Génesis 31:5 - Biblia Mixe de Quetzaltepec

⁵ tääts t'ënëmaay: Ëjts nnija'apës ko yë mteetyëty ka'apës xy'ëk'oyjya'awënë, tä ijty xy'oyjyawënës ko myë''ëka'any'äjty; e ja Tios mëti'ipës ja nteety y'ëwtajtën, ka'apës xy'ëxmatsy.

Biblia Dc en Mixe de Quetzaltepec

⁵ tääts t'ënëmaay: Ëjts nnija'apës ko yë mteetyëty ka'apës xy'ëk'oyjya'awënë, tä ijty xy'oyjyawënës ko myë''ëka'any'äjty; e ja Dios mëti'ipës ja nteety y'ëwtajtën, ka'apës xy'ëxmatsy.

Génesis 31:5 ပူးပေါင်းရင်းမြစ်များ

Génesis 48:15

Ënät ojts yë José yajkënu'kxy mëët ya'atë aaw ayuk: Yë Tios mëti'ipë ojts t'ëwtatën tmëmëtowtën yë Abraham ets Isaac, mëti'ipës nteetyajtën, Ja Tios mëti'ipës të xykyënu'kxyën xëmë, koos nmiiny naaxwiiny ets tyampaat.

Génesis 31:53

Wä'än yë'ë tkëwentëpëky yë Tios mëti'ipë yam nikajpxëmën nimëtyakëmën, mëti'ipë y'ëwtajtën yë mtatwelë Abraham etsës yë ntatwelë Nahor. Ënät yë Jacob ojts tukë'ëwan tukë'ëyaaxë ja Tios mëti'ipë ënäty jam y'ëëwmujk kyajpxmujktëpën, ja Tios mëti'ipë ja tyeety Isaac y'ëwtajtën.

Génesis 31:42

Ko jeexyë ja Tios xykyani''ijxkëtä'äkyës mëti'ipë yë Abraham y'ëwtajtën, ja Tios mëti'ipës ijty ja nteety Isaac y'ëwtajtypyën, katii nija'awën wä'änxyëp jeexyë jëtu'unyë mijts të xy'ëkwinpakäjxnës. Yë Tios yë'ë të t'ixy, ko ënäty ëjts mon tuk nyajpaaty ets koos ënäty mëk ntuny n'ëyoy, paaty ya'atë tsu'um të mëkmëkäpxyë.

Génesis 50:17

ko mijts n'ënëëmëtëty: ko xytyunëty yë mëyajtën xymyä'kx xyajnitëkoyëty ja nyëë pyokyëty ja mmëku'uktëjk mmëkä'äxtëjk oy ojts ëxëëk mtunyë. Paaty yam mijts nmënu'kxta'aktë etsës xypyojkpë mä'kxtëty, ëëtsëty Tios näjyëtu'un xytyuunpë'ajtëpës, mëti'ipë yë mteety y'ëwtajtën. Tam ënäty jëtu'un yajmëmëtyä'äky yë José ko jyänty tyëjkëy yaxpë.

Génesis 32:9

Tää ojts tyëkë nu'kxtakpë ets ja Tios tmëpëjktsooy: Wintsën mëti'ipë y'ëwtajtën ja ntatwelës Abraham ets ja nteetyës Isaac, mijtsës të xy'ënëëmë koos nwinpitëty maas ja nnaax nkajpnën, ma tsyëënëtën jyuuky'atën ja njëëky nmëku'ukës. Mijtsës të xy'ënëëmë näjyëtu'un, ko oy tsuj xyajwinpita'anyës.

Génesis 31:13

Ëjts jëtu'un Tios'ajtp, mëti'ipë ojts xy'ixyën jam Betel, jam ma ojts xykyënu'kxyën ja tsaa ets waantakën xytyuuny mëët ëjts. Paaty tyam jam ënät. Pëtë'ëk ets mtsoonëty ma ya'atë it naaxwiinyëtën. Nëjkx jatëkok ma ja mnaax mkajpnën ma ojts mëxu'unk'atyën.

Génesis 21:22

Jä'ä xëëw jä'ä jëmëjt ojts yë Abimélec nyijkxy ma jam ja Abraham tsyëënën ets mëët kyajpxa'any myëtya'aka'any, tam ënäty näjyëtu'un pyanëjkxyë ja Ficol, mëti'ipë nyiwintsën'ajtypyën ja tsiptuunpëtëjk. Ënät ja Abimélec ojts t'ënëëmë ja Abraham: Këxë'kp ko yë Tios mëj këjää mputëkëty ma tu'kë'ëyë winë xytyunyën.

Hebreos 13:5

Këtii meeny xy'atsoktëty, tukjootkujk'atë mëti'ipë mmëët'ajtëpën, jä'ä ko tëë ja Wintsën y'ënä'äny: Nijëna'a mijts nka'ëxmatsan'any ets nijëna'a nkaja'atyëkoyä'äny.

Génesis 28:13

Näyjyëtu'un t'ijxy kootëm ja Tios wyintänëty ets y'ënë'ëmxëty: Ëjts jëtu'un Wintsën, mëti'ipë Tyiosajtën yë mtatwelë Abraham ets mteety Isaac. Mijts nmo'ojäämpy ya'atë naaxjot ma jam mko'knën ets m'u'unk m'ëna'k.

Génesis 28:15

Ëjts mijts mëët n'ity, nkëwent'atäämpy oy ma mtimnyax mtimtyëkëty. Ets nän ëjts mijts nyajwinpitëp jatëkok ma ya'atë naaxjotmën. Ka'ap nmajtstu'uta'any, maanëmës ka'ap nkuuytyunyën ja mëti'ipë të ntukwinwanën.

Génesis 31:4

Ënät ja Jacob ojts tnikäxë ja Raquel ets ja Lea ets myintëty jam kamjotm ma ënäty jam ja Jacob tsyajppax këwent'atyën ets kyupixyny këwent'atyën,

Génesis 31:29

Ëjts ka'apës nkajaty jeexyë mijts ëxëëk ntuntë ets jeexyë yam nyajtsëyut nyajwintëkoytyë, Tiosës tyam koots të xymyëkäjpxy etsës të xy'ënëëmë: Ëkmëtow, këtiis yë n'u'unk Jacob xymyëkajpxëty mëët yë tsip äkë.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Génesis 26:24

E jä'ä tsu'um ja Tios nyänyikëxë'kë ma yë'ëjën ets y'ënëmaayë: Ëjts jëtu'un xyTios'ajtp ja mteety Abraham. Paaty këtii mtsë'ëkëty, jä'ä ko ëjtsës mijts mëët n'ity. Mëët yë'ë ko ja n'u'unkës nmaayës Abraham oy të xymyëtunyës. Paaty näjyëtu'un mijts nkënu'kxa'any ets nyajmëjëja'any tyajmayëja'anyës ja m'u'unk m'ok.