Génesis 33:18 - Biblia Mixe de Quetzaltepec

¹⁸ Ko yë Jacob tsyo'ony jam Padán-aram, oy mëk jam jyä'äjty Canaán ets jam tsyënaaytyaknpëjky winkon ma ja it naaxwiinyëtë txëëwatyën Siquem.

Biblia Dc en Mixe de Quetzaltepec

¹⁸ Ko yë Jacob tsyo'ony jam Padán-aram, oy mëk jam jyä'äjty Canaán ets jam tsyënaaytyaknpëjky winkon ma ja it naaxwiinyëtë txëëwatyën Siquem.

Génesis 33:18 ပူးပေါင်းရင်းမြစ်များ

Hechos 7:16

Tääts ja wyääy pyajk ojts tyajnëjkxtë Siquem y'itjotm ma ënäty ja Abraham të tjuyën tu'uk ja aank mëti'ipë ja Hamor y'u'unk tukmëto'kën.

Jueces 9:1

Ënät yë Abimélec ojts nyijkxy jam Siquem, yë Jerubaal yë myaank ets myëtya'aka'any mëët ja myëku'uktëjk mëti'ipë ënäty ja tyaak mëët nyämyëku'uk'atyën, ets t'ënëmaay:

Josue 24:1

Ënät yë Josué tyajtu'ukmujktaay yë Israel ja'ay jam Siquem. Ojts tmëkajpxmuky jam Wintsën wintum yë mëjja'aytyëjkëty, kopktëjkëty ets tsiptuunpë wintsëntëjkëty,

Juan 4:5

Tääts jyä'äjty ma ja Sicar kajpnën, samaariëtë y'itjot; winkon ma ja naaxjotmën mëti'ipë ja Jacob tyukumaayën ja myaank José.

Génesis 25:20

Yë Isaac wëxtyikxy ënäty jyëmëjt ko ojts pyiky mëët yë Rebeca, yë'ë ënäty yë y'u'unk yë Betuel, yë y'uty yë Labán, yë arameë ja'ay mëti'ipë jam tsënaaytyëpën Padán-aram.

Juan 3:23

Näyjyëtu'un ja Juan ënäty yajnëëpety jam Enón, winkon ma tu'uk ja kajpn txëëwatyën Salim, jä'ä ko ko ënäty jam ja nëë; jamts ja ja'ay ijty nyëjkxtë ets nyëëpätë.

Génesis 46:15

Ya'atë yë Jacob y'u'unk'ajt y'ëna'k'ajt mëti'ipë yajmëxu'unk'ajtën yë tyo'oxytyëjk Lea ko ënäty jam tsyëënëtë Padán-aram ets mëët tu'uk ja nyëëx mëti'ipë xyëëwajtypyën Dina. Jä'ä ojts ja y'u'unk y'ëna'këty nyiwinë'atë ni''i'px majktëkëëk, jëtu'un yë ye'etyëjkpë ets to'oxytyëjkpë.

Génesis 35:9

Ko ojts yë Jacob wyimpijnë Padán-aram, ënät yë Tios mëët jatëkok nyäpyäätyë ets ojts tkënu'kxy mëët ya'atë aaw ayuk: Mijts jä'ä mxëëwajtyp Jacob, ka'ap tyam jëtu'un xy'ëkxëëwatanë. Tyam jä'ä mxëëw'atäämpy Israel. Ko ja Tios ojts ja xyëëw yajtëkajtsxëty,

Génesis 28:2

Nëjkx jam Padán-aram ma ja tyëjkën yë mtatwelë Betuel ets jam mëët mpëkëty yë nyëëx yë mjämy Labán.

Génesis 12:6

Abram ojts tuknajxta'ay tääpë it naaxwiinyëtën ets jyä'äjty ma jam ja itjot txëëwatyën Siquem, ma ënäty jam tu'uk ja xoj kepyën kënu'kxypyë mëti'ipë jyä'ä'ajtypyën yë Moré. Yë Canaán ja'ayëty jamnëm ënäty tsyëënëtë ma ja jampë ja it naaxwiinyëtën.

Génesis 37:13

Ënät yë Israel t'ënëmaay yë myaank José: Ëk'ix. Yë mmëkä'äxtëjk jam të nyëjkxtë Siquem jëyujkëwent'ajtpë, tsajppax këwent'ajtpë ets kupixyny këwent'ajtpë, e ëjts yë'ëjës ntsojkpy ets xynyinëjkxëty ma jam yë'ëjëtyën. Ënät y'ëtsooy yë José: Oyës nnëjkxëty.

Génesis 48:7

Koos ojts nwinpijnë jam Padán-aram, ojtsës xykyu'o'knë yë mtaak Raquel jam ma nyaaxjotmën yë Canaán; jamës ënäty ntimjya'tanëtë Efrata, tääjës ojts jämyë nyajnaaxtëkë jam tu'u'am, mëti'ipë tyam txëëwajtnëpën Belén.

Salmos 60:6

Jëtu'un yë Tios të y'ënä'äny ma tsyajptëjkën: Janty wi'ixpëmës jotkujk nnäjyawëja'anyë koos npëjkwä'kxa'any ja it naaxwiinyëtë mëti'ipë txëëwajtpën Siquem ets koos näjyëtu'un nyajwa'kxëty yë Sucotpë.

Jeremias 41:5

ënät jyajtë nimajkta'px yë ja'ay. Jam tsyoontë Siquem, Siló ets Samaria. Tëë je'eyë nyäy'awaayjyäjpta'ajëtë, këëts këëts ja wyit mëti'ipë myëmiintëpën ets tëë ja jyot nyini'kx tyajtsëtyujta'atë. Tam tmëmintë yë aaypyajk ujtspajk ets poom mëti'ipë tyukwintsë'ëkëjantëpën ja Wintsën.

Génesis 31:25

Yë Labán jam ojts tnajtspaatë yë Jacob ma ja Galaad kopkjotmën, ma ënäty ja Jacob të jyajtä'äkyën, najamtëkë tni''ijxëtyë ja jya'ajtakn myaatakn ja Labán mëët ja myëku'uktëjk, winkon ma ënäty ja Jacob jam näjyëtu'unën