Génesis 26:34 - Biblia Mixe de Quetzaltepec

³⁴ Ko ënäty wëxtyikxy'ajnë ja Esaú ja jyëmëjt, ënät ojts pyiky mëët tu'uk ja kiixy mëti'ipë xyëëwajtypyën Judit, ja y'u'unk ja Hit ja'ay mëti'ipë xyëëwajtypyën Beerí. Ojts näjyëtu'un pyiky mëët ja kiixy ja mëti'ipë xyëëwajtypyën Basemat, jä'ä ja tyeety xyëëwajtyp Elón nän Hit ja'ay.

Biblia Dc en Mixe de Quetzaltepec

³⁴ Ko ënety wëxtyikxy'ajnë ja Esaú ja jyëmëjt, ënät ojts pyiky mëët tu'uk ja kiixy mëti'ipë xyëëwajtypyën Judit, ja y'u'unk ja Hit ja'ay mëti'ipë xyëëwajtypyën Beerí. Ojts näjyëtu'un pyiky mëët ja kiixy ja mëti'ipë xyëëwajtypyën Basemat, jä'ä ja tyeety xyëëwajtyp Elón nän Hit ja'ay.

Génesis 26:34 ပူးပေါင်းရင်းမြစ်များ

Génesis 36:2

Yë Esaú yë'ë pyëjk yë to'oxytyëjkëty mëti'ipë ënäty jam kukajpnajtëpën Canaán. Tu'uk yë tyo'oxytyëjk jä'ä xyëëwajt Ada, yë Elón yë nyëëx, ja Hit ja'ay; wiinkpë tyo'oxytyëjk jä'ä xyëëwajt Oholibamá, yë'ë nyëëx yë Aná, yë Sibón yë y'oknëëx, ja Heve ja'ay;

Éxodo 34:16

Ets ni yë'ë mëpaat tkayajpëk tkayaj'uuktë yë nyëