Génesis 32:24 - Biblia Mixe de Quetzaltepec

²⁴ Ko ja Jacob ojts atu'uk wyi'imy, ënät tu'uk ja ye'etyëjk ja'ay tyëjkëy mëët tsiptuunpë. Jeky ojts tsyiptuntë ijxtë koonëm xyiinyëy.

Biblia Dc en Mixe de Quetzaltepec

²⁴ Ko ja Jacob ojts atu'uk wyi'imy, ënät tu'uk ja ye'etyëjk ja'ay tyëjkëy mëët tsiptuunpë. Jeky ojts tsyiptuntë ijxtë koonëm xyiinyëy.

Génesis 32:24 ပူးပေါင်းရင်းမြစ်များ

Efesios 6:12

Jä'ä ko ka'ap jyä'äyëty mëët ntsiptu'unëm, yë'ë mëët ntsiptuntë mëti'ipë tsajpwinm yajkutujktëpën; kutujkënmëëtpë, mëk'ajtënmëëtpë ets mëti'ipë ënä'ämtëpën ma ja ja'ay tkamëmëtowtën ja Tios.

Lucas 13:24

Jam mëpaat mtëkëtë ma ja tëjk'aawën xu'utspë. Jëtu'un miits nëëmëtë ko may ja ja'ay nëjkx jyatëkëja'antë, je'eyëp ko ka'ap nëjkx nyaxtë.

Génesis 32:28

Tää ja naaxwiinyëtë ja'ay y'ënëmaayë: Ka'ap tyam mijts xy'ëkxëëwajtnëty Jacob, Jä'ä mxëëwajtnëty Israel. Jä'ä ko mijts Tios tyam mëët të mtsiptuny ets mëët tu'kë'ëyë yë naaxwiinyëtë ja'ay ets tëë xymyëmëtä'äky.

Efesios 6:18

Këtii xy'ëxmatstëty ja Tios ja'amyäjtsën, mënu'kxta'aktë ets amëtowtë pëjktsowtë ja Tios xëmë, wi'ix ja Kënu'kxymyëkajtën mwinma'anymyo'ojëtëty. Jëjp'ixy näyaj'itëtë. Xëmë ninu'kxta'aktë ja Tios ja kyajpn.

Génesis 32:30

Tä yë Jacob tyajxëëwpejty ja jampë ja it naaxwiinyëtë Penuel, jä'ä ko y'ënäny: Tyam tëëjës ënät ja Tios kë'ëm ntim'ixy wiinxë jëjpxë ets ixës tyam njaakjuuknyëmëty.

Lucas 22:44

Ma ja Jesús y'ëyoyën ets ja Tios mëktä'äky tja'amyetsyën, nëkoo ja pyëxyik nyajtsxä'kxënë ijxtëm ja ne'pynyën.

Génesis 30:8

tä yë Raquel y'ënäny: Ya'atë u'unk jä'ä txëëwatëty Neftalí, jä'ä ko tëëjës oy mëk nitsiptuny ma ntsë'ëjësën ets tëëjës nmëmëtä'äky.

1 Corintios 15:47

Ja jëwyiinpë ja ye'etyëjk mëti'ipë ojts yajtuk'oytyunyën ja naax, naaxwiinyëtë ja'ay jä'ä; e ja mëmäjtskpë, tsajpjotmëpë jä'ä.

Colosenses 4:12

Mtuknikäjxëtëp näjyëtu'un ja kajpxpo'kxën ja Epafras, mëti'ipë ja Jesukristë myëtuumpyën, miits yë mja'ayëty. Xëmë yë'ë mninu'kxta'akëtë ko ja Tios tja'amyetsy ets oy m'ittëty ijxtëm ja Tios tsokyën.

Cantares 2:17

Ma xyiinyëja'anyën ets ma xëëw y'aanta'aka'anyën jää jatëkok minëty mijts mëti'ipës ntsojkpy nja'apën; jëtu'un mnäjyawëtëty tä jëtsyu'ujën, tä jëtsyu'u ayääkën mëti'ipë nëpujt yujkpujtpën tunkëjxy kopkëjxy.

