Génesis 35:2 - Biblia Mixe de Quetzaltepec

² Ënät ja Jacob ja y'u'unk y'ëna'k t'ënëmaay ets tu'kë'ëyë jënu'un ënäty mëët tsyëënën jyuuky'ätyën: Yajpëtsëmtë tu'kë'ëyë jënu'un xytyijtën Tios ets ka'apë tiosëtyën, tsi'iwtë xëtstë ets jääntëkatstë yë mwitëty mtujkxyëty.

Biblia Dc en Mixe de Quetzaltepec

² Ënet ja Jacob ja y'u'unk y'ëna'k t'ënëmaay ets tu'kë'ëyë jënu'un ënety mëët tsyëënën jyuuky'ätyën: Yajpëtsëmtë tu'kë'ëyë jënu'un xytyijtën Dios ets ka'apë tiosëtyën, tsi'iwtë xëtstë ets jääntëkatstë yë mwitëty mtujkxyëty.

Génesis 35:2 ပူးပေါင်းရင်းမြစ်များ

Éxodo 19:14

Ënät ja Moisés ojts jam tsyo'onë kopkkëjxm ets kyëtaknë ma jap ja ja'ayëtyën tääts nyäjyëjp'ixëtëty, jëtu'unts ja Tios tukxoonta'aktëty ets tmëjjawëtëty. Ja ja'ayëty ojts ja wyit tyujkxëty tpujta'atë tjä'tsta'atë,

Éxodo 19:10

ets ojts ja Tios y'ënë'ëmxëty: Nëjkx ënëëmë yë naax kajpn, wä'än tyam ets jopy nänyipëjktaakëtë etsës ëjts xytyukxoonta'aktëty ets xymyëjjawëtëtyës. Yajxon yë wyit tyujkxëty tpujtëty tjä'ätstëty,

Santiago 4:8

Mëwinkontë ja Tios ets näjyëtu'un mmëwinkonëtëty. Pokytyuunpë ja'ayëty, ëxmatstë ja mka'oy juukyajtënëty; ets miitsëty mëti'ipë mäjtsk aaw mäjtsk jot ja Tios mtsojktëpën, nänyajwa'atsëtë.

Hebreos 10:22

Tsojk nmëwinko'onëm ja Tios ëmuumtu'ukjot ets tsojk nmëpëjkëmë; wa'ats ja jot winma'any nmëët'ajtmëty ets ja jot nini'kx.

Ezequiel 18:31

Tim mëjëkämkä'äktë yë ëxëëkajtën maas të xymyëtëkoytyën, yaj'oyëtë ets yaj'ajämëtë yë mjuukyajtënëty. ¿Mijts Israel, tii ko m'ëk o'kpëty?

Ezequiel 36:25

Mëët yë wa'ats nëë mpuja'an njä'ätsä'äntë ets nyajwatsta'aja'anyës ja ëxëëkajtën ets ntuknipëjktuta'aja'antë mëti'ipë të xypyaye'eyë'ëktën ko të xypyanëjkxtëkëtë wiink wintsën;

Josue 24:23

Tä ja Josué y'ëtsooy: Pën janty jëtu'un, jëpëjkta'atë yë wiink tios mëti'ipë mëët'ajtëpën ma mjëën mtëjkëtyën ets jootwinpitë winë aaw winëjot ma Israel ja'ayëty yë Wyintsën Tiosën.

Josue 24:15

E pën kajtsën xymyëtuna'antë yë Wintsën, tyam xytyimnikajpxtëty pën mpanëjkxantëp: nikajpxtë pën yë'ë mpanëjkxantëp ja wiink tios mëti'ipë ja m'aptëjkëty y'ëwtajtën jam Éufrates mëjnëë''ëkë'ëm, ëkë tiosëty mëti'ipë yë Amor ja'ayëty y'ëwtajtëpën yaapë tsyënaaytyën. E ëjts mëëtës yë n'u'unk n'ëna'k etsës yë nkujëën nkutëjk yë'ëjës yë Wintsën nmëtunantëp.

