Génesis 28:10 - Biblia Mixe de Quetzaltepec

¹⁰ Ënät ja Jacob tsyo'ony jam Beerseba ets ojts ja tu'u tpëky, mëti'ipë ja'ajtpën Harán.

Biblia Dc en Mixe de Quetzaltepec

¹⁰ Ënet ja Jacob tsyo'ony jam Beerseba ets ojts ja tu'u tpëky, mëti'ipë ja'ajtpën Harán.

Génesis 28:10 ပူးပေါင်းရင်းမြစ်များ

Hechos 7:2

Tääts ja Esteban y'ëtsooy: Mëku'uktëjkëty, mëjja'aytyëjkëty, amëtoow'ijtëkës. Ko ja nteety'ajt n'ap'ajtëmë Abraham tsyënaay jam Mesopotamia, ka'anëm ënäty nyijkx tsënääpyë ma ja it txëëwatyën Harán, ko ja Tios mëjpë jaantypë ojts nyänyikëxë'ëkyë ma yë'ëjën.

Génesis 32:10

Ëjts ka'apës xyjyapaaty, je'eyë mijts oy tsuj xymyëët'atyës. Koos ya'atë Jordán mëjnëë ntuknajxy, yi'iyës ënäty nkë'ëkap'ajtypyës yë ntajkës, nitiijës ënäty nkamëëtëty. E tyam mäjtskpëkyës të nyajwä'kxy mëti'ipës nmëët'ajtypyën.

Génesis 11:31

Taré ojts jam tsyo'onë Ur ma ja Caldeo ja'ayëty ja nyaaxjotmën ets ojts nyijkxy ma ja it naaxwiinyëtë txëëwatyën Canaán. Ojts twoownëjkxy ja y'u'unk mëti'ipë xyëëwajtypyën Abram ets ja y'ok'u'unk mëti'ipë xyëëwajtypyën Lot ets ja tsyë'ë Sarai. E ko jya'ajtë ma ja kajpn txëëwatyën Harán, jam ojts wyë'ëmtë tsënääpyë.

Oseas 12:12

Ojts yë Jacob jam nyaskääkë Aram ets jam tnituuny yë tyo'oxytyëjk, kupixyny këwent'ajtk jam tyuunk'ajt.

Hechos 25:13

Kom ok ja yajkutujkpë Agripa ets ja Berenice ojts nyëjkxtë jam Cesarea ets tkajpxpo'kxa'antë ja yajkutujkpë Festo.

Génesis 12:4

Ojts yë Abram jam tsyoony Harán ijxtëm ënäty yë Tios të y'ëne'emyën, jä'ä ënäty yë jyëmëjt tëkë'px majkmokx ko jam tsyo'ony ets ojts nyijkxy jam Canaán nyaaxjotm.

Génesis 12:5

Ojts yë tyo'oxytyëjk näjyëtu'un twoownëjkxy mëti'ipë xyëëwajtypyën Sarai ets ja tsyojkmaank mëti'ipë xyëëwajtypyën Lot. Näyjyëtu'un ojts tyajnëjkxta'ay tu'kë'ëyë jënu'un ënäty winë tjä'ä'atyën ets ja tyuunpëtëjk ninaak tmëët'atyën jam Harán. Ko jyajtë jam Canaán,

Génesis 26:23

Jam ojts tsyoony yë Isaac ets nyijkxy Beerseba.

Génesis 27:43

Paaty mëtoowit mëti'ipë tyam ntuk'ënëëmëjäämpyën. Kä'äk ets nëjkx jam Harán, jam mja'tëty ma ja tyëjkën ja n'ayës Labán.

Génesis 29:4

Tä ja Jacob tyajtëëy ja mëti'ipë ënäty kupixyny këwent'ajtëpën: ¿Maa mtsoontë jëëkyëty mëku'ukëty? Ënät y'ëtsoowtë: Harán ëëtsëty ntsoontë.

Génesis 46:1

Ënät ojts yë Jacob tyu'utëkë mëët tu'kë'ëyë mëti'ipë ënäty myëët'ajtypyën. Ko ojts jyä'ty jam Beerseba, ënät ojts ja Tios twintsë'ëkë, yë tyeety Isaac yë Tyios.

Éxodo 33:1

Tä yë Tios t'ënëmaay yë Moisés: Nëjkx ënät tyam, tsoon yaa ma ya'atë it naaxjotmën, woownëjkx ya'atë naax kajpn mëti'ipë jap mju'tën Egiptë. Jam tyam nëjkxtë ma ja it naaxjotmën mëti'ipës ojts ja Abraham, Isaac ets Jacob ntukwinwanëtën, koos yë y'u'unk y'okëty nmo'oja'antës tääpë it naaxwiinyëtë.

Génesis 35:1

Ënät yë Tios t'ënëmaay yë Jacob: Pëtë'ëk ets nëjkx jam mtsëënë Betel, jam xy'oytyunëty tu'uk yë wintsë'këntyakn, mëti'ipë Tios jyä'ä'atëpën, ma ojts nyänyikëxë'ëkyën ma mijtsën ko ënäty ja m'ajty Esaú xykyuke'eky.

Génesis 35:7

Tä ojts tu'uk tyaj'oyë yë wintsë'këntyakn ets jä'ä txëëwmooy El-betel, paaty jëtu'un txëëwmooy jä'ä ko jam ojts yë Tios t'ixy, ko ënäty ja y'äjty tkuke'eky.