Génesis 32:22 - Biblia Mixe de Quetzaltepec

²² Ënät yë Jacob ojts koots pyëti'iky ja tsu'um ets pyëtë'ktë nimäjtsk ja tyo'oxytyëjk näjyëtu'un ets näjyëtu'un nimajktu'uk ja y'u'unk y'ëna'këty. Tä tyajnëënajxtaay ma tu'uk ja mëjnëë txëëwatyën Jaboc.

Biblia Dc en Mixe de Quetzaltepec

²² Ënet yë Jacob ojts koots pyëti'iky ja tsu'um ets pyëtë'ktë nimäjtsk ja tyo'oxytyëjk näjyëtu'un ets näjyëtu'un nimajktu'uk ja y'u'unk y'ëna'këty. Tä tyajnëënajxtaay ma tu'uk ja mëjnëë txëëwatyën Jaboc.

Génesis 32:22 ပူးပေါင်းရင်းမြစ်များ

Deuteronomio 3:16

E yë Rubén yë jyä'äy ets Gad yë jyä'äy yë'ëjës ojts nmo'otë yë Galaad yë y'it nyaaxwiinyëtë, ma mëët nyäpyäätyë ja Arnón mëjnëë. Jam ojts nyämyëtsëpa'an'atëtë joyjyotm ets tyimja'ty ma Jaboc mëjnëëjën, ma ja tsyëpa'an nyaxtën ja Amón ja'ayëty.

Deuteronomio 2:37

E ja naax kajpn mëti'ipës ka'ap nyajkutëkooytyën yë'ë ya'atëty: ja kajpn ma ja Amón ja'ay tsyëënëtën ets ja it naaxwiinyëtë mëti'ipë jam yajpatëpën ma ja Jaboc mëjnëëjën; ja naax kajpnëty mëti'ipë jam yajpatëpën ets tu'kë'ëyë wiinkëtypë ja naax kajpn, mëti'ipë ënäty ja Tios të tnikäjpxyën ets ka'ap nitëkëtëtyës.

1 Timoteo 5:8

Pën ka'ap nyämyëmay nyämyëtajyë ets ka'ap ja jyiiky myëku'uk tmëmay tmëtajy, ka'ap jëtu'unpë ja ja'ay myëpëky ets o'ktëy ni'ik y'ëti'itsy këtiinëm ja mëti'ipë ka'ap myëpëktën.

Josue 12:2

Sihón mëti'ipë jam yajkutujkpën ma Amor ja'ayëtyën ets jam tsyënaay Hesbón. Jampaat ijty y'ëne'emy ma txëëwatyën Aroer, ja jampë yajpaatyën ma ja mëjnëëpa'ajën mëti'ipë xyëëwajtypyën Arnón, tyimtsoony jam joykyujkm ets jyä'ty ma ja Jaboc mëjnëëjën, ma tsyo'ontä'äkyën ja nyaaxëty ja Amón ja'ayëty, kujkwä'kxypyë ja Galaad itjotm.

Génesis 35:18

Yë Raquel tim o'këtaknëp ënäty jamnë, ko ojts jyaak mëkxejy, ënät tjaakxëëwmooy ja u'unk Ben-oni, e yë tyeety jä'ä xyëëwmooyë Benjamín.

Génesis 29:21

Ko ojts kyä'pxy wëxtujk jëmëjt, ënät ja Jacob t'ënëmaay ja Labán: Mooykyës ënät ja nto'oxytyëjk, wä'änës mëët mpëky n'uuky, jä'ä ko tëë kya'pxnë wëxtujk jëmëjt ijxtëm ojts ntukwinwanën nitunanyës yë mnëëx.

Génesis 32:21

Jëtu'un ja näynyamo'ojë jëyëjp tkäjxë'ky, e yë'ë ojts jyaak maawë'ëmy ma jam ja wyittëjkën.

Génesis 32:23

Tyajtso'ontaay tu'kë'ëyë jënu'un ënäty winë tmëëtëtyën.

Jueces 11:13

Ënät ja yajkutujkpë Amón ja'ay y'ëtsooy: Miitsëty ko mtso'ontë jap Egiptë, ojtsës yë nnaax xypyëjkëtë mëti'ipë jam tso'ontakpën Arnón ets jyä'ty Jaboc ets ma Jordán mëjnëëjën. E tyamts npëjktsoy ets xyakëty a'oy.