Génesis 32:28 - Biblia Mixe de Quetzaltepec

²⁸ Tää ja naaxwiinyëtë ja'ay y'ënëmaayë: Ka'ap tyam mijts xy'ëkxëëwajtnëty Jacob, Jä'ä mxëëwajtnëty Israel. Jä'ä ko mijts Tios tyam mëët të mtsiptuny ets mëët tu'kë'ëyë yë naaxwiinyëtë ja'ay ets tëë xymyëmëtä'äky.

Biblia Dc en Mixe de Quetzaltepec

²⁸ Tää ja naaxwiinyëtë ja'ay y'ënëmaayë: Ka'ap tyam mijts xy'ëkxëëwajtnëty Jacob, Jä'ä mxëëwajtnëty Israel. Jä'ä ko mijts Dios tyam mëët të mtsiptuny ets mëët tu'kë'ëyë yë naaxwiinyëtë ja'ay ets tëë xymyëmëtä'äky.

Génesis 32:28 ပူးပေါင်းရင်းမြစ်များ

Apocalipsis 2:17

Pën ja tyatsk tyukmëtoopy, wä'än tmëtoowkukë wi'ix ja Kënu'kxymyëkajtën t'ënëëmën ja mëpëjkpëtëjk. Pën mëtakp, ntukjë'kxäämpyës ja maná mëti'ipë yu'utsy ijtpën ets nän nmo'ojäämpyës tu'uk ja poop tsaa ma jap myinyën kuja'ay tu'uk ja xëëw jempyë, mëti'ipë ka'ap pën nijawën, yi'iyë nyija'ap mëti'ipë y'ëxajëpën.

Génesis 17:5

Ets ka'ap xy'ëkxëëwajtnëty Abram, jä'ä tyam mxëëwajtnëty Abraham.

Génesis 17:15

Ënät ojts näjyëtu'un Tios t'ënëëmë yë Abraham: Yë mto'oxytyëjk ka'ap t'ëkxëëwatanë Sarai, tyam ets nyëjkxëty yë xëëw yë jëmëjt jä'ä txëëwajnëty Sara.

Isaías 65:15

Ja nja'ayës nëjkxëp tkajpxpaatë ja mxëëw ko ënäty pën tpoktë ëkë ko ënäty tsoktë pën y'ookëty. Ja ntuunpëtëjkës nyajtëkatsanëpës ja xyëëw.

Proverbios 16:7

Ko Tios t'oy'ixy ko yë ja'ay oypyëtsëëmp yë tyu'unën kyajpxën, yë'ëpaat yë myëtsip mëët nyämyë'oypyikyë.

Génesis 33:4

Tä ja Esaú tnipëyë'ktso'ony ets ojts tninëjkxy ja y'uty Jacob ets tyo'kmënäänajxy, tä ojts tsu'kxy, tä tyëjkëtyë nimäjtsk yaxpë.

Juan 1:42

Tääts ja Andrés ojts twoownëjkxy ja Simón ma ja Jesús. Ko Jesús y'ijxë ënät y'ënëmaayë: Mijts mSimonk'ajtpë, Juan y'u'unk. Cefas tyam mxëëwajtnëty, mëti'ipë griego ayuk niwijpën Pedro.

Génesis 25:31

Ënät yë Jacob y'ëtsooy: Ënät yam nmo'ojëty yë tojkx, pën mkupëjkpy etsës nnaxëty ijxtëmës jeexyë nkä'äxkopk'atyën.

2 Reyes 17:34

Tyampaat je'eyëm jëtu'un tyajtu'uye'eytyë, ka'ap yë Wintsën t'ëwtatë ets ka'ap tuntë jëtu'un tä ja Wintsën ja y'ënä'ämën tyiyajtën myinyën, ni tkatuntë këwentë mëti'ipë ojts ja Wintsën tjatuk'ëne'emyën ja Jacob ja y'u'unk y'ëna'k, mëti'ipë yajxëëwpäjtën Israel kajpn.

2 Samuel 12:25

jëtu'un ja David yajtuknija'awëy, yë Natán yë'ë tuk'ëwa'anëyë. Mëët ko ja David ënäty të tja'akyukë wi'ix ja Wintsën y'ënë'ëmxëtyën paaty ojts ëpëky txëëwmo'oy ja mëxu'unk Jedidías.

1 Samuel 26:25

Tä ja Saúl mëk yujk'ënany: Tios mkënu'kxëtëp David, u'unk maay. Mijts mëj këjää nëjkx winë xytyuny ets oy winë mwinpëtsë'ëm njëjpëtsë'ëmxëtëty. Tä ojts ja Saúl wyimpijnë ma tyëjkën ets ja David ja tyu'u jatëkok tpëjky.

Génesis 32:24

Ko ja Jacob ojts atu'uk wyi'imy, ënät tu'uk ja ye'etyëjk ja'ay tyëjkëy mëët tsiptuunpë. Jeky ojts tsyiptuntë ijxtë koonëm xyiinyëy.

Génesis 31:24

E jä'ä tsu'um ja Labán y'ënëmaayë ja Tios teety kuma'ayjoty: Ëkmëtow yajxon, këtii yë Jacob xymyëkajpxëty mëët yë äkë.

Números 13:16

Ya'atë ja'ay të yajnikajpxtën, yë'ë ojts yë Moisés tkexy jam ma Canaán ja nyaaxjotmën ets t'ixtëty tuntëty. Ja mëti'ipë xyëëwajtypyën Oseas ojts ja xyëëw twinkuwijtsëyë ets jä'ä ojts tijy Josué.

1 Reyes 18:31

Tä tkoonë'ky majkmäjtsk yë tsaa, jëtu'un tä ënäty ja Jacob ja y'ëna'kën, mëti'ipë yë Israel ja'ayëty y'ap'ajtëpën, mëti'ipë ja Wintsën ojts tyajxëëwpetyën Israel.

Génesis 33:20

Ënät näjyëtu'un t'oytyuuny tu'uk ja wintsë'këntyakn ets tyajxëëwpejty El-Elohé Israel.

Génesis 32:27

Ënät ja naaxwiinyëtë ja'ay yajtëëwë: ¿Tiixë yë mxëëwajtyp? Tää y'ëtsooy: Jacob ëjts nxëëwajtyp.

1 Crónicas 1:34

Abraham jä'ä ijty yë y'u'unk xyëëwajtyp Isaac. E yë Isaac mäjtsk yë y'u'unk y'ijty: Esaú ets Israel.

Isaías 43:1

Miitsëty Israel ja'ayëty, Jacob nyaax kyajpn, mëti'ipë yë Wintsën ojts tyajkojyën, jëtu'un yë Wintsën m'ënë'ëmxëty: Këtii mtsë'ëkë, ëjts tëëjës mijts nyaj'ëwaatsëpëtsëmy; mxëëw të ntukmëkäjpxy ets të n'ënëëmë, mijts njä'ä'ajtyp.