Génesis 18:19

Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

2 Corintios 7:1

Jëtu'un, mëku'uktëjkëty, yë'ë jëtu'un ya'atë waantä'äky nmëët'ajtëmë. Paaty nyaj'ijtmëty wa'ats ja ni'kx'ajt nkopk'ajtëm ets ja njoot'ajt nja'awën'ajtëmë näjyëtu'un ets ntsë'këmëty ja Tios, tsojk ntu'unëm ja oypyë ets ja wa'atspë Tios wyintuuy.

1 Samuel 7:3

Paatykyëjxm ja Samuel t'ënëmaay tëkokyë ja naax kajpn: Pën miitsëty winë aaw winëjot yë Wintsën mnätyukë'ëtëkëtë ets pën mju'taaytyëp ja wiink tios ma mjëën mtëjkëtyën tä yë Astarté mëti'ipë wiink ja'ayëty y'ëwtajtëpën. Ets ja jyuukyajtën yë'ë Wintsën tmo'otëty ets yë'ë y'ëwtatëp. Yë Wintsën nëjkxëp myajtso'okëtë ma filistejë ja'ayëty tyam ëxëëk mtunëtën, pën mkumaaytyëp yë Wintsën ets pën mëjpëjktaktëp.

Deuteronomio 32:16

Tëë yë Tios tyajjoot'anpëktë ko të t'ëwtatë naaxpotsy.

Génesis 31:34

Ënät ja Raquel ojts pojën ja tsaamëxan tyu'utsy yujktuumpäjnpa'tkë'p ets jam tni'ënyaaypyejty. Yë Labán tëë ënäty tja'ixtaaytyä'äy ja tsyaamëxan ma ja wit tëjkën, ka'ap nimaa tpaty.

Génesis 31:19

Jä'ä ënäty ja Labán të tninëjkxy ja kyupixyny ets ja nyijëmk tnëkääpanë, e jam ënäty muum yajpaaty ko ja Raquel ojts tmeetsy ja naaxpotsy u'unk mëti'ipë ja tyeety ijty y'ëwtajtypyën.

Judas 1:23

Yaj'ëwaatspëtsëmtë ja mëti'ipë jëënjoty yajpatëpën, mmëët'atë ja pa'ëyo'owën ma mmëku'ukëtyën, ets näkyëwent'atëtë ma ja ja'ayëtyën mëti'ipë tëë tyaj'ëxëëkëtën ja wyit tyujkxyëty mëët ja ëxëëk juukyajtën.

Gálatas 4:8

Ko ijty miits ja Tios ka'ap xynyijawëtë, yë'ë ijty mmëtuuntëp ja ka'apë Tyiosëtyën.

1 Corintios 10:7

Paaty miits ka'ap xywyintsë'ëkëtëty ja awinax, ijxtëm ojts jënaakën y'ëtë'ëtstën. Ijxtëm ja Tios ja y'aaw y'ayuk kyëxja'ayëtyën: Naaxwä'tstë ja ja'ayëty ets kyääytyë y'uktë ets tyëjkëtyë äjtstë pujtpë.

Hechos 19:26

Tëë xy'ixtë xynyijawëtë ko tää ja Pablo jyëtity ets y'ënä'äny ko ka'apëk tyiosëty mëti'ipë ja'ay y'oytyuunpyën. Tëë ja'ay may yajtukmëpëktë jëtu'unpë ja winma'any, ka'ap yääyëty Éfeso, näjyëtu'un jam Asia nyaaxjotm.

Daniel 5:4

Aak uktaaytyë ja ja'ayëty ets këëkjä'ä tjanty y'ëwtatë ja y'awinaxëty, mëti'ipë oytyunyëtën mëët ja pu'ts pujxn, poop pujxn, tsuxkpujxn, juunpujxn, mëët yë tsaa ets kepy.

Ezequiel 20:7

Ets n'ënëmaaytyës ko wä'än t'ëxmajtsta'atë yë tyiosëty mëti'ipës n'ëxëëk'ijxypyën ets ka'ap nëkoo tpanëjkxtëkëtëty yë awinax japë Egiptë yajpaatyën, jä'ä ko ëjts mëti'ipë Wintsën'ajtpën, ëjts yë xyTyios'ajtëp.