Génesis 48:16

Yë Tios yë tsyajpjotmëtë kukäjpxy mëti'ipës xyaj'ëwaatsëpëtsëëmpën ma ëxëëkpë jëpyëkpën. Yë'ë kyënu'kxëp jyëkyäpëp ya'atë ëna'këty. Mëët yë'ëkyëjxmëty ja'amyetsy xëmë yë nxëëwës y'itëty ets xyëëw yë nteetyës n'apës Abraham ets Isaac. Myëët'atëp nimay yë y'u'unk y'ëna'këty, ets jëtu'un nimay y'itëty tsyëënëtëty yaa naaxwiiny.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Tios, pën mëpaat yaj'ëwaatspëtsëmyë ma ja o'kënën, e ja Tios wa'ats ojts myëtoyë jä'ä ko kyäjpxykyupëky.

Colosenses 2:1

Yë'ës ntsojkpy ets miits xynyijawëtëty ko mëk yam nnitsiptuntë ets näjyëtu'un mëti'ipë tsënaaytyëpën jam Laodicea ets ni'ëmukë ja wiinkëtypë mëti'ipë ka'ap xy'ixy'atës.

Romanos 15:30

Mëku'uktëjkëty, mëët ja Wintsën Jesukristë ets ja Kënu'kxymyëkajtën ja tsyojkën jya'awën mëti'ipë të xymyo'oyëmën, n'amëtoyës miitsëty mëktä'äky ets ëmuumtu'ukjot ja Tios nja'amyäjtsmëty tu'ukyë ets miits ja Tios xytyuknija'amyätsëtëtyës.

Isaías 32:2

Nitu'ukjaty jëtu'un të yajpëjkta'aktë tä tu'uk tsoktaknën, oy mëkpoj myinëty, oy mëk tuu myinëty; jëtu'un nëjkx nyaxtë tä yë nëë ntuk'yajxo'kmëtyën aay ujts, tä muum të'ëts'itum nyinikën yë mëjtsaa.

Éxodo 14:27

Ënät ja Moisés ojts ja kyë'ë tnajtstijë jam nëëjotm. Ko ojts xyiinyënë, ja nëë tëë ënäty jatëkok nyämyukyë. Paaty ko ja Egiptë ja'ayëty ojts jyakä'äkanëtë ja komnëë ojts twinkuja'tëtë, tääts kyiintaaytyë ets ja Tios yaj'o'ktaayëtë.

Génesis 18:2

Ko ojts ja Abraham y'ijxë'ëky, ënät t'ijxy nitëkëëk yë ja'ay wyintänëty ye'etyëjk. Ko jëtu'un t'ixy ojts pojën y'ëxwä'ätsë'ëky ets ojts t'ëëwpo'kxy tkajpxpo'kxy.

Génesis 32:23

Tyajtso'ontaay tu'kë'ëyë jënu'un ënäty winë tmëëtëtyën.

Génesis 32:25

E ko ja naaxwiinyëtë ja'ay t'ijxy ko ka'ap ja Jacob myäyë, ënät ojts wäänë tyajtsëtyut ma pyuuykyopkën. Tä jëtu'un ja Jacob ojts ja tyekpyajk jyäjxma'aty, ma ënäty jam jëtu'un tsyiptuntën.

Josue 5:13

Tëkok ojts jyäty kyëpety, jam ënäty yë Josué yajpaaty winkon ma Jericó kajpnën, ko tu'uk yë ja'ay nyimiinë mëët yë yenypyujxn jam kyë'ëkëjxm, ënät ja Josué ojts tninëjkx ets tyajtëëy: ¿Wi'ix miny ëëts xypyutëkëjantëpë ëkë mëtsip mputëkëjäämpyë?

Daniel 10:8

Nätyu'ukës të n'ixy tyaapë kuma'ay. Tsuxk wi'ixnës të njajta'ay ets jëtu'unës të näjyawëty tim këjxp yowë ja njot nmëjaawës.