Génesis 3:19 - Biblia Mixe de Quetzaltepec

¹⁹ Mëk mtunëty ets mpëxyikëtëty, täänëm ja mka'ayën m'ukën xypyaatëty, jëtu'un mjuuky'atëty koonëm m'awinpitëty jatëkok naax, ma ojts mtsoonyën. Jä'ä ko mijts naax mëët m'oytyunyëty ets naax jatëkok mkawinpita'any.

Biblia Dc en Mixe de Quetzaltepec

¹⁹ Mëk mtunëty ets mpëxyikëtëty, täänëm ja mka'ayën m'ukën xypyaatëty, jëtu'un mjuuky'atëty koonëm m'awinpitëty jatëkok naax, ma ojts mtsoonyën. Jä'ä ko mijts naax mëët m'oytyunyëty ets naax jatëkok mkawinpita'any.

Génesis 3:19 ပူးပေါင်းရင်းမြစ်များ

Eclesiastés 12:7

Kom ok, naaxway jatëkok y'awinpity ja jot nini'kx, e ja jot ja'awën jam jatëkok wyimpity ma Tiosën, mëti'ipë jot ja'awën yäjkpyën.

Salmos 104:29

Pën mnäyu'tsëp tu'ktsojkyë ma yë'ëjëtyën, ënätyë tsyë'këtya'aktë; pën mijts myajxejytyujkpy, poj'am y'o'kta'atë ets jatëkok naaxway y'awinpitë.

Génesis 2:7

Paaty yë Wintsën ojts tu'uk yë naaxwiinyëtë ja'ay tyajkojy. Naax ojts yi'iyë t'oytyuunkojy, tä tjëjpmëpixëy ets tmooy jëtu'un ja jyuukyajtën. Jëtu'un ja naaxwiinyëtë ja'ay ojts jyuukpyiky.

Salmos 90:3

Mijts pojën yë naaxwiinyëtë ja'ay jatëkok xyaj'awinpity naaxway ko m'ënaankojnë: Awinpitë naaxway miitsëty naaxwiinyëtë ja'ayëty.

Efesios 4:28

Pën ijty mä'tspën, ka'ap y'ëkmä'tsnëty wä'än je'eyë tnitunë tii tsyojkpyën, wä'än tyajtuny ja kyë'ë ets tii tpaatëty mëti'ipë myo'ojëpën ja ëyoopëja'aytyëjk.

Eclesiastés 3:20

ko y'ooktë tyëkoytyë aakjam jyajta'aja'antë ma tu'uk nyijkxyën; naax ojts yajtuk'oytyuntë ets nän naax jatëkok y'awinpita'antë.

Génesis 18:27

Ënät yë Abraham ojts jatëkok y'ënaankojnëpë: Wintsën ëkmä'kx oy yam mijts jëtu'un n'ëkne'emy. Oy mijts mTiosëty, ëjts nitiijës nkakëjxmëty, naaxwiinyëtë ja'ayës.

Daniel 12:2

May ja mëti'ipë maatëpën jap naaxjoty, nëjkxëp jyuukywyijtë: Tam mëti'ipë nëjkx jyuuky'ätyën xëmëkyëjxm ets tam mëti'ipë nëjkx je'eyë tsyëtyuny jyääypyätë ets nëjkx ja ëyo'on tpaaty ja xëmëkyëjxmëpë.

Eclesiastés 1:3

¿Tii yë naaxwiinyëtë ja'ay tyimpatyp tyim'ijxyp? ko nëkooyë nyäyajtunyë.

Salmos 22:15

Jëtu'unës yë n'aaw tä texy apu'ujën; tëës yë nyä'än myëjtëtspäjnë npa'kxwiinyës. Jap ma o'kpë nyipetyën japës të xyajkëtä'äky.

Génesis 23:4

Oyës n'ëkjaaypyaat n'ëkjaaypyo'kxëty ma yaa miitsëty yë mnaax mkajpnëtyën, mëpaatës yë naax wäänë xytyukmëtooktë, ma tjëkyäpëtyën yë nto'oxytyëjk nyaaxtëkëtyën.

2 Tesalonicenses 3:10

Koos n'ijtë ma miitsëtyën, ojts ntuk'ënä'ämtë: Pën ka'ap tyuna'anyën, nän ka'ap kyäyëty.

