Génesis 34:7 - Biblia Mixe de Quetzaltepec

⁷ Ko ja Jacob ja y'u'unk y'ëna'k jyajtë ma ja tyëjkëtyën, tää pojën tnija'awëtyë tii ënäty të tyuny të jyätyën. Tää jyänty jyoot'anpëjktë jä'ä ko ijxtëm ënäty ja Siquem të y'ëti'ityën, ka'ap nyäwyinkutsë'ëkëty; mëj këjää ja wintsë'kën të tyajtëkoy ma ja Israel ja'ayën ko ja nyëëx atsip të tmëëtko'knaayë. Yë'ë ojts tuuntëkooy mëti'ipë jeexyë ka'ap nijëna'a tunyën.

Biblia Dc en Mixe de Quetzaltepec

⁷ Ko ja Jacob ja y'u'unk y'ëna'k jyajtë ma ja tyëjkëtyën, tää pojën tnija'awëtyë tii ënety të tyuny të jyätyën. Tää jyänty jyoot'anpëjktë jä'ä ko ijxtëm ënety ja Siquem të y'ëti'ityën, ka'ap nyäwyinkutsë'ëkëty; mëj këjää ja wintsë'kën të tyajtëkoy ma ja Israel ja'ayën ko ja nyëëx atsip të tmëëtko'knaayë. Yë'ë ojts tuuntëkooy mëti'ipë jeexyë ka'ap nijëna'a tunyën.

Génesis 34:7 ပူးပေါင်းရင်းမြစ်များ

Jueces 20:6

E koos ooky ja to'oxytyëjk ojts ntuk'ijxpety, ënätës ja nyini'kx të ntsujktakë, tääts të nkäjxwa'kxta'ayës kajpn'apëtsëmy mapaat yë Israel ja'ayëty tsyëënëtën ets nijawëtëty ni'ëmukë mëti'ipë ya'atë ja'ayëty mëj këjää të tuuntëkoytyën.

Josue 7:15

E mëti'ipë ënäty yajpatpën pokymyëët, ko të tyu'utsy mëti'ipë Tios të tuknipëjktaakën ets kyutëkoyëty, nino'oky nëjkx y'ooky jëtu'unpë ja ja'ay mëët tëkokyë jënu'un ënäty winë tmëët'atyën ets ja y'u'unk y'ëna'k, mëët ko ënäty të tuny mëti'ipë ka'ap tyuunëtyën ets ko ja poky të tmëtëkë ma Israel kajpnën ko të tkumëtoownaxy ja Wintsën ja kyäjpxytyu'unën.

Deuteronomio 22:21

Yajpëtsëmtëp jap ma ja tyeety ja tyëjkën ets tkuka'atstëty. Mëët ko ënäty jëtu'unpë ja nëë poky tmëtëkë ma ja Israel kajpnën ets ko nëkoo ja tyeety tyaak tyajnipäxëtëkë. Ko jëtu'un ja pyoky tkumëtowëty, jëtu'un ënäty kyayaj'ijxtä'äky ja ëxëëktu'un ëxëëkajpxën ma miitsëtyën.

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Tios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

Génesis 20:9

Yë Abimélec ojts twoowtsoy ja Abraham ets t'ënëmaay: Ëk'ix tii ko jëtu'un të xytyunyës, tii mijts të ntukmëtuuntëkoy. ¿Tii ko ya'atë nëë poky të xymyëminy të xyajminy maas ëjts yë njëën ntëjkën ets maas tu'kë'ëyë nmëkunaax nmëkukajpnën? Ya'atë ka'ap jëtu'un tyuunpëty.

1 Pedro 2:9

E miitsëty Tios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Tios jä'äniwanëpën. Ets jëtu'un tkajpxwa'kxtëty ja Tios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

Santiago 3:10

Aawjoty pyëtsimy ja ayuk ko ja'ay oy yajnikäjpxy ets ko ja'ay yajkajpxpoky. Mëku'uktëjkëty, ka'ap jëtu'un y'oyëty.

Efesios 5:3

Miitsëty mëti'ipë ja Tios ja'ay'ajtëtëpën jëtu'un mjuuky'attëty ijxtëm pyaat'atyën ko myajpaatë ma ja Tios ja kyajpnën, yë'ëpaat ka'ap xynyimëtya'aktëty ma ja ye'etyëjk to'oxytyëjk kanaak tmëët'atën oypyënëty ëkë ma ëxëëk tuunk tyajtu'uye'eytyën.

1 Corintios 10:8

Ka'ap pën ja jyot nyini'kx tookëty, ijxtëm pënëty ojts y'ëtë'ëtstën, ma ojts y'ooktën i'px tëkëëk mil tu'kxëëwpë.

