Génesis 35:3 - Biblia Mixe de Quetzaltepec

³ Jam tyam nja'amëty Betel, maas tu'uk yë wintsë'këntyakn n'oytyuna'anyën etsës yë Tios nwintsë'ëkëja'any mëti'ipës ojts xypyutëkën ma ënäty mon tuk nyajpaatyësën ets mëti'ipës xëmë të xyjyämyëët'atyën oyës maa nnaxy ntëkë.

Biblia Dc en Mixe de Quetzaltepec

³ Jam tyam nja'amëty Betel, maas tu'uk yë wintsë'këntyakn n'oytyuna'anyën etsës yë Dios nwintsë'ëkëja'any mëti'ipës ojts xypyutëkën ma ënety mon tuk nyajpaatyësën ets mëti'ipës xëmë të xyjyämyëët'atyën oyës maa nnaxy ntëkë.

Génesis 35:3 ပူးပေါင်းရင်းမြစ်များ

Isaías 43:2

Pën nëë muum mtuknaxäämpy, ëjts tam'ataanpës mëët mijts; pën mëjnëë mninaxäämpy, ka'ap mnëëji'kxa'any; pën jëën mtuknaxäämpy, ka'ap mtsa'aja'anyë; oy jënu'un ja jëën jyayäänëty, mijts ka'ap nitii mjata'anyë.

Génesis 32:7

Ko jëtu'un tmëtooy yë Jacob ënät ojts ja tsë'ëkë tyuktëkëty ets tyëjkëy moonpë tujkpë. Ënät tyajnäywyä'kxyë mäjtskpëky ja jyä'äy, mëti'ipë ënäty jam mëëtën; näjyëtu'un tyajwa'kxtaay ja jyëyujk, tsajpkaa, tsajppaxëty ets ja kyupixynyëty.

Génesis 31:3

Ënät ja Jacob myëkajpxë ja Wintsën ets y'ënëmaayë: Wimpit ënät tyam ma ja nyaax kyajpnën ja mteety mtaak ets ma ja mjëëky mmëku'uk jam y'itën ëjts mijts njämyëët'atäämpy.

Proverbios 3:6

Tios yë'ë mtimjyotnakon'atëp oy tii xytyimtunëty, ets yë'ë myajnëjkxëtëp ma ja tu'ujën mëtëypyë.

Génesis 31:42

Ko jeexyë ja Tios xykyani''ijxkëtä'äkyës mëti'ipë yë Abraham y'ëwtajtën, ja Tios mëti'ipës ijty ja nteety Isaac y'ëwtajtypyën, katii nija'awën wä'änxyëp jeexyë jëtu'unyë mijts të xy'ëkwinpakäjxnës. Yë Tios yë'ë të t'ixy, ko ënäty ëjts mon tuk nyajpaaty ets koos ënäty mëk ntuny n'ëyoy, paaty ya'atë tsu'um të mëkmëkäpxyë.

Isaías 30:19

Mijts Sión kajpn, ma jam mtsëënën Jerusalén, ka'ap m'ëk jëëy m'ëk yaxnëty. Ja Wintsën myëët'atäämpy ja pa'ëyo'owën najts'ëyo'owën ko ënäty tmëtoy mjë'ëy myä'äxy, je'eyë tmëtoowpaatëty ko ënäty xy'amëtoy ja näypyutëkë, ënätyë mputëkëja'anyë.

Salmos 107:6

E jam ma ënäty jëtu'un mon tuk yajpaatën, jam ojts yë Wintsën tmëkajpxtë, tä ojts yajpëtsëmëtë jotmayjoty,

Salmos 50:15

Mëkajpxkës ko ënäty mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Génesis 32:24

Ko ja Jacob ojts atu'uk wyi'imy, ënät tu'uk ja ye'etyëjk ja'ay tyëjkëy mëët tsiptuunpë. Jeky ojts tsyiptuntë ijxtë koonëm xyiinyëy.

Génesis 28:15

Ëjts mijts mëët n'ity, nkëwent'atäämpy oy ma mtimnyax mtimtyëkëty. Ets nän ëjts mijts nyajwinpitëp jatëkok ma ya'atë naaxjotmën. Ka'ap nmajtstu'uta'any, maanëmës ka'ap nkuuytyunyën ja mëti'ipë të ntukwinwanën.

Salmos 107:8

Kukajpxëtë yë Tios mëëtkyëjxm ko oy winë tuny ets naaxwiinyëtë ja'ay jotkujk jyuuky'atëty.

Salmos 91:15

Koos xymyëkajpxëty, n'ëtsowäämpyës; ëjts kë'ëm yajpaataanp mëët yë'ë. Nyajpëtsëmäämpyës ma ënäty myony tyukyën etsës nyajnaxa'any kumay;

Salmos 46:1

Tios yë'ë xykyuwa'anëm xyajtsokëm ets yë'ë xymyëkmo'oy xymyëjaawmo'oyëm; mëti'ipë putëjkëpën ko mon tuk nyajpatmëty.

Génesis 35:4

Tä tukkë'ëtëjkëtyääytyë ja Jacob, tu'kë'ëyë mëti'ipë ënäty ka'ap tiosëtyën ets tyajjënajktaaytyë ja tyatsktëyëty, jam ojts ja Jacob tnitajta'ay ma tu'uk yë xoj'ëjxën, jam winkon Siquem.

Génesis 35:7

Tä ojts tu'uk tyaj'oyë yë wintsë'këntyakn ets jä'ä txëëwmooy El-betel, paaty jëtu'un txëëwmooy jä'ä ko jam ojts yë Tios t'ixy, ko ënäty ja y'äjty tkuke'eky.

1 Samuel 10:3

E ko wäänë mjaaktu'uye'eyëty, jam ma txëëwatyën Tabor, nitëkëëk jam yë ja'ay xypyata'any mëti'ipë pa'tëjkëtyëpën Betel ets nëjkx t'ëwtata'antë yë Tios, tu'uk tmënëjkxy tëkëëk yë tsajppax, tu'uk tëkëëk yë tsajpkääky ets tu'uk yë'ë myënëjkxyp yë tsatym nyëë po'oxuyjoty.

Génesis 48:15

Ënät ojts yë José yajkënu'kxy mëët ya'atë aaw ayuk: Yë Tios mëti'ipë ojts t'ëwtatën tmëmëtowtën yë Abraham ets Isaac, mëti'ipës nteetyajtën, Ja Tios mëti'ipës të xykyënu'kxyën xëmë, koos nmiiny naaxwiiny ets tyampaat.