Génesis 3:12 - Biblia Mixe de Quetzaltepec

¹² Ënät ja ye'etyëjk y'ëtsooy: Yë to'oxytyëjk mëti'ipës mijts të xymyo'oyën etsës xyjyämyëët'atëty, yë'ëjës të xymyo'oy yë ujtstëëm etsës të një'kxy.

Biblia Dc en Mixe de Quetzaltepec

¹² Ënet ja ye'etyëjk y'ëtsooy: Yë to'oxytyëjk mëti'ipës mijts të xymyo'oyën etsës xyjyämyëët'atëty, yë'ëjës të xymyo'oy yë ujtstëëm etsës të një'kxy.

Génesis 3:12 ပူးပေါင်းရင်းမြစ်များ

Génesis 2:18

Ënät ja Wintsën y'ënäny: Ka'ap yowë y'oyëty ko yë ye'etyëjk atu'uk y'ity. Minës ëpëky n'ëkyajkojy mëti'ipë putëkëtëpën.

Génesis 2:22

Mëët tääpë ja katsypyajk Tios ojts tyajkojy tu'uk yë to'oxytyëjk ets ojts tmo'oy ja ye'etyëjk.

Génesis 3:11

Ënät ja Tios tyajtëëy ets t'ënëmaay: ¿Pën të m'ënë'ëmxëty ko mniwa'ats m'ëxwa'atsëty? ¿Ijxkëm të xy'ëkjë'kxnë ja ujtstëëm mëti'ipë ntuk'ënëmaaytyën ets ka'ap xyjyë'kxtëty?

Job 31:33

Ka'apës yë npoky nijëna'a të nyu'utsy, jëtu'un tä wiinkpë y'ëtë'ëtstën ets ka'apës nijëna'a yu'utsy të nmëët'aty

Proverbios 19:3

Mëët yë'ë ko ja'ay tsyuujëty, paaty nyë'ëtëkoy tyu'utëkoy; ets ko jëtu'un jyäty, Tios pyoky'ijxyp.

Proverbios 28:13

Mëti'ipë ja'ay kyuyu'tsypyën yë pyoky, ka'ap oy jyuuky'ata'any; e mëti'ipë nyikäjpxypën ko tyuuntëkoy nëjkxëp yajpokymye'kxy.

Lucas 10:29

E ja tsajptëkotyëtë yaj'ijxpëjkpë mëj nyäyajnaxa'anyë paaty tjaaktimyajtëëy ja Jesús: ¿E pën jëtu'un nmëku'uk'ajtypës?

Romanos 10:3

Jä'ä ko ka'ap tja'akyyukëtë ko Tios yë'ë ja'ay yajnajxyp wa'ats, e yë'ëjëty kë'ëm tyäty nyäyajnaxa'anëtë wa'ats, ets jëtu'un ka'ap ja Tios tmëmëtowa'antë.

1 Samuel 15:15

Jam të tyajtsoontë Amalec, jëtu'un y'ëtsooy yë Saúl, yë tsiptuunpëtëjkëty paatykyëjxm të tyajmintë ets mWintsën yë'ë yajtukwintsë'ëkëty, e winëjaty tëëjës nyajkutëkooytya'atë.