë jyëën tyëjk ma ënäty jam y'ity tsyëënën ets ojts nyijkxy tsënääpyë ma ënäty jam tu'uk ja it naaxwiinyëtën janty xojjotpë. Yë'ë ënäty tu'uk yë ja'ay nyiwäämpy tääpë naax mëti'ipë xyëëwajtypyën Mamré, myëwinkon'ajtyp ja Hebrón kajpn, jam ma tääpë naax kamën jam ojts yë Abram tu'uk yë wintsë'këntyakn tyaj'oyë ets ja Tios tmooy.

Génesis 23:19

Ënät ja Abraham ojts ja tyo'oxytyëjk jam tyajnaaxtëkë ma ja tsaajutën mëti'ipë jam yajpatpën Macpelá, winkon nyäpyäätyë mëët yë Mamré, yajtijp näjyëtu'un Hebrón, mëti'ipë jamën Canaán.

Génesis 23:2

Jam y'o'ky ma ja it naaxwiinyëtë txëëwatyën Quiriat-arbá, ma tu'uk ja kajpn txëëwatyën Hebrón, ma ja Canaán nyaaxjotmën wyi'imy. Jekpyaat yë Abraham tnimoony tnitujky yë tyo'oxytyëjk Sara ko y'o'ky.

Génesis 29:6

Tä jatëkok yë Jacob tyajtëëwkojnëpë: ¿Oy mëk yajpaatyë? Ënät ja kupixyny këwent'ajtpë y'ëtsoowtë: Oy mëk yajpaaty. Ëk'ix wintsën, tyaa yë nyëëx Raquel tim wyojpminy yë kyupixyny.

Génesis 35:27

Ënät yë Jacob ojts yë tyeety Isaac tninëjkxy jam Mamré, ma ënäty tu'uk ja kajpn txëëwatyën Arbá ëkë Hebrón. Jam ma ënäty të tsyëënën yë Abraham ets Isaac.

Génesis 37:15

ko yë José tyu'utëkooy. Ënät jam tu'uk tpaty yë ja'ay ets y'ënëmaayë: ¿Tii m'ixtääpy?

Génesis 41:16

Ëjts ka'apës tääpë xypyääty nkajpxwa'atsëtyës yë mkuma'ay, jëtu'un y'ëtsooy yë José. E Tios yë'ë yakäämpy yë kajpxwinpijtën mëti'ipë mijts mtuk'oy'atëpën.

Génesis 43:27

Ojts ja José tyajtëy wi'ix ënäty jyatë kyëpätë ets ojts näjyëtu'un tyajtëy: ¿Wi'ix yajpaaty ja mteetyëty, ja mëjja'ay mëti'ipës xytyukmëmëtyaktën? ¿Jaakjuuky'ajtpnëmë?

2 Samuel 11:7

Ko ja Urías jam nyäwya'këxë'kë ma ja Davidjën, ënät y'ënëmaayë: ¿Wi'ix ja Joab jam, e wi'ix xy'ixy ja tsip?

2 Samuel 18:32

Tä ja yajkutujkpë tyajtëëy ja Etiopíë ja'ay: E yë Absalón ¿oy mëk yajpaatyë? Tä ja Etiopíë ja'ay y'ëtsooy: Jëtu'un jeexyë jyajta'atë tëkokyë mëti'ipëjaty myëtsip'ajtëpën yë Wintsën tä tääpë mmëtsip të jyätyën.

1 Reyes 2:33

Yë Joab yë'ë poky tukëtakpätanëp xëmëkyëjxm, mëët ko y'ooka'any ets näjyëtu'un ja y'u'unk y'ëna'k. E yë'ë ënät, ma ja David ja y'u'unk y'ëna'kën ets ma y'u'unk tyo'oxytyëjkën, xëmë jam y'itëty ja jotkujk'ajtën ets näjyëtu'un jam ma ja kyutujkënën.

