Génesis 36:6 - Biblia Mixe de Quetzaltepec

⁶ Ënät yë Esaú tmëtso'ontaay yë y'u'unk y'ëna'k ets y'u'unk tyo'oxytyëjk ets tu'kë'ëyë jënu'un ënäty winë tmëët'atyën ma jam të tsyëënën, yë'ë myëjëkämkekpy ja y'uty Jacob, jä'ä ko may ënäty winë tmëët'ajnë. Ojts tëkokyë tmënëjkxta'ay jënu'un ënäty winë të tpaaty të t'ixyën jam Canaán,

Biblia Dc en Mixe de Quetzaltepec

⁶ Ënet yë Esaú tmëtso'ontaay yë y'u'unk y'ëna'k ets y'u'unk tyo'oxytyëjk ets tu'kë'ëyë jënu'un ënety winë tmëët'atyën ma jam të tsyëënën, yë'ë myëjëkämkekpy ja y'uty Jacob, jä'ä ko may ënety winë tmëët'ajnë. Ojts tëkokyë tmënëjkxta'ay jënu'un ënety winë të tpaaty të t'ixyën jam Canaán,

Génesis 36:6 ပူးပေါင်းရင်းမြစ်များ

Génesis 32:3

Ënät yë Jacob mäjtsk tëkëëk tkejxy yë tyuunpë jam Seir ma ja nyaaxjotmën ja Edom, tääts tuk'ëwaanëja'any ja y'äjty Esaú ko tää wyinkony.

Apocalipsis 18:13

canela, tojkx tsooy, poom, mirra, wiink pa'akxu'kxpë nëë, tsatsym nyëë, olivë on, tsajpmokway, tsajpmokpajk, tsajpkaa, kupixyny, kwaay, kepy wintëkäämpë, mëtuunpë, jaaypyaat nëjkx tooktë.

Génesis 28:4

Wä'än mo'oyë ja kënu'kxën ets näjyëtu'un ja m'u'unk m'ëna'k mëti'ipë ojts tukwinwanën ja Abraham ets yë'ë tjä'ä'atëty ya'atë naax kam ma tyam ntsëna'ayëmën ijxtëm yë jaaypyaat jaaypyo'kxyën, jä'ä ko jëtu'un ojts yë'ë tukwinwanë ja Abraham.

Génesis 25:23

Tä yë Wintsën y'ëtsoowinpijtë: Jap mjootjoty mäjtsk yë naax kajpn jap mëjëtypë. Mäjtsk yë kajpn jap tsyiptuntë ma naamka'anëm myintënëm naaxwiiny. Tu'uk janty mëk y'ita'any këtiinëm ja wiinkpë. Yë mëjpë yë'ë naxaanp ijxtëm yë mutskpën.

Génesis 17:8

Mijts ets yë'ëjëty nmo'ojantëp yë naaxwiinyëtë jampë Canaán ma mijts tyam mtsëënën ets yë'ë tkuma'ayën'atëty, etsës ëjts nTios'atëty.

Génesis 13:11

Yë'ë ojts ja Lot twin'ixy ja joyjotm, mëti'ipë jam yajpatpën ma ja Jordán mëjnëëjën. Jamtsow ojts awinm nyijkxy tsënääpyë ma ënäty jam të y'itën, jëtu'un ojts ja Abram mëët ja tsyojkmaank Lot nyäyajwa'kxënëtë.

Génesis 13:6

E yë'ë ënäty jotmay'ajtp ja it naaxwiinyëtën ma jam y'itën. Ka'ap nyipaatë ja jë'kxy pëky mëti'ipë ja jëyujk tsajpkaa nyi''ijtëpën, paaty ojts ka'ap t'ëkjëkyäjpnë y'ijtmuktëty.

Génesis 12:5

Ojts yë tyo'oxytyëjk näjyëtu'un twoownëjkxy mëti'ipë xyëëwajtypyën Sarai ets ja tsyojkmaank mëti'ipë xyëëwajtypyën Lot. Näyjyëtu'un ojts tyajnëjkxta'ay tu'kë'ëyë jënu'un ënäty winë tjä'ä'atyën ets ja tyuunpëtëjk ninaak tmëët'atyën jam Harán. Ko jyajtë jam Canaán,

Ezequiel 27:13

Näyjyëtu'un yë Grecië ja'ayëty, Tubal ja'ayëty ets Mésec ja'ayëty ojts myintë ma mijtsën ajuuy ato'kpë, yë'ë mmooyë ja'ay mëti'ipë mëtuuntëpën ets tsuxkpujxn.

Génesis 36:5

Yë Oholibamá yë'ë yajmëxu'unk'ajt yë Jeús, tääts yë Jaalam ets Coré. Ya'atë jëtu'un yë y'u'unk y'ëna'k yë Esaú, mëti'ipë ojts myintën jya'tën naaxwiiny ko ënäty jam tsyëënëtë Canaán nyaaxjotm.