Génesis 27:28 - Biblia Mixe de Quetzaltepec

²⁸ Tios mo'ojëtëp ja nëë tuu tsajpjotmëpë tsyoonyën, ets mnëë mmok may xyajpëtë'ëktëty, mëti'ipë mkayëp m'uukëpën.

Biblia Dc en Mixe de Quetzaltepec

²⁸ Dios mo'ojëtëp ja nëë tuu tsajpjotmëpë tsyoonyën, ets mnëë mmok may xyajpëtë'ëktëty, mëti'ipë mkayëp m'uukëpën.

Génesis 27:28 ပူးပေါင်းရင်းမြစ်များ

Deuteronomio 33:28

Yë Israel nitii tkamëmayä'äny tkamëtajja'any, xëmë nëjkx jotkujk jyuuky'äty, yë'ë ets y'u'unk y'ok. Ma kyam tyu'ujën, ma tsyajpmokamën ets tsatym kyamën tyajyony tyajjiitsyën, yajxon nëjkx wyintë'ëwxëty, ja nëë tuu mëti'ipë tso'onpën jam tsajpjotm, ka'ap y'ëmaaytya'aka'any.

Deuteronomio 33:13

Ënät ojts tkënu'kxy yë José mëët ya'atë aaw ayuk: Yë Wintsën yë'ë kyënu'kxëp yë mkam mtu'u, ets tyajkëta'akëty yë nëë tuu, mëti'ipë jok yoots jam myëtso'ompyën nëëjoty wokjoty.

Salmos 133:3

Jëtu'un tä maanik jam kyä'äyën ma ja Hermón kopkën, jyënäky jëtu'un ma Sión kopkën ets jam ja Wintsën ja juukyajtën winë xëëw winë jëmëjtpë tyajkëtä'äky.

2 Samuel 1:21

Nijëna'a nëjkx jam kya'ëktuu kya'ëkpojnë, nän ka'ap yë maanik jam y'ëkëtaknëty, jam ma ja tun kopk txëëwatyën Guilboa, jä'ä ko ma tääpë itjotmën o'kën yë jam të y'ity. Jam yaj'atä'än yajtukta'antë ja tsiptuunpëtëjkëty ja pyujxnëty kyu'umënëty. Jam ojts yaj'ijxtëkooynyë ja pujxn mëti'ipë ijty ja Saúl nätyuk'akëëytyujkëpën.

Deuteronomio 32:2

Jëtu'unës yam ya'atë aaw ayuk najtsmatsëja'any, tä tyu'uy pyojyën, ets jya'tëty jap ma jot winma'anyën, tä yë maanikën, tä yë tuu kyëtä'äkyën naaxkëjxy ets tä yë maanik tyajxookyën yë mëëynyak.

Deuteronomio 7:13

Nëjkxëp mtsokëtë mjawëtë, mkënu'kxëtë ets myajmëj myajmayëtë; nëjkxëp tkënu'kxy ja m'u'unkëty m'ëna'këty, mpëjktä'äkyëty, mjë'kxyëty mpëkyëty, mka'ayënëty m'ukënëty, m'uukyëty mtojkxëty ets ja mjëyujk mtsajpkaajëty jam ma ja it naaxwiinyëtën ma ojts Tios ja m'ap m'ok tukwinwanën.

Zacarías 8:12

Jä'ä ko yajpaataanp ja jotkujk'ajtën ma yë'ëjëtyën. Nëjkxëp tyëëm'aty ja tsatym; nëjkxëp y'ity wyintëy winë kamwinm; ets nëjkxëp myaaniky. Ets nmooytya'aja'antës ya'atë naax kam ja ja'ayëty mëti'ipë ënäty të jyaakwë'ëmtën.

Joel 2:19

jëtu'un y'ënäny: Tyam ntuknikäxtëty yë tsajpmok, yë tsatym nyëë ets on, mapaat mku'uxëtën; ka'apës nijëna'a n'ëkyajkutukanë ets naax kajpn mëti'ipës ka'ap xy'ixy'ätyën mtukxi'ikëtëty.