Jeremias 16:20

¿Jyëkyejpy yë naaxwiinyëtë ja'ay t'oytyunëty kë'ëm yë tyiosëtyë? Ka'ap tjëkyepy, paaty tääpë awinax ka'ap tyiyëty jyääntyëty.

Jeremias 13:27

Tëës n'ixy ja mjot mwinma'any, wi'ix ka'ap xywyintsë'ëkën ja mniye'etyëjk, ja tsëtyu'unmëëtpë ja tuunk ko jëtu'un m'ëtë'ëtsy tä tu'uk ja to'oxytyëjkën mëti'ipë jyot nyini'kx tyo'kpyën yäjkpyën, ko xytyuny ja ka'apë tyuunëtyën jam tunkëjxm kopkkëjxm. Janty mon janty tuk jëtu'un myajpaaty. ¿Jëna'a jyëjpkëxa'any tääpë jëtu'unpë ëxëëk tuunk xyajtu'uye'eyën?

Jeremias 5:7

Jëtu'un yë Wintsën y'ënä'äny: ¿Wi'ix n'ëknimä'kxëty mëët ijxtëm të mtimy'ëti'ityën? Yë m'u'unk m'ëna'k tëëjës xy'ëxmajtstaaynyëtë ets ko tii nikajpxtë yë'ë tyukajpxpäjnëtëp yë xyëëw ka'apë tiosëtyën. Ojtsës nyajkaytyë mëjwiin këjää, e yë'ëjëty ka'apës të xy'ëkwinkutsë'kënëtë, wiinktsow të nyëjkxnëtë, jëtu'un tä tu'uk yë to'oxytyëjkën mëti'ipë wiink ye'etyëjk pyanëjkxypyën.

Isaías 52:11

Tso'onta'atë, tso'onta'atë jam ni'ëmukë Babilonyë, këtii nëkoo tii xy'ëktuuntëkooynyëtë, pëtsëmtë jam Babilonyë. Wa'ats mnäyaj'itëtëty miitsëty mëti'ipë mënëjkxantëpën yë Wintsën y'apëjk y'atu'unën.

Isaías 1:16

Näypyuj näjyä'ätsëtë, näyajwa'atsëtë. Ka'apës n'ëk'ixanë ja mpokyëty. Ja ëxëëk tu'u jä'ä m'ëxmatstëp.

Eclesiastés 5:1

Ko mnëjkxëty tsajptëkoty mkëwent'atëp yë mjot mwinma'any; mijts këtii yë'ë xymyëmay xymyëtajëty jëna'a yë mwintsë'kën xyaka'any jëtu'un tsuuja'aytyëjkën, yë'ëmës mëmay mëtaj wi'ix xymyëmëtowëtyën yë Wintsën.

Salmos 51:7

Yajwatskës yë njot nwinma'any mëët yë po'tn ets jëtu'un wa'ats nwë'ëmëtyës, pujkës ets poop nwë'ëmëtyës tä tsajp o'pkyën.

Salmos 51:2

Pujkës jä'tskës ja n'ëxëëk'ajtën. Tukniwijtstutkës ja nnëë npoky.

Job 1:5

Ko xyëëwtuunta'atë, tääts ja Job tmëkajpxmuky yë y'u'unk y'ëna'k, jopyëp pyëtë'kojy ets tmo'oy yë Tios yë wyintsë'kën nino'oky nixämpyë, tyajwa'atsy ja y'u'unk y'ëna'k ma ja nyëë pyokyëtyën. Yë Job xëmë ijty jëtu'un tuny, jä'ä ko yë'ë myëmääpy myëtäjpy ko muum yë y'u'unk y'ëna'k tmëkajpxtëkoytyë yë Tios ëkë muum tëkatsy myäytyë tyajtë.

1 Crónicas 16:26

Yë wintsën mëti'ipë wiinkëtypë naax kajpn myëët'ajtëpën nitii tkatsowëty, e yë Wintsën mëti'ipë nija'awëmën yë'ë ojts tsajp timyajkojy.

2 Reyes 17:29

E ja ja'ayëty këëkjä'ä ojts ja kyë'ëmtios tyaj'o'oyënëtë maajaty kajpn tsyoontën ets jam tpëjktaktë tunkëjxm kopkkëjxm ma ja tsajptëjkën mëti'ipë ja Samaria ja'ayëty të tkojtën.

2 Reyes 5:10

E ja Elisejë ojts tu'uk tkexy ja kyukäjpxy ets ja ayuk tyajnaxëty, ma y'ënä'änyën: Nëjkx jam mtsi'iy wëxtujk'ok ma mëjnëëjën mëti'ipë yajtijpën Jordán, jëtu'unts ja mnini'kx wa'ats wyë'ëmëty ets ja pu'uts pa'am jyëwa'akëty ma mjot mnini'kxën.

2 Samuel 7:23

E yë'ë ënät ja Israel kajpn, mëti'ipë mijts mkajpn'ajtypyën, ni pën kyamëpaatëtëty tä yë'ëjën. Tä yë'ëjën, tu'ukyë jëtu'unpë yajpaaty yaa naaxwiiny naaxkëjxy. Mijts Wintsën, mijts ojts xyaj'ëwaatsëpëtsëmy ets mijts xyjyä'ä'atëty; tëë mëj'äämpy xyajnaxy mëët ko winë të xytyuny ma yë'ëjën mëjwiin këjää, jä'ä ko mijts ojts xyajkutëkooytyä'äy ja naax kajpn mëti'ipë ënäty atsijpëpën ko tsyo'ony jap Egiptë mëët tukë'ëyë ja tiosëty mëti'ipë y'ëwtajtëpën,

Rut 1:15

Tä ja Noemi t'ënëmaay ja Rut: Ëk'ix u'unk maay, yë m'ojy tëë nyëjkxnë ma nyaax kyajpnën ets ma ja tyios t'ëwtatën. Panëjkx yë mmëku'uk.

Jueces 10:16

Ënät ja Israel ja'ayëty ojts tyajma'ta'atë ets tukpu'ujëtyääytyë ja wiink tios, ets ja Wintsën t'ënëmaaytyë ko yë'ë t'ëwtata'antë tu'ukyë, ko jëtu'un yë Tios t'ijxy ka'ap ojts jeky tmëmëtä'äky ets ja Israel ja'ayëty y'ëyowtëty.

Josue 24:20

Paaty miitsëty yam n'ënëëmëtë pën mpuwa'ktutëp yë'ë ets wiink tios xypyanëjkxtëjkënëtëty, yë Wintsën Tios nëjkxëp mpuwa'ktu'utëtë ets myajkutëkoyëtë, oy ënäty oy winë të tuny të tkäjpxy mëët miitskyëjxmëty.

Josue 24:2

ets t'ënëmaay ja naax kajpn: Jëtu'un yë Wintsën y'ënä'äny mëti'ipë Tyios'ajtypyën yë Israel ja'ayëty: Tëëyëp ma jyuuky'äjtyën yë Térah, yë Abraham ets Nahor yë y'u'unk y'ëna'k, miits yë m'ap m'okëty jampë tsyënaaytyën nëë''ëkë'ëm ma ja Éufrates mëjnëëjën.

Josue 23:7

Këtii ja mjot mwinma'anyëty nëkoo xyajjo'optëty mëët ja ja'ayëty yaapë tsyëënëtën. Këtii yë tyios xy'ëwtajtëtëty, këtii xymyëmëtowtëty, këtii xyëëw xykyajpxpatëtëty ets ni jää xykyakajpxpaatëty ko tii xyajtëytyëkëtëty.

Deuteronomio 11:28

E pën wiink tios mpanëjkxtëjkëtyëp ets ënäty yë'ë xy'ëwtajnëtë ets xymyëtuunëtë, tä jeexyë yë'ë xy'ëwtatën ja mëtëypyë ja Wintsën, jää näpyokë nëjkx y'ity.