Ester 2:11

Mardoqueo xëmë ënäty jam nyäxy tyëkë ma ja to'oxy'ëna'k y'itën ets tnijawë wi'ix ja Ester yajpaaty ets wi'ix jap y'ity.

Salmos 125:5

Mëti'ipë ja në'ë tu'u ëxëëkpë kyuuynyëjkxtëpën, wä'än ëxëëk tjatë tä ja ëxëëkja'ayëtyën. Wä'än tjam'aty ja jotkujk'ajtën ma Israel kajpnën.

Jeremias 29:7

Tuntë, wä'än yë naax kajpn t'oy'ity ma tsumy matsy myajpaatën wiink naax wiink kajpn ets niwaantsow nimëpëjktsowëtë ma ëjtsën, jä'ä ko pën tääpë naax kajpn yajpatp jotkujk, nän jotkujk miitsëty myajpaata'antë.

Números 13:22

Ënät ojts nyëjkxtë näjyëtu'un jam Négueb, nyajxtë ets jyajtë Hebrón. Jam ijty tsyëënëtë ja'ayëty, mëti'ipë yajtijtëpën Ahiman, Sesai ets Talmai, yë'ë yë Anac ja y'u'unk y'ok. Yë Hebrón wëxtujk jëmëjt jyëwiinëty ma ojts yajkojyën jam ja kajpn ets ok yë mëj kajpn mëti'ipë xyëëwajtypyën Zoan, mëti'ipë Egiptë nyitënääpyën.

Lucas 19:42

ets y'ënäny: Jëtu'unpëk jeexyë ya'atë xëëw xyjyä'äkyukë ko mjayajtukniminy ja jotkujk'ajtën. Je'eyëp ko ka'ap jyëtu'unëty, yu'utsy yajpaaty ma mijtsën ets ka'ap xy'ijxpaatëty.

Josue 14:13

Jëtu'un'äämpy ojts yë Josué tkënu'kxy yë Caleb ets tmooy ja Hebrón it ets yë'ë tjä'ä'atëty mëët ja y'u'unk y'ok.

Josue 14:14

Jëtu'un ojts yë Caleb yë'ë tniwä'äky tampë it naaxwiinyëtë ma ja Hebrón y'itjotmën ets yë'ë tjä'ä'ajty mëët ja y'u'unk y'ok, yë'ëkyëjxm ko ojts oy yë Wintsën tmëtuny, mëti'ipë yë Israel Tyios'ajtypyën.

Josue 14:15

Yë Hebrón jä'ä ijty tëëyëp yajtijy Quiriat-arbá, paatykyëjxm jëtu'un yajtijy, jä'ä ko jam ojts yë Arbá tsyëënë, tu'uk yë y'u'unk y'ok yë Anac ja'ay pajkyenypë. Ko ya'atë jëtu'un kyijxy nyäjxy ka'ap ojtx ma tsip y'ëk'ijnë.

Jueces 1:10

Ojts näjyëtu'un tnitëkëtë ja Canaán ja'ayëty jampë tsyëënëtën ma ja it naaxwiinyëtë yajtijyën Hebrón mëti'ipë ijty tëëyëp yajtijpën Kiriat-arba ets tyajkutëkooytyë ja Sesai ja'ayëty, ja Ahiman ja'ayëty ets ja Talmai ja'ayëty.

1 Samuel 17:22

E tëkokyë mëti'ipë ënäty ja David myënëjkxypyën, jä'ä ojts poj'am tukkë'ëtëjkëtyä'äy ja ja'ay mëti'ipë kyëwent'ajtypyën ja ku'umën, yenypyujxn ets ti'px, tëkokyë mëti'ipë ja ja'ay myëtsiptuuntëpën ets ojts nyijkxy pëyi'ikyë ma ënäty ja y'äjty yajpaatën ets t'ixa'any wi'ix jam jyatë kyëpätën.