Isaías 45:8

Ëjts nkäxäämpyës yam këjxm yë nmëk'ajtënës ets nmëta'aka'anyës ma tsip y'ityën, jëtu'un tä myaanikyën ets tä tyuuyimyën ets jëtu'un nyaaxkëta'aka'any, jëtu'un ja nitsokën y'ita'any ets jyää'ata'any ja tëypyë nipaye'eyën.

Salmos 104:15

yë ka'ayën ukën mëti'ipë mëjaaw moopyën, ets tsatym nyëë mëti'ipë yajjotkujktakpën, ets wyiin jyëjp yaj'ixy tim o'oyëtyääpy yowë.

Salmos 36:8

Ku'uxyë wyë'ëmtë mëët ja ka'ayën ukën mëti'ipë jam yajpatpën ma mjëën mtëjkën; e ja nëë mëti'ipë mtuk'ukpyën yë'ë mëti'ipë tso'onpën ma taxnëëjën mëti'ipë jämyë mu'tpën,

1 Reyes 17:1

Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

Números 18:12

Mijts yam näjyëtu'un nmoopy ja aaytyëëm ujtstëëm mëti'ipë ëka'any tëëm'ajtë'kpën, mëti'ipë yë Israel ja'ayëty xytyuknimiintëpës winjëmëjt: tä yë olivë onën, tsatym nyëë mëti'ipë tëë nyimaanaxyën ets tsajpmok, tëkokyë aakyë'ë oyjyätyëtypë.

Hebreos 11:20

Mëët ko myëpëjky ja Isaac, ojts ja y'u'unk Jacob ets Esaú tukwinwanë ja kënu'kxën.

Zacarías 9:17

Janty oy janty tsuj nëjkx yaj'ixy yë naax kajpn. Tam'ataanp may yë tsajpmok ets tsatym nyëë; yë n'u'unk'ajt n'ëna'k'ajtëm ye'etyëjkpë to'oxytyëjkpë, oy tsuj nëjkx yääktë pyätë.

Miqueas 5:7

Ja kajpn ja itkujkpyë, ja Jacob ja y'u'unk y'ok mëti'ipë ënäty të jyaakwë'ëmtën, jëtu'un nëjkx nyaxtë tä maanikën mëti'ipë kyejxypyën yë Tios, tä tuupojën mëti'ipë ujtskëjxy ka'apën, mëti'ipë ka'ap yë'ëjëty ja'ay tuknipëjktaakën.

Jeremias 14:22

¿Wä'än jëtää tyajtu'ujëty tu'uk yë tios mëti'ipë ka'ap tyiosëtyënë? ¿Wä'än jëtää kë'ëmwinma'any tsyoony yë nëë tuu tsajpjotmë? Ka'ap Wintsën mëti'ipës nTios'ajtëpën, mijts yë nëë tuu mkejxyp, mijts winë mtuuntääpy, paatykyëjxm mijts myaj'ëwxity.

2 Crónicas 2:10

E mijts yë'ëts mnijawëp, koos ntukniyakëjäämpyës mtuunpëtëjk mëti'ipë ja'axy pyujxtëp ets kepypyujxtëp, ëjts yë'ëjës nyakäämpy taxk millon ja taxk mëko'px mil mëjtsim yë tsajpmok, näjyëtu'un mutsk mok ets taxk mëko'px ja wëxtyikxy myëjtsim yë uuky ets näjyëtu'un yë on.

1 Reyes 5:11

e ja Salomón ojts näjyëtu'un ja Hiram tmo'oy ja jë'kxy pëky mëti'ipë ënäty të pyëjktsoyën ets yë'ë jam tyajtunëty ma ja kyutujktaknën; jä'ä tmooy winë, tu'kmillon ja mëko'px tsim yë tsajpmok ets majktaxk mil ja majktaxk mëko'px tsim ja olivë on oypyë. Jëtu'un ja Salomón ijty tuknikexy winë ja Hiram, winjëmëjt.

