Génesis 28:14 - Biblia Mixe de Quetzaltepec

¹⁴ Yë m'u'unk m'ok jëtu'un nyimay'ata'antë ijxtëm yë naaxwayën ets xiitsow yaatsow tyajwintuka'antë yë naaxwiinyëtë, jëtu'un anëkëjxy'äämpy ets ëpa'tkë'ëy'äämpy, a'oytsyow ets anajnytsyow. Tu'kë'ëyë ja'ayëty kënu'kxy y'ita'antë mëët mijtskyëjxm ets m'u'unk m'ëna'këty.

Biblia Dc en Mixe de Quetzaltepec

¹⁴ Yë m'u'unk m'ok jëtu'un nyimay'ata'antë ijxtëm yë naaxwayën ets xiitsow yaatsow tyajwintuka'antë yë naaxwiinyëtë, jëtu'un anëkëjxy'äämpy ets ëpa'tkë'ëy'äämpy, a'oytsyow ets anajnytsyow. Tu'kë'ëyë ja'ayëty kënu'kxy y'ita'antë mëët mijtskyëjxm ets m'u'unk m'ëna'këty.

Génesis 28:14 ပူးပေါင်းရင်းမြစ်များ

Génesis 12:3

Nkënu'kxäämpyës mëti'ipë ënäty mkënu'kxëpën, npokäämpyës mëti'ipë ënäty mpojkëp mijts kyëjxmën; mëët mijtskyëjxm nkënu'kxta'ajäämpyës yë ja'ay naaxwiinyëtë apëtsëmy.

Génesis 26:4

Yë m'u'unk m'ok jëtu'unës nyajnimayëja'antë ijxtëm yë mëtsa'a mëti'ipë tsajpjotm këxë'kpën. Miitsëty nmo'ojantëp tëkokyë ya'atë naax kam ets näjyëtu'un nkënu'kxta'ajäämpyës naaxwiinyëtë ja'ayëty mëëtkyëjxm mijts yë m'u'unk m'ok.

Hechos 3:25

Miitsëty tëë myajtukumaytyë ja Tios ja wyaantakën mëti'ipë ja käjpxynyajxpë ojts nimëtya'aktën, ets tëë näjyëtu'un myajtukumaytyë mëti'ipë ja Tios kyäjpxytyuunën mëët ja m'ap m'okëty: Ni'ëmukë ja naaxwiinyëtë ja'ay nëjkx yajkënu'kxtë ko ënäty yajkënu'kxtë ja m'u'unk m'okëty.

Génesis 22:18

ets tu'kë'ëyë yë naaxwiinyëtë ja'ayëty nkënu'kxta'ajäämpyës mëët mijtskyëjxm, jä'ä koos mijts të xymyëmëtoy.

Génesis 18:18

Jä'ä ko teety'ataanp yë'ë ma ja mëjpë ets mëkpë ja naax kajpnën. Yë'ëjës të ntukmëkënu'kxë ja'ayëty ma tu'kë'ëyë naax kajpn ets ma naaxwiinyëtë y'ëwtityën.

Génesis 13:16

Ëjts nyajnimayëjäämpy ijxtëm naaxwayën yaa naaxwiiny, jëtu'un tä ka'ap tjëkyäpëtyën yajmëtyowëty tä naaxwayën.

Génesis 13:14

Ma ënäty ja Lot të nyäjyëkäjpxyën mëët ja jyämy Abram, ënät ja Abram ojts ja Tios myëkäjpxyë ets y'ënëmaayë: Ma jam mtänën ëk'ix ëktun mwiintuuytsyow ets mjëxkë'ptsow, anajnytsyow ets a'oytsyow.

Gálatas 3:16

Näyjyëtu'un ënät, Tios ojts tukwinwanë ja Abraham mëët ja y'u'unk y'ok ja oypyë ja juukyajtën. Yë Tios yë y'aaw y'ayuk ka'ap ni'ëmukë ja'ay tijta'ay: U'unk ok, jä'ä y'ënäny mijts yë m'u'unk m'ok, ja Kristë yajtijp.

Gálatas 3:8

Ma ja Tios ja y'aaw y'ayuk këxja'ay myinyën, tap nimëtyä'äky ko mëpëjkënkyëjxm ja ja'ay oy wyi'imy mëët ja Tios mëti'ipë ka'ap jyutiisëty ets jëtu'un ja Abraham yajtuk'ëwa'anëy ja oy aaw oy ayuk ko ja Tios y'ënëmaayë: tu'kë'ëyë naaxwiinyëtë ja'ay kënu'kxy nëjkx wyë'ëmta'atë mëëtkyëjxm ko mijts të mmëpëky.

Apocalipsis 7:9

Ko jëtu'un y'ëkjajty, ënätës n'ijxy ja nimayjyä'äy, mëti'ipë tso'ontëpën wiink naax wiink kajpn ets wiink aaw wiink ayuk kyajpxtëp. Jam tyänëtë ma ja kutujktaknën ets ma ja Kupixynyën, nimay yajxon ka'ap tjëkyepy nmëtyo'owmëty. Poop xoxyëty, kum aay myënëjkxtëp.

Efesios 1:3

Mëjjaw jaantyjawë nyäxy ja Tios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

Mateo 8:11

Tyam miits n'ënëëmëtë ko may ja ja'ay nëjkx myintë xëëwpëtsëmy ets xëëwkëtä'äky ets nyaaxwäätstëty kääpyë ukpë mëët ja Abraham, Isaac ets ja Jacob ma ja tsajpjotmëpë kutujktaknën.

