Génesis 26:8 - Biblia Mixe de Quetzaltepec

⁸ Nyäjxy jëtu'un ja xëëw po'o xëëw jëmëjt yë'ë jam ojts wyi'imy. Tëkok yë Abimélec jam ënäty y'ijxnaxy vyentanë joty, ko t'ijxy ja Isaac twinkoy t'akoy ja Rebeca.

Biblia Dc en Mixe de Quetzaltepec

⁸ Nyäjxy jëtu'un ja xëëw po'o xëëw jëmëjt yë'ë jam ojts wyi'imy. Tëkok yë Abimélec jam ënety y'ijxnaxy vyentanë joty, ko t'ijxy ja Isaac twinkoy t'akoy ja Rebeca.

Génesis 26:8 ပူးပေါင်းရင်းမြစ်များ

Isaías 62:5

Jëtu'un tä tu'uk yë yä'äy ëna'k pyikyën mëët ja kiixy, jëtu'un ja Tios mpëka'anyë, nëjkxëp myaj'oyëty ets jotkujk nyäjyawëja'anyë mëët mijts tä tu'uk ye'etyëjk nyäjyawëtyën ko pyiky mëët ja tyo'oxytyëjk.

Cantares 2:9

Jëtu'un ja ye'etyëjk mëti'ipës ntsojkpyën tä tu'uk jëtsyu'ujën; tä tu'uk jëtsyu'u u'unkën. Tap tëjk ëkë'p, ma tëjk'aawën, jam ma tëjk nyi'ëwa'atsajtën y'ijxnaxy, jam y'ijxwoony ma wäänë y'ëwa'atsëtyën.

Proverbios 7:6

Jëtu'un tëkok n'ijxyës jamës ënäty n'ijxwoony ma tëjk nyi'ëwa'atsëtyën,

Jueces 5:28

Yë Sísara ojts yë tyaak jyi'iy yä'äxy ma tyëjkën, ventanëjoty y'ijxnajxy ets y'ënäny: ¿Wi'ix jëtää ko pyo'oxy ja pyujxn wintëkäänpë mëti'ipë tyuktsiptuunpyën?

Eclesiastés 9:9

Tukxoontä'äky yë juukyajtën mëët ja to'oxytyëjk mëti'ipë mtsojkpyën mja'apën, janaam jatsojk xytyukxon xytyuk'itëty yë mjuukyajtën tsojkyëpë nyäxyën naaxwiiny naaxkëjxy; yi'iyë tu'ukyë mpatëp xytyukxoonta'akëty naaxwiiny naaxkëjxy.

Génesis 26:7

E ko ja ja'ayëty ënäty tyajtëwtë ja Isaac mëëtkyëjxm ja Rebeca. Isaac tsë'këp ënäty y'ëna'anëty ko to'oxytyëjkëty. Paaty je'eyë t'ënëmaay ko t'utyëty. Rebeca janty'oy ijty y'ixëty. Tä ja Isaac myäy tyäjy, ko ja ja'ayëty y'ëktukyajku'o'kënëty, mëët ko ja tyo'oxytyëjk y'oyëty.

Génesis 26:9

Ënät tmëjwooy, tä t'ënëmaay: Tëës nijawë ko tääpë to'oxytyëjk mto'oxytyëjktëm yë'ë. ¿Këtiijë? ¿E wi'ixts ko të m'ëna'any ko xy'utyëty? Tyaajës ënäty nmay ntajy, ko ntij yë'ëkyëjxm xy'ëkyaj'o'knëtëtytës: jëtu'un y'ëtsooy ja Isaac.