1 Corintios 6:18

Ka'ap yë tu'u xymyo'otëty ja in'ajtën. Ko pën ja wiinkëtypë poky tuny, ka'ap ja ni'kx kopk tmëtëkoy, ets pën ëtëtsnajxpën, pokytyuunp jä'ä ma ja kyë'ëm ni'kx kyë'ëmkopkën.

Proverbios 7:7

jam ja ëna'ktëjkëty tyänëtë, ets tu'uk të n'ixyës mëti'ipë ka'ap wyijyëtyën,

Salmos 93:5

Wintsën, yë m'ënä'ämën mtëyajtën ta'tspëky yajpaaty, Yë mwa'atsajtën yë'ë yaj'oykyëxë'kpy yë mtsajptëjk.

2 Samuel 13:21

Ko yë yajkutujkpë David, tnija'awëy mëti'ipë ënäty të tyuny të jyätyën, ëxëëk ojts jyoot'anpëky; je'eyëp ko ka'ap ojts tuk'ojy ja Amnón, jä'ä ko ënäty yë'ë kyä'äxkopkëty mëk ënäty tsoky tjawë.

Deuteronomio 23:17

Nitu'uk yë ye'etyëjk ets nitu'uk yë to'oxytyëjk mëpaat tkatuunk'aty ets jyot nyini'kx tookëty, jam ma ja tukmuk tukxu'umtën ja ka'apë wyintsënëtyën.

Levitico 4:27

Pën tu'uk yë ëyoopëja'ay pokytyuunp ets ka'ap jëtu'un t'aawëty tjotëty ets pokymyëët wyë'ëmëty, mëët ko ënäty të tuny mëti'ipë ja Wintsën ja y'ënä'ämën tyiyajtën yajkupojkpyën.

Levitico 4:13

Pën naax kajpn të pyokytyuny ma ka'ap t'aawëty tjotëtyën ets ka'ap pën të tnijawë ko jä'ä kyäjpxykyutëjtëp ja Wintsën ja y'ënä'ämën tyiyajtën ets jëtu'un të pyokytyëëmë'ëktë.

Levitico 4:2

Ënëëmë yë Israel ja'ayëty, ko pën pyokytyunëty ajotkumonë ets tkäjpxykyutëjëty ja ënä'ämën tëyajtën mëti'ipë ënäty ja Tios të tni'ënä'ämën yajpatunëty, ya'atë nëjkx tuntë:

Génesis 46:7

Tu'kë'ëyë yë y'u'unk y'ëna'k ye'etyëjkpë to'oxytyëjkpë ets y'ok'u'unk y'ok'ëna'k ye'etyëjkpë to'oxytyëjkpë ojts mëët nyëjkxta'atë jap Egiptë.

1 Timoteo 5:13

Näy tää ja'ay jyëtitë winjëën wintëjk mëti'ipë nuuxëtyën ets ka'ap je'eyë nyuux'atë, nän pi'itskajpxtëp, xii yaa muum nyakuye'ey nyakunaxëtë ets wi'ix kawi'ixëty y'ëna'antë.

Colosenses 3:5

Yajkutëkoonyëtë tu'kë'ëyë ja naaxwiinyëtë winma'any: Ijxtëm ja ëxëëktu'un ëxëëk kajpxën, ëxëëk winma'any, ëxëëk atsojkën ets meeny atsojkën mëët ko ja'ay ja meeny t'atsoktë, ja meeny tios'ajtëp ets ka'ap Tiosëty.

Génesis 34:6

Yë Hamor tëë ënäty nyijkxy ma ja Jacob ja jyëën tyëjkën ets tmëëtmëtya'aka'any.

Génesis 34:8

Ja Siquem ja tyeety, ja Hamor ojts myëëtmëtya'akëtë ets y'ënëmaayëtë: Yë n'u'unkës Siquem yë'ë yajxon tsyojkën'ajtyp yë m'utyëty, paaty n'amëtow npëjktsowtë yë mëyajtën ets xy'a'ixëtëty wä'än yë nmaankës mëët tpëky t'uuky.

Deuteronomio 22:20

E pën janty tëy ko tëë ja to'oxytyëjk wiinkpë ja ye'etyëjk t'ëkmëët'ajtpë.

Jeremias 29:23

Jëtu'un nëjkx mjatë mkëpätë ko ënäty ëxëëk winë të xytyuntë jam Israel: ko ojts ka'ap ja mto'oxytyëjk xywyintsë'ëkëtë ets xymyëët'ajnëtë ja mjëëky mmëku'uk ja tyo'oxytyëjkëty ets ojts winë xynyikajpxtë ëjts nxëëwkyëjxmës ka'apë myëtëyëtyën mëti'ipë ënäty ka'ap të ntuk'ënä'ämtën. Ëjts nija'apës yë'ë yajxon ko jëtu'un m'ëtëtstë m'ënantë. Ëjts Wintsën, ëjts ënaanp.