Génesis 3:7 - Biblia Mixe de Quetzaltepec

⁷ Jä'ä xëëw jä'ä jëmëjt ma ojts ja ujts jëtu'unpë tjë'kxtën, mëti'ipë ja Tios ka'ap t'ëwa'atsyën tjë'kxtëty. Ënät ojts wyinma'anytyëkëtë ets ja wyiin y'ëwatstë ets nyäjya'awëpyatëtë nimäjtskëty ko niwa'ats ëxwa'atstëm ënätyëty. Ënät ojts oywyi'ix t'atsuummujkojtë yë ujts'aay ets yë'ë mëët nyätyuk'ëtujkëtë.

Biblia Dc en Mixe de Quetzaltepec

⁷ Jä'ä xëëw jä'ä jëmëjt ma ojts ja ujts jëtu'unpë tjë'kxtën, mëti'ipë ja Dios ka'ap t'ëwa'atsyën tjë'kxtëty. Ënet ojts wyinma'anytyëkëtë ets ja wyiin y'ëwatstë ets nyäjya'awëpyatëtë nimäjtskëty ko niwa'ats ëxwa'atstëm ënätyëty. Ënet ojts oywyi'ix t'atsuummujkojtë yë ujts'aay ets yë'ë mëët nyätyuk'ëtujkëtë.

Génesis 3:7 ပူးပေါင်းရင်းမြစ်များ

Isaías 59:6

Miitsëty jëtu'un mmaytyë mtajtë tä jeexyë poxmtä'äky yë'ë xywit'ata'antën, ka'ap tjëkyepy. Jä'ä ko je'eyë myajja'ay ooktë ets je'eyë mtsiptuntë.

Génesis 2:25

Jëtu'un yë ye'etyëjk ets to'oxytyëjk aakniwa'ats ëxwa'ats ënätyëty ets ka'ap nyämyëëtsëtyunëtë.

Génesis 3:5

Yë Tios wa'ats tnijawë, ko tääpë ujtstëëm xyjyë'kxtëty, nëjkxëp xynyijawëtë mëti'ipë oy ka'oyën. Tä nëjkx tu'kë'ëyë winë xynyija'awëtya'atë ets nëjkx mja'ay'atë tä Tiosën.

Isaías 28:20

Jëtu'un nëjkx mjuuky'äty tä ja'ay ka'apë y'oymyä'äyën jä'ä ko ka'ap tii nyipä'än.

2 Reyes 6:20

Ko jam jyä'äjty yë Elisejë, tä tyëjkëy kajpxtakpë, t'ënëmaay ja Wintsën: Wintsën, tyam ënät n'amëtoy ets xyaj'ëwatsëty yë wyiinëty. Ko ojts y'ijxwa'kxtë tä nyäjya'awëpyatëtë ko kajpn itkujkytyëm yajpaatë, jap Samaria.

Deuteronomio 28:34

Ko je'eyë xëmë xy'ijxnëty yë ëyo'on jotmay, tsuu poj nëjkx mjajnë.

Lucas 16:23

Jap ënäty y'ëyoy ja kumeenyjyä'äy ma ja o'kpë nyipätën, tääts ojts y'ijxë'ëky ets t'ijxpaty ko jam tsajpjotm yajpaaty ja Abraham mëët ja Lázaro.

Isaías 47:3

niwa'ats ëxwa'ats m'itëty, wä'än tyaj'ixy ja m'ëmaayajtën. Minës n'ëktuunwinpity ijxtëmës ëxëëk të njaty të nkëpetyën, ni pën xykya''akajpxtukëtyës oy jënu'un pën jyanu'kxta'akëty.

Lamentaciones 1:8

Yë Jerusalén nëkooyë të pyokytyuunë paaty ka'ap pën y'ëktsojkënë. Mëti'ipë ijty mëj'äämpy jyëkyajpëpën, tyam ka'ap pën y'ëk'ixanënë, jä'ä ko niwa'ats ëxwa'ats t'ijxnëtë. Paaty jyi'iy yä'äxy ets wintsëtyu'un jëjptsëtyu'un wya'akwinpity.

Jueces 3:2

Ya'atë ja kajpn mëti'ipë ojts ja Wintsën tyajwë'ëmyën ets ja ja'ay tnijawëtëty wi'ix mëpaat tsyiptuntën mëti'ipë ënäty ka'ap ja tsip të t'ixtën.

1 Corintios 12:23

Ets tu'kpëky ja ni'kx kopk mëti'ipë ka'ap nëkoo n'oyjya'awëmën, yë'ë wäänëni'ik wintsë'ëkë nyaj'ijtëmë; ets mëti'ipë ka'ap nyajnikëxë'këmën, yë'ë wäänëni'ik nkëwent'ajtëmë.