Salmos 72:17

Wä'än yë yajkutujkpë yë xyëëw xëmëkyëjxm t'ity; wä'än jëtu'un tjeky yë myëj'ajtën ets xyoontakën tä xëëwën. Wä'än kanaak yë naax kajpn t'itë kënu'kxy mëët yë'ëkyëjxm. Wä'än tëkokyë yë naax kajpn yajnimëtya'aktë akujk jotkujk.

Deuteronomio 12:20

Ko ënäty ja Wintsën të tyajwintu'upëjkta'aynyë ja mnaax mkajpn jëtu'un tä të tnikäjpxyën, miits mjëkyäjptëp xytsyu'utstëty yë mtsajpkaajëty ëkë oy tyimtiijëty ets oy tyimjëna'ajëty.

Números 23:10

Jëtu'un yë'ëjëty tä naaxwayën. ¿Pën y'ëkmëtyowëp? ¿Pën ëkmayëtëp tnijawëty jënu'un nyimay'atë? Jëtu'unës njatsoky, jeexyë n'ookyës ntëkoyës tä yë'ëjëtyën. Wa'ats, nitii tuuntëko'oyën tkamëët'atë etsës jeexyë jëtu'un nkëxy nnaxy, tä yë'ëjëtyën.

Génesis 32:12

Mijts jëtu'un të m'ëna'any koos oy mëk xyajwinpita'any ets ko may ja n'u'unk n'ëna'kës xymyo'oja'any. Jëtu'un xyajnimayëja'any tä nëë'ajinën, ka'apë tjëkyepy yajmëtyowëtyën.

Apocalipsis 7:4

Jëtu'un të nmëtoyës ko mëko'px ja wëxtyikxy majktaxk mil të yajtsa'atë ja Israel ja'ayëty, ja nimajkmäjtsk pëkpyë ja Israel ja y'u'unk y'ok.

Génesis 13:15

Ëjts mijts nmo'ojäämpy tu'kë'ëyë ya'atë naaxwiinyëtë mëti'ipë m'ijxypyën ets xëmëkyëjxm mijts mjä'ä'atëp ets näjyëtu'un yë m'u'unk m'ok.

Génesis 22:17

ko nkënu'kxa'any mëjwiin këjää. Yë m'u'unk m'ok janty nimay y'ita'antë jëtu'un tä yë mëtsa'ajën ets jëtu'un nyimay'ata'antë ijxtëm yë jin kyëxë'ëkyën nëë''ëkë'ëy. Yë'ëjëty xëmë tmëmëta'aka'antë yë myëtsipëty,

Génesis 48:16

Yë Tios yë tsyajpjotmëtë kukäjpxy mëti'ipës xyaj'ëwaatsëpëtsëëmpën ma ëxëëkpë jëpyëkpën. Yë'ë kyënu'kxëp jyëkyäpëp ya'atë ëna'këty. Mëët yë'ëkyëjxmëty ja'amyetsy xëmë yë nxëëwës y'itëty ets xyëëw yë nteetyës n'apës Abraham ets Isaac. Myëët'atëp nimay yë y'u'unk y'ëna'këty, ets jëtu'un nimay y'itëty tsyëënëtëty yaa naaxwiiny.

Génesis 48:19

E yë tyeety ka'ap jëtu'un t'a'ijxëy ets y'ëtsooy: Ëjts nija'ap u'unk, ëjts nija'ap; yë'ë nëjkxëp näjyëtu'un yë kyajpn y'awinpity mëjwiin këjää, je'eyëp ko ni'ik nëjkx mëj'äämpy y'ity yë y'uty yë nyaax kyajpn ets y'u'unk y'ok wäänë nimay nëjkx yë nyaax kyajpn tyaj'ixta'aktë.

Deuteronomio 13:17

Nitii xykyamëwë'ëmtëty, mëti'ipë ënäty yë Wintsën të tuknipëjktaakën kyutëkoyëty ets jëtu'un nëjkx ka'ap mtukjoot'anpëkëtë. Ni'ikyë nëjkx mpa'ëyow mnajts'ëyowëtë ets nëjkxëp myajmëj myajmayëtë jëtu'un tä ojts tukwinwanën ja m'ap m'okëty.

2 Crónicas 1:9

E mijts Wintsën, yë'ë yam ntuk'ënëëmëjäämpy ko ntsojkpyës ets y'atëwëty ja m'aaw m'ayuk mëti'ipë mtukmëtoowën ja nteetyës David, ix tëëjës xytyuknipëky n'ënä'ämëty ntu'uwinwowëtyës ja mnaax mkajpn, ma ja ja'ay jëtu'un nyimayëtyën tä naaxway naaxjokën.

Isaías 54:3

jä'ä ko mijts anajny aka'any mkëjääjëja'any; yë m'u'unk m'ok nëjkxëp ja naax kajpn may tniwa'aktë ets nëjkxëp twintsëna'ayëtya'atë yë it naaxwiinyëtë mëti'ipë tyam aanë'ëk tëëtsë'ëk yajpatpën.

Éxodo 32:13

Yë'ë ja'amyäts mëti'ipëjaty oy mmëtuunën tä yë Abraham, Isaac ets Jacob, mëti'ipës ojts kë'ëm xy'ënëëmë ma ja mxëëw kë'ëm xytyukkajpxpejtyën. Ëjts nyajnimayëjäämpyës yë m'u'unk m'ok, jëtu'un nyimay'atëty tä yë mëtsa'ajën, mëti'ipë jamën tsajpjotm ets ya'atë it naaxwiinyëtë, mëti'ipë yam ntukwinwa'anëtyëpën yë'ëjës nmo'ojantëp.