Génesis 32:20 - Biblia Mixe de Quetzaltepec

²⁰ Ënëëmëtë näjyëtu'un: yë Jacob tää näjyëtu'un myiny ix'ok. Jëtu'un ënäty ja Jacob myäy tyäjy: Wä'än jëtu'un yë tsyip y'äkë nyanaxëty yë n'ajtyës Esaú, oknëmës kë'ëm ntim'ixëty wä'änxyëp jëtu'un'äämpy xynya'ëxaj xynyakupëkëtyës.

Biblia Dc en Mixe de Quetzaltepec

²⁰ Ënëëmëtë näjyëtu'un: yë Jacob tää näjyëtu'un myiny ix'ok. Jëtu'un ënety ja Jacob myäy tyäjy: Wä'än jëtu'un yë tsyip y'äkë nyanaxëty yë n'ajtyës Esaú, oknëmës kë'ëm ntim'ixëty wä'änxyëp jëtu'un'äämpy xynya'ëxaj xynyakupëkëtyës.

Génesis 32:20 ပူးပေါင်းရင်းမြစ်များ

Proverbios 21:14

Ko ja'ay tyäky tu'uk yë näynyamo'ojë mëët tu'uk yë oyjyot oywyinma'any, yë'ëpaat yë tsip tyajxeemy tëëyëpë tsyo'ontaknën.

2 Timoteo 2:25

ets tkajpxwijëty mëët yë yu'unk'ajt naxym'ajtën mëti'ipë käjpxy kyumëtoownajxtëpën, yaj'ëwxitëty ets ja Tios niwinpittëty ets nijawëtëty ja tëyajtën.

Jonás 3:9

wä'änxyëp yë Tios xynyijoowinpijtmëty ets xyäämëty yë tsyip y'äkë ets jëtu'un ka'ap n'o'kmëty.

Proverbios 16:14

Ko tu'uk yë yajkutujkpë jyoot'anpëky, o'kën y'awäämpy; yi'iyë wijyjyä'äy mayëtëp tyajxäämëty ja yajkutujkpë ja y'äkë.

Proverbios 15:18

Mëti'ipë ja'ay ka'ap myä'kxtukyën tsip je'eyë y'ixtääpy, e mëti'ipë ja'ay mä'kxtujkpën, yajxe'empy yë tsip.

Proverbios 6:35

Ka'ap tmëpëky oy pën wi'ix jya''ënëmaayënë ets oy tii jyayajmooynyë.

1 Reyes 20:31

Ënät ja tsyiptuunpëtëjk y'ënëmaayëtë: Yajnijawë'ajtp ko yë Israel ja'ayëty kyuuytyuuntëp yë y'aaw y'ayukëty ko tii mëët nkäjpxy'ajtmëty; paaty tsojk ntuktëjkëmë tukwit tuktujkxy ets nätyukyo'kpëjkëmëty yë tejpxy, jëtu'unts ninëjkxmëty ja yajkutujkpë jampë yajpaatyën Israel ets n'ijxmëty kajekyën xynyapokymyä'kxmëty ma njuukyajtën'ajtëmën.

1 Samuel 6:5

Paaty, yajnikojtu'utë yë ki'ix pa'am ets tsuk mëti'ipë këtye'eytyëpën ma naax kajpnën ets mëjpëjkta'aktë yë Tios mëti'ipë y'ëwtajtëpën yë Israel ja'ayëty; jëtu'un n'ëk'ijxmëty kooxyëp näyajjëwa'akëty yë ëyo'on jotmay ma miitsëtyën, ma tiosëtyën ets ma naax kamën.

Génesis 43:11

Ënät ja tyeety y'ëtsoowë: Tyam ka'apës tii winma'any nmëëtëty, tii ënät tëy mtuntëp, nikë yë'ë mënëjkxtë ma mxa'këtyën, mëti'ipë mnamo'otëpën yë ja'ay, ijxtëm mëti'ipë yaa yajmëët'ajtpën ets mëti'ipë yaa ijtp wintëëpën, ijxtëm yë onën, uuxpa'akën, pa'akxu'kpë ets mëti'ipë ja'ay nätyuku'tsëpën ets pya'akxuuky, ujts tëëmëty ets tu'uk ja ujts mëti'ipë xyëëwajtypyën almendrë.

Génesis 32:19

Näyjyëtu'un ja mëmäjtskpë tkejxyën ets ma mëtëkëëkpë ets aakjëtu'un t'ënëmaay ninaak ojts tkexyën: Ko mja'tëty ma Esaujën aakjëtu'un xy'ënëëmëtëty ijxtëm yam të n'ëna'anyënës,

Génesis 32:21

Jëtu'un ja näynyamo'ojë jëyëjp tkäjxë'ky, e yë'ë ojts jyaak maawë'ëmy ma jam ja wyittëjkën.

Proverbios 18:16

Mëët tu'uk yë näynyamo'ojë, ëwatsp yë tëjk'aaw oymyaajëty, ets jajtp yë ja'ay mëët yë näynyamo'ojë jampaat ma mëj'äämpyë ja'ayëtyën.