Génesis 31:7 - Biblia Mixe de Quetzaltepec

⁷ e yë'ë je'eyës xëmë xywyin'ëëny ets janaam jatsojkës yë nmëju'uny xyajkunajkë. E yë Tios mëti'ipës n'ëwtajtypën ka'ap tyajkutuky ets wi'ix xytyimtunëtyës;

Biblia Dc en Mixe de Quetzaltepec

⁷ e yë'ë je'eyës xëmë xywyin'ëëny ets janaam jatsojkës yë nmëju'uny xyajkunajkë. E yë Dios mëti'ipës n'ëwtajtypën ka'ap tyajkutuky ets wi'ix xytyimtunëtyës;

Génesis 31:7 ပူးပေါင်းရင်းမြစ်များ

Génesis 15:1

Ënät yë Tios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

Génesis 20:6

Ënät ja Tios y'ëtsoowë nän kuma'ayjoty: Ëjts wa'atsës nijawë ko mëët ja oyjyot oywyinma'any jëtu'unpë të xytyuny. Paatyës ka'ap të nyajkutuky ets xykyë'ënixajëty tääpë to'oxytyëjk, këtiipë mpokytyunëty ma ëjtsën.

Génesis 29:25

Komjëpom myä'äypyëti'ky yë Jacob, ënät t'ijxy kootëm ënäty mëët të myä'äy yë Lea. Tä ojts t'ojy ja Labán ets t'ënëmaay ko wi'ix ko ënäty jëtu'un të y'ëti'itsy, jëtu'un t'ënëmaay: ¿Tiitën mijts të xytyuny? ¿Tii këtii xyjyä'ämetsyë koos yë'ë Raquel të nitunyë? ¿Wi'ixës ko xywyin'ëëny?

Génesis 30:28

Nëmaaykyës jënu'un myajmëjuyä'äny, tääts nmëjuyëty.

Génesis 31:24

E jä'ä tsu'um ja Labán y'ënëmaayë ja Tios teety kuma'ayjoty: Ëkmëtow yajxon, këtii yë Jacob xymyëkajpxëty mëët yë äkë.

Génesis 31:29

Ëjts ka'apës nkajaty jeexyë mijts ëxëëk ntuntë ets jeexyë yam nyajtsëyut nyajwintëkoytyë, Tiosës tyam koots të xymyëkäjpxy etsës të xy'ënëëmë: Ëkmëtow, këtiis yë n'u'unk Jacob xymyëkajpxëty mëët yë tsip äkë.

Génesis 31:41

I'px jëmëjt mijts të nku'itë ma mjëën mtëjkën, ix wi'ixës tyam xy'ëktuka'anë: yë nimäjtskpë yë mnëëx majkmajkts jëmëjtës të nituny, e mëët ja mjëyujk mëti'ipës tyam njä'ä'ajtypyën, tëtujkjëmëjtës të xytyuknituny; ets janaam jatsojkës ijty yë nmëju'uny xyajtëkajtsë.

Nehemías 4:12

E ko ja jutië ja'ayëty mëti'ipë winkon tsënaaytyëpën xytyuk'ëwa'anëtyës ko ja mëtsip ënäty xytyukja'ta'antës,

Job 1:10

Mijts ka'ap xyajkutuky ets pën kyë'ënixajëtëty, mëk xykyëwent'ajtë jyuukyajtën, jyiiky myëku'uk ets tëkokyë mëti'ipë myëët'ajtypyën; aak mkënu'kxyp mëti'ipë myëët'ajtypyën ets kumeenyjyä'äy yë'ë, may ni'ik yë jëyujk tsajpkaa tmëëtëty këtiinëm yë myëku'uktëjk, myëkunaax myëkukajpn.

Job 19:3

Janaam jatsojkës je'eyë xy'ojtë xya'axtë; ¿këtii mtsëtyuntë koos jëtu'un xytyuntë?

Job 19:8

Tiosës të xynyë'ë'ëtuky të xytyu'u'ëtuky këtiipës naxëty; tëë tyajkootsë maa ja në'ë tu'ujën.

Salmos 37:28

Yë Wintsën yë'ë xëmë tsyojkpy mëtëypyë ets oypyë, ka'ap nijëna'a t'ëxmatsy mëti'ipë oy mëtuunëpën; yajkutëkoopy mëti'ipë ëxëëk ja'ay'ajtpën ets ka'ap nitu'uk yë y'u'unk y'ok tyajwë'ëmë.

Isaías 4:1

Jä'ä xëëw nëjkx ja ye'etyëjktëjk y'ëmaaytya'aktë, niwëxtujk ja to'oxytyëjk nëjkx tyajtsipta'aktë tu'ukpë ja ye'etyëjk, ets y'ëna'antëty: Kë'ëm ëëtsëty nnäy'ixëtëty ets kë'ëmës nnäyajjuuky'atëtëty, je'eyëp ko mxëëw xytyuk'ënu'kxtës, këtiipë tsëtyu'unmëët nwë'ëmtëtyës.

Isaías 54:17

Je'eyëp ko ka'ap ni pën myäyë tyajkojëty ja tujn pujxn mëti'ipë jeexyë mijts myaj'atëkooyëpën. Aak amonyë nëjkx ja'ay xyajwë'ëmta'ay mëti'ipë ënäty mni'ë'ënëyëpën. Nyajmëtäkpyës ja ja'ay mëti'ipës oy xymyëtuunpën. Jëtu'un ja Wintsën y'ënä'äny.

Daniel 1:20

Ma ja jotmayën ets ja winma'any ma tsyokyën ja këpetyajtën ets ja ixpëkyajtën, yë yajkutujkpë xëmë ojts yajtëwëtë ets t'ijxy ko tääpë ja ëna'këty majknipät ijty kyëpety'ajnëtë këtiinëm ja wijyjyä'äytyëjkëty ets ja najtsja'apëtëjkëty mëti'ipë jam tuuntëpën ma ja yajkutujkpën.

Levitico 26:26

Koos ënäty nyajkutëkoy ja it naaxwiinyëtë ma ja mjë'kxy mpëky xypyëjkë'ëktën. Tu'uk je'eyë ja tsijtk, tukmuktëty ja to'oxytyëjkëty ma ënäty ja tsajpkääky tyajkë'ëwtën, mëti'ipë miits mkaytyëp. Ets nuky e'kxy je'eyë mjaakaytyëty ets ka'ap nëjkx mku'uxëtë.

Zacarías 8:23

Jä'ä xëëw, majk nëjkx yë jaaypyo'kxyjyä'äy tmatsy wyitkëjxy yë jutië ja'ay ets t'ënëëmëja'antë: Jamës nëjkxa'antë ma miitsëtyën, jä'ä ko tëëjës nnijawëtë ko tam yë Tios yajpaaty ma miitsëtyën.

Números 14:22

Yë ja'ayëty mëti'ipë tëë tja'ixtën yë nmëj'ajt n'oyajtënës ets mëti'ipës të nyaj'ixyën jap Egiptë ets yaa të'ëts'ituuy. Ets je'eyë janaam jatsojk xywyinma'any'ixtës ets ka'ap tuntë mëti'ipës njani'ënä'ämëpën.