Génesis 28:18 - Biblia Mixe de Quetzaltepec

¹⁸ Komjëpom ja Jacob ojts myä'äypyëtë'kojy tsojk ets ja tsaa tkoonë'ky mëti'ipë ënäty të tukmapetyën, tääts tänë tpëjktäky tä potsyën ets ojts tkënu'kxy mëët yë on ko tukniteemy.

Biblia Dc en Mixe de Quetzaltepec

¹⁸ Komjëpom ja Jacob ojts myä'äypyëtë'kojy tsojk ets ja tsaa tkoonë'ky mëti'ipë ënety të tukmapetyën, tääts tänë tpëjktäky tä potsyën ets ojts tkënu'kxy mëët yë on ko tukniteemy.

Génesis 28:18 ပူးပေါင်းရင်းမြစ်များ

Génesis 35:14

ënät ojts tu'uk yë tsaa tyajtënaakyukë ma ja it naaxwiinyëtën, ma ënäty ja Tios të myëkäjpxyën, tä tmooy yë oyajtën ets tuknija'axy yë on mëët yë tsatym nyëë tëëpë nyimaanaxyën, jam ma ja tsaajën mëti'ipë ënäty të tyajtënaaykyukën.

Génesis 31:45

Ënät ja Jacob tu'uk ja tsaa tkoonë'ky mëjpë ets t'ënyääytyäky kujkyë tä tu'uk yë xenyën.

Génesis 35:20

Jam ojts tu'uk yë potsy tyajpëtë'ëky yë Jacob, ma ënäty ja tyo'oxytyëjk Raquel të nyaaxtëkën, tyampaat ja potsy je'eyëm jam y'ity mëti'ipë tyukja'amyäjtstëp yë Raquel ma ojts nyaaxtëkën.

Génesis 31:13

Ëjts jëtu'un Tios'ajtp, mëti'ipë ojts xy'ixyën jam Betel, jam ma ojts xykyënu'kxyën ja tsaa ets waantakën xytyuuny mëët ëjts. Paaty tyam jam ënät. Pëtë'ëk ets mtsoonëty ma ya'atë it naaxwiinyëtën. Nëjkx jatëkok ma ja mnaax mkajpnën ma ojts mëxu'unk'atyën.

Isaías 19:19

Ets nëjkx tyajkojtë tu'uk ja wintsë'këntyakn jap Egiptë, jam ma ja tsëpa'anën, jam tu'uk tsaakopk tyajpëtë'ëka'antë mëti'ipë Wintsën tyukmëjjawëjantëpën.

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

Salmos 119:60

Ëjts janty pe'tymyës të nnäkyojyë, ka'apës nëkoo të npo'oxy etsës të npatuny ja m'ënä'ämën mtëyajtën.

2 Samuel 18:18

Ko ënäty ja Absalón jyuuky'ätynyëm, ojts tu'uk tni'ënä'ämë ets yaj'oytyunëty yë tsaapotsy, tam ja yajpaaty ma ja joyjyotën mëti'ipë yë yajkutujkpë jyä'ä'ajtypyën ets jëtu'un txëëwmooy tä yë'ë txëëwatyën, jä'ä ko ja Absalón ka'ap ijty yë y'u'unk tii, e tyampaat tääpë itjot jä'ä yajtijy Absalón tsyaapotsy.

1 Samuel 7:12

Tä ja Samuel tkoonë'ky tu'uk yë tsaa ets tpëjktäky ma mëët nyäpyaatëtën yë Mizpá ets Sen. Tä txëëwmooy jampë it naaxwiinyëtë Eben-ézer, jä'ä ko tyaa y'ënäny: tyampaat yë Wintsën të xypyutëjkëmë.

Números 7:1

Jä'ä xëëw ma ojts ja Moisés tyaj'apatëtyä'äyën ja Tios ja wyittëjk. Ënät ojts tkënu'kxy mëët yë on ets jëtu'un tkënu'kxtaay winë jënu'un ënäty tyuna'anyën ma ja Tios ja wyittëjkën ets mëti'ipë tunaanpën ma wintsë'këntyaknën.

Génesis 22:3

Komjëpom janty tsojk ja Abraham ojts pyëtë'kojy ets ojts ja jyëyujk tniwëëny. Ënät ojts ja nyija'axy tpujxë ja wintsë'kën ets ojts nyijkx jam ma ja itjotmën ma ënäty ja Tios të tyuk'ënë'ëmxëtyën, tu'ukyë mëët ja Isaac ets nimäjtsk ja tyuunpë.

Génesis 28:11

Tä ojts jyä'ty ma tu'uk ja it naaxwiinyëtën, jam ja tsuu tyajnajxy. Jä'ä ko tëë ënäty kyutsu'ujënyë. Tä tu'uk ja tsaa tkoy'äjty mëti'ipë ënäty jam koonääpyën ets ojts jëtu'un myä'äy.

Josue 4:9

Ëpëky ojts yë Josué näjyëtu'un tkoontä'äky majkmäjtsk yë tsaa jap nëëjoty ma ënäty ja teetytyëjkëty të tmëtänëtën ja kaaxë mëti'ipë ja käjpxytyu'unën myë'ijtypyën. Tääpë tsaa jap ojts wyë'ëmtë tyampaat.

Génesis 21:14

Komjëpom, ënät yë Abraham tni''ijxëy yë tsajpkääky ets ka'ayën ukën ets tukë'ëtëjkëy yë Agar ets nyëjkxnëty ets näjyëtu'un tmooy yë y'u'unk Ismael, ënät ojts tsyo'onë yë Agar jam ma Abraham yë tyëjkën, ni yë'ë tkanijawë mëti'ipë tu'u nyijkxyp jam ma ja të'ëts'itjot txëëwatyën Beerseba.