Génesis 30:17 - Biblia Mixe de Quetzaltepec

¹⁷ Ënät yë Lea ojts yë mëmëkoxkpë y'u'unk tyajja'ty naaxwiiny, jä'ä ko tëë ënäty yë Tios myëto'owxëty yë nyu'kxtakën, ënät y'ënäny: Tios yë nnu'kxtakënës të xymyëtoowë.

Biblia Dc en Mixe de Quetzaltepec

¹⁷ Ënet yë Lea ojts yë mëmëkoxkpë y'u'unk tyajja'ty naaxwiiny, jä'ä ko tëë ënety yë Dios myëto'owxëty yë nyu'kxtakën, ënät y'ënäny: Dios yë nnu'kxtakënës të xymyëtoowë.

Génesis 30:17 ပူးပေါင်းရင်းမြစ်များ

Lucas 1:13

Tääts ja tsajpjotmëtë kukäjpxy y'ënëmaayë: Zacarías, këtii mtsë'ëkë, tëë ja Tios tmëtoy ko xyjyä'äymyetsy, pyatäämpy ja mto'oxytyëjk Isabel tu'uk ja y'u'unk mëti'ipë mtukxëëwatëpën Juan.

1 Samuel 1:20

Tä ja Aná ja y'u'unk myääy tyajja'ajty naaxwiiny ets txëëwmooy Samuel. Jä'ä ko ja Wintsën ënäty të tpëjktsoy.

Éxodo 3:7

e ja Tios ojts jyaak mëtyä'äky ets y'ënäny: Ëjts wa'atsës të n'ixy të ntuny wi'ixës yë nnaax nkajpn jap y'ëyoyën Egiptë. Tëës nmëtoow'ity yë y'ëjën tyu'kënëty, mëët ko mëk y'ënä'ämëtë myëkajpxëtë mëti'ipë nyiwintsën'ajtëpën ja tuunk ëyo'on ets tëëjës wa'ats nijawë wi'ix jap jyatën kyëpätën.

Génesis 30:22

E yë Tios ko tja'amyejtsy yë Raquel ets ko ënäty yë nyu'kxtakën të tmëtoowë, ënät ojts t'a'ixë ets Raquel tu'uk yë u'unk tyajminëty naaxwiiny.

Génesis 30:6

Ënät yë Raquel y'ënäny: Ya'atë u'unk jä'ä txëëwatëty Dan, jä'ä ko Tios të tmëtoy yë nkajpxtä'äkyës ets të xynyi''ijxkëtä'äkyës, paatyës tu'uk yë u'unk maay të xymyo'oy.

Génesis 30:16

Jajmony ko ojts ja Jacob jyä'ty, ënät ojts ja Lea tjëjpaatë'ëky ja Jacob ets t'ënëmaay: Tyam ya'atë koots ëjts ënät xymyëëtma'ajëp, jä'ä ko tëë npëjktsoy mëët ja ujtstëëm mëti'ipës ja nmaank të tmëja'tyën, mëti'ipë yajtijpën amëxan mandrágoras. Jä'ä koots yë Jacob ojts mëët myä'äy yë Lea.

Génesis 30:18

Yë Lea jëtu'un ojts y'ënä'äny: Ya'atë u'unk ja txëëwatëty Isacar, jä'ä ko Tios jëtu'un të xykyumayës mëëtkyëjxm koos ntuunpë të nkë'ëyäky ma Jacobën.