Deuteronomio 7:25

Nëjkxëp xynyino'kta'atë ja y'awinaxëty, mëti'ipë mëët ja pu'ts pujxn ets ja poop pujxn nyikoyëtyën. Ko xy'ixtëty jëtu'un, këtii xytyontëty ets xyjyä'ä'atantëpëty. Jä'ä ko yë Wintsën y'ëxëëk'ijxyp jëtu'unpë.

Deuteronomio 6:14

Këtii jëtu'unpë tios xy'ëwtajtëpëty mëti'ipë y'ëwtajtëpën yë ja'ayëty wiink kajpnëpë tsyoontën.

Deuteronomio 5:7

Ka'ap wiinkpë Tios xy'ëwtatëty tä ëjtsën.

Números 31:24

E kom wëxtujk xëëw jää nëjkx yë mwit xypyujtë ets wa'ats mwë'ëmtëty. Täänëm mtëkëtëty kajpnjoty.

Levitico 17:16

E pën kajts ja wyit tpujy ets ka'ap yajxon nyäpyujy nyäjye'etsyë, kë'ëm jëtu'un ja nëë poky ënäty nyätyuknipëkyë.

Levitico 15:5

Pën tyoompy ja it naaxwiinyëtë ma tääpë ja'ay të myä'äyën, nëjkxëp tpujy yë wyit ets tsyi'iwëty ets jä'ä nëjkx yajtijy ëxëëk.

Éxodo 23:13

Tuntë jëtu'un ya'atë mëti'ipë të ntuk'ënëëmëtën ets nijëna'a kyapëtsëmëty ma m'aaw myä'änëtyën yë xyëëw yë wiink tios.

Génesis 35:22

Jam ënäty yë Israel të tsyënaaytyaknpëjknëtë ko yë Rubén ojts tmëëtko'knë yë Bilhá, mëti'ipë ënäty ja tyeety të tmëmäjtsk to'oxytyëjk'atyën. Ko yë Jacob tnija'awëy ko ënäty jëtu'un yë Rubén të y'ëti'itsy, ënät ojts yajxon jyantyjyoot'anpëky. Yë Jacob yë y'u'unk y'ëna'këty nimajkmäjtsk ojts y'itë.

Génesis 34:2

E jam ënäty tu'uk yë ye'etyëjk yajpaaty mëti'ipë txëëwajtypyën Siquem, yë myaank yë Hamor, Heve ja'ay, mëti'ipë ënäty mëj'äämpy ijtëpën ma ja jampë ja naax kajpnën. Ënät ja Dina t'atsip'ajty ets myëëtko'knëtëty ets ojts jëtu'un ja näwyinkutsë'ëkë tkamëët'aty ma ja Dina.

Génesis 31:30

Pën mijts mjanty wyinpitanëp ënäty ma ja mteety ja jyëën tyëjkën ets paaty të mtsoony. ¿Wi'ix ko të xy'ëkmä'tspë ntsaamëxanës?

1 Samuel 16:5

Jëtu'un, oypyës yë jot winma'any nmëmiinpy nyajmiinpy, jëtu'un y'ëtsooy yë Samuel. Yë Wintsën Tios yë'ë wyintsë'kën nmo'ojäämpyës. Paaty tyam näkyajpxkëxë'ëkëtë wa'ats ma Tiosën etsës xyjyämyëët'atëty maas ja wintsë'kën nyajka'anyën. Ënät ja Samuel ojts tkajpxkëxë'ëky ma Tiosën wa'ats ja Jesé, mëët ja y'u'unk y'ëna'k ets twoowtaay, tääts mëët ja wintsë'kën tyaka'any.

Josue 24:14

Mëët tu'kë'ëyë ya'atë mëti'ipë yë Wintsën të tunyën, wintsë'ëkëtë ënät ets mëtuntë winë aaw winëjot. Ixmatstë yë wiink tios mëti'ipë yë m'ap m'ok y'ëwtajtën jam Éufrates mëjnëë'ëkë'ëm ets Egiptë naaxjotm ets mëtuntë yi'iyë tu'uk yë Wintsën tëypyë jaantypë.