Salmos 103:14

yë'ë wa'ats tnijawë tii ëëtsajtëm mëët n'oytyuny'ajtëmë; wa'ats tnijawë ko naaxway ëëtsajtëmë.

1 Tesalonicenses 2:9

Mëku'uktëjkëty, wa'ats ënät miits xyjyä'ämyätstë wi'ix ijty ntuntënës xëëny koots këtiipë myaj'atsiptëty ko ntukmëmëtyaktë ja oy aaw oy ayuk, mëti'ipë Tios jyä'ä'ajtypyën.

Eclesiastés 5:15

Jëtu'un tä myiinyën naaxwiiny, näjyëtu'un wyimpita'any; niwa'ats ëxwa'ats tä myëxu'unk'ajtyën, ka'ap ninu'un tmënëjkxa'any mëti'ipë ënäty të tnitunën.

Eclesiastés 1:13

Etsës ojts ni''ijxpëjkëtyä'äy winë, n'ijxtaay ntuuntaayës ets nmëmaay nmëtajyës tëkokyë mëti'ipë yaa naaxwiiny naaxkëjxy yajtuunp yajkajpxpën. Mëktuunk ets je'emty tyimy yë Tios të xymyo'oyëmë ets yë'ë mëët xynyaxmëtijëmëty.

Proverbios 21:16

Mëti'ipë ja'ay ka'ap yajxon winë tunyën jap jya'ta'any o'kpë itkujky.

Salmos 22:29

Winta'ak naaxkowtë ma yë'ëjën nitëkokyë jënu'un winë mëj këjää xymyëët'atën, tu'kë'ëyë jënu'un naaxway y'awinpita'antën, jä'ä ko ka'ap kë'ëm mnäyajjuuky'atëtë.

Job 21:26

Jap naaxjoty kyëtakta'atë, jap aak tu'knax yajpaatë; aak tsu'tsëtëp yë tënë'k ets pijky.

Job 19:26

Oyës jeexyë njot nini'kx jyatim nyëka'atääpyë wäänjaty, ëjts koonëmës yë Tios n'ixa'any wiinxë jëjpxë.

Job 1:21

Ënät y'ënäny: Niwa'ats ëxwa'atsës të nminy naaxwiiny, näjyëtu'unës jatëkok ntsoona'any. Wintsënës winë të xymyo'oy, nän yë'ëjës winë xypyëjkëjaanp; kënu'kxy mëjjawë yë Wintsën yë xyëëw y'ity.

1 Corintios 15:47

Ja jëwyiinpë ja ye'etyëjk mëti'ipë ojts yajtuk'oytyunyën ja naax, naaxwiinyëtë ja'ay jä'ä; e ja mëmäjtskpë, tsajpjotmëpë jä'ä.

Hebreos 9:27

Jëtu'un ijxtëm yajtuknipëjktakëyën ja ja'ay tuk'okyë y'ookëty ets yajnipaye'eytyëty.

Génesis 3:18

Jam naaxwinm muxëp yë aay ujts mëti'ipë kuumpën ets yajtsëtyujtpën. Yë aay ujts yë'ë mjë'kxëp.

Job 4:19

¿wi'ixpëm jëtää tu'uk yë naaxwiinyëtë ja'ay mëti'ipë ka'ap tii tkëjxmëtyën, mëti'ipë jëtu'un kojy mä'kxy ijtpën tä jëën tëjkën mëët yë mo'onts naaxwayjotypë kyojyëtyën ets kyutëkoyëty tä waanyën?

Salmos 104:23

Täänëm yë naaxwiinyëtë ja'ay tsyoony ets nyijkxy ma kyam tyu'ujën, tyuny jam tsuupaat koonëm jyajmony ets jyä'ty jatëkok ma tyëjkën.

Salmos 127:2

Ka'ap yë'ëjëty tsyowpaaty ko ja'ay tyunëty xëëwpaaty, pën oywyi'ix nyäyajkayë, yë'ë tsoowpatp mëti'ipë ja'ay Tios yajkaay yaj'ukëpën oy jyääjëty ko mya'atë pyo'kxtë.

Génesis 5:5

Paaty yë Adán jä'ä ojts kä'pxy jyuuky'äty taxtujk mëko'px ja i'px majk jëmëjt. Jä'ä ojts y'o'knë.

Job 10:9

Ja'amyäts ko naax mwinpëjkmujk etsës ojts xyajkojy, ¿e tyam näy naaxës jatëkok xyaj'awinpita'anyë?