Génesis 35:4 - Biblia Mixe de Quetzaltepec

⁴ Tä tukkë'ëtëjkëtyääytyë ja Jacob, tu'kë'ëyë mëti'ipë ënäty ka'ap tiosëtyën ets tyajjënajktaaytyë ja tyatsktëyëty, jam ojts ja Jacob tnitajta'ay ma tu'uk yë xoj'ëjxën, jam winkon Siquem.

Biblia Dc en Mixe de Quetzaltepec

⁴ Tä tukkë'ëtëjkëtyääytyë ja Jacob, tu'kë'ëyë mëti'ipë ënety ka'ap tiosëtyën ets tyajjënajktaaytyë ja tyatsktëyëty, jam ojts ja Jacob tnitajta'ay ma tu'uk yë xoj'ëjxën, jam winkon Siquem.

Génesis 35:4 ပူးပေါင်းရင်းမြစ်များ

Jueces 9:6

Ënät ja ja'ayëty tyu'ukmujktaaytyë mëti'ipë ënäty jam kukajpnajtëpën Siquem ets Bet-miló, jam ma xoj kepy tu'uk tyänën mëti'ipë wintsë'ëkë yaj'ijtëpën jam Siquem mëët tu'uk ja mëjtsaa, jamts ojts tnikajpxpätë ja Abimélec ets yë'ë yajkutujkpë'atëty.

Isaías 30:22

Nëjkxëp xy'ëxëëk'ijxnë ja m'awinax, ja mtsaapotsy ets mkepy tsyetsy mëti'ipë ja ja'ay y'oytyuuntëpën mëët yë poop pujxn ets pu'ts pujxn. Ëxëëk nëjkx xy'ijxnë ets pu'uxmën putsta'akën nëjkx xyajnajxnë.

Deuteronomio 7:25

Nëjkxëp xynyino'kta'atë ja y'awinaxëty, mëti'ipë mëët ja pu'ts pujxn ets ja poop pujxn nyikoyëtyën. Ko xy'ixtëty jëtu'un, këtii xytyontëty ets xyjyä'ä'atantëpëty. Jä'ä ko yë Wintsën y'ëxëëk'ijxyp jëtu'unpë.

Éxodo 32:20

Ënät ojts jam amëjaaw tnëtexy ja awinax jëtu'umpë kyëxë'ëkyën tä tsajpkaajën ets piw nuuk tuuntaay mëët yë jëën, e ja waypyë ënäty të jyajta'ayën jap ojts nëëjoty tkuwëjëtyä'äy; tääts ja Israel ja'ayëty t'ënëmaay ets ya'atë ja nëë t'uuktëty.

Oseas 2:13

Jënaak xëëw jënaak jëmëjt yë poom të tukwintoy të tukwino'oktën yë y'awinaxëty jëtu'un xëëw jëtu'un jëmëjtës näjyëtu'un ntëytyuna'antë, ko ijty tmëjjawë yë y'awinax pyëjktäkpy yë kyë'ëjiits yë nyantsëm ets tpanëjkxy ja y'atsoky ye'etyëjk etsës xy'ijxtëkooy xyjyä'äytyëkooynyës. Ëjts Wintsën, ëjts jëtu'un ënaanpës.

Isaías 2:20

Ko ënäty ja xëëw jëmëjt tpaaty, nëjkxëp ja ja'ay ja y'awinax t'ixjëpijpta'atë ma ja teptsy yunën ets ma ja tëëxy pyä'änën, mëti'ipë ënäty të t'oytyuntën mëët ja pu'ts pujxn ets poop pujxn.

Deuteronomio 7:5

Yë'ë mtuntëp, tukjijtëtya'atë tukpu'ujëtya'atë yë wyintsë'këntyaknëty, yë tsaa, yë kepy tsyetsy ets awinaxy mëti'ipë y'ëwtajtëpën; yajkutëkooytya'atë yë tsaa, kepy mëti'ipë y'ëwtajtëpën ets nino'ktaayëtë y'awinaxëty.

Génesis 12:6

Abram ojts tuknajxta'ay tääpë it naaxwiinyëtën ets jyä'äjty ma jam ja itjot txëëwatyën Siquem, ma ënäty jam tu'uk ja xoj kepyën kënu'kxypyë mëti'ipë jyä'ä'ajtypyën yë Moré. Yë Canaán ja'ayëty jamnëm ënäty tsyëënëtë ma ja jampë ja it naaxwiinyëtën.

Génesis 35:3

Jam tyam nja'amëty Betel, maas tu'uk yë wintsë'këntyakn n'oytyuna'anyën etsës yë Tios nwintsë'ëkëja'any mëti'ipës ojts xypyutëkën ma ënäty mon tuk nyajpaatyësën ets mëti'ipës xëmë të xyjyämyëët'atyën oyës maa nnaxy ntëkë.

Génesis 35:5

Ko yë Jacob tsyo'ontë jam ma kajpnën mëët tu'kë'ëyë y'u'unk y'ëna'k y'u'unk tyo'oxytyëjk ets tu'kë'ëyë jënu'un ënäty winë tmëët'atyën, ënät ja ja'ayëty tsyë'këtyaktë, mëti'ipë jam kukajpnajtëpën, paaty ojts ka'ap twinmaytyë tpaatsoontëty ja Jacob ets mëët tu'kë'ëyë ja jyä'äy.