Josue 5:6

Yë Israel ja'ayëty wëxtyikxy jëmëjt jam jyëtijtë të'ëts'itjotm, ja ja'ayëty mëti'ipë jap tso'ontën Egiptë tëë ënäty y'o'ktaaynyëtë, mëti'ipë jyëkyäjpnëtëp tsyiptuntëty. Tääpë ja'ayëty ka'ap ënäty të tmëmëtowtë ja Wintsën, paaty ojts yajxon tyim'ënëmxëtë ko ka'ap nëjkx tyëkëtë ma ja it naaxwiinyëtën mëti'ipë të yaj'ëwaanëtën ja y'ap y'okëty ko yë'ë yajmo'oja'antë ja it naaxwiinyëtë ma ja jë'kxy pëky ka'ap y'ëmaaytyä'äkyën.

Génesis 49:20

Yë Aser këjää nëjkx tmëët'aty mëti'ipë jyë'kxëp pyëkëpën; Yakäämpy yë ka'ayën ukën oypyë, jëtu'unpë tä yajkutujkpëtëjk kyääky y'uukyëtyën.

Génesis 45:18

ets xytyuknimintëtyës ja mteety mëët ja y'u'unk y'ëna'k y'u'unk y'ok ets ja y'u'unk tyo'oxytyëjkëty. Ëjts nmo'ojëp yë nyaax kyam yaa Egiptë ets jyi'kxëty pyikyëty oyëtypë, mëti'ipë yaa yajpatp yaj'ijxpën ma ya'atë naax kajpnën.

Romanos 11:17

Jëtu'un ja jutiis ja'ayëty ijxtëm ja olivë kepyxye'entyën mëti'ipë të yajkatspuxyën; ets mijts mëti'ipë ka'ap jyutiis ja'ayëty, jëtu'un ijxtëm ja pa'olivos xe'entyën ets të myatukpu'ootsë ja olivë kepy mëti'ipë mëtëyën. Ets të m'awinpity ijxtëm jeexyë mijts mjanty olivë'atën.

Números 13:20

Pën ijtp wintëëp winë, ëkë pën ka'ap; pën oyëty ja aay kepy mëti'ipë jam yajpatëpën, ëkë pën ka'ap. Këtii ninu'un mtimtsyë'ëkëtëty. Mëmintëp ja aaytsya'am ujts tsa'am, mëti'ipë jam ijtp wintëëpën. Ko ojts jam nyëjkxtë, yë'ë ënäty tsatym pyiiwk tso'ontakp.

Génesis 27:39

Ënät ja Isaac y'ënäny: Mijts mëjëkäm'atëp ja naax kam ma winë y'ity wyintëyën, ets ma ja nëë tuu xëmë kyä'äyën.

Génesis 27:37

Ënät ja Isaac y'ëtsooy: Ëk'ix, yë m'uty Jacob yë'ëjës të nmo'oy ja kutujkën ma mijtsën etsës të n'ënëëmë ko tuunpë'atëty ja jyiiky myëku'uk ets ko tmëët'atëty ja jyi'kxy pyiky mëj këjää. ¿Tiijës ënät tyam ntuunta'akëp mëët mijts u'unk maay?

Génesis 49:25

Nkukajpxëpës mëti'ipë yë mteety Tyios'ajtypyën, yë'ë mputëkëjanëp, yë Tios mëti'ipë mëk'ajtën myëët'ajtypyën, yë'ë mkënu'kxanëp. Yë kënu'kxën mëti'ipë jam tsajpjotm tso'onpën. Yë kënu'kxën mëti'ipë jap këkmejyjoty ijtpën. Yë kënu'kxën mëti'ipë yë taak tsi'tsk myëët'ajtypyën jyootjoty.

Proverbios 3:20

Yë'ë mëët yë wijyajtën ojts tyajnäywyä'kxyë yë mëjnëë, ets näjyëtu'un tyajtso'ony yë maanik yootsjotm.

Proverbios 19:12

Ko tu'uk yë mëj ënä'ämpë jyoot'anpëky, jëtu'un yë'ë tä tu'uk yë mëj kaa nyiitsyën; e ko oy nyäjyawëty, jëtu'un tä yë maanik kyä'äyën ujtskëjxy.