Génesis 3:1 - Biblia Mixe de Quetzaltepec

¹ Ja tsa'any jaakwijy jëyujk ënäty ni'ik këtiinëm ja wiinkëtypë ja jëyujk mëti'ipë ja Wintsën të tyajkojyën, paaty tyajtëëy ja to'oxytyëjk ets t'ënëmaay: Jëtu'un ja Tios të m'ënë'ëmxëtë ets ka'ap xyjyë'kxtëty ja ujts mëti'ipë jap jë'kxy kyamjotyën ¿këtiijë?

Biblia Dc en Mixe de Quetzaltepec

¹ Ja tsa'any jaakwijy jëyujk ënety ni'ik këtiinëm ja wiinkëtypë ja jëyujk mëti'ipë ja Wintsën të tyajkojyën, paaty tyajtëëy ja to'oxytyëjk ets t'ënëmaay: Jëtu'un ja Dios të m'ënë'ëmxëtë ets ka'ap xyjyë'kxtëty ja ujts mëti'ipë jap jë'kxy kyamjotyën ¿këtiijë?

Génesis 3:1 ပူးပေါင်းရင်းမြစ်များ

2 Corintios 11:3

E tsë'këpës ko jëtu'un mjatëty ijxtëm ja Eva ojts ja tsa'any wyin'ëënyën, paatyës njëjpjawë ko miits nëjkx näjyëtu'un myajwin'ëëntë ets miits xykya'ëktsojknëtëty ja Kristë mëët ja oyjyot oywyinma'any.

2 Corintios 11:14

Ets ka'ap mëk nja'awëmëty, yë'ëpaat yë mëjku'u nyäpyëjktä'äkyë ijxtëm yë Tios kukäjpxy mëti'ipë ajajp atë'kxpën.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Apocalipsis 20:2

Tyaapë tsajpjotmëtë kukäjpxy myajts ja mëj tsa'any mëti'ipë yajtijpën mëjku'u ets Satanás ets tkë'ëtsuumy tekytsyuumy mëët ja mëj pujxntejpxy ets jëtu'un tu'uk mil jëmëjt y'itëty tsumy matsy.

Mateo 4:3

Ënät ja mëjku'u nyimiinë ets wyinma'any ixa'anyë, ets y'ënëmaayë: Pën Tios mijts mU'unk'ajtëp, t'ënëëmë ya'atë tsaa ets y'awinpitëty tsajpkääky.

Mateo 10:16

Ëk'ixtë. Jëtu'un yam miits nkäxtë ijxtëm ja kupixyny nyëjkxtën pa'uk'akujky. Wijy kejy mnäpyëjkta'akëtëty ijxtëm ja tsa'anyën. Yujy mnäpyëjkta'akëtëty ijxtëm ja pakën.

Mateo 4:6

ets y'ënëmaayë: Pën Tios mijts mU'unk'ajtëp, kupujtnax yaa, jä'ä ko jëtu'un ja Tios ja y'aaw y'ayuk kyëxja'ayëty: Tios kyäxäämpy ja y'anklëstëjk ets mkëwent'atëtëty, yë'ë mwijts'itanëp këtiipë mkunäpëty tsaakëjxm.

Isaías 27:1

Jä'ä xëëw nëjkx ja Wintsën tkupuxy mëët ja tyiypyujxn, mëjwiinpë këjääpë ets kutsë'ëkëpë ja mëj jëyujk mëti'ipë jap nëëjoty tsënääpyën, ja mëj tsa'any mëti'ipë näwyinxa'tsmujkëpën japë nëëjoty tsyëënën, mëti'ipë yajtijpën dragón ets Leviatán.

Eclesiastés 4:10

Ko tu'uk kyëtäy, tu'uk wyijtsë'ëky. Mon tuk yë ja'ay mëti'ipë nätyu'uk'ajtpën ko kyëtäy pën ëkwijtsë'ëkëtëp.

Mateo 4:9

ets y'ënëmaayë: Nmooytya'ajëp ya'atë kajpn pën xywyinkuxtënääpyës ets xy'ëwtajtpës.

1 Pedro 3:7

Näyjyëtu'un miits ye'etyëjkëty, wintsë'ëkëtë ja mto'oxytyëjkëty. Mëj'äämpy xyajnaxtëty ijxtëm pyaat'atyën. Mnijawëtëp ko yë'ëjëty ëmaay yajpaatë ets jä'ä të yajtuknipëjktaakëtë ets ja jyuukyajtën tpuyaktëty mëti'ipë ja Tios të tyukwinwanëtën tä tu'uk yë näkyumayën. Jëtu'unts tuntë këtiipë tii m'atsipëtëty ko ënäty ja Tios xyjyä'ämyätstë.

Apocalipsis 12:15

Ets ja mëj tsa'any mëj komnëë tyajpëtsëëmy y'aawjoty ets ja to'oxytyëjk tyajwinpajë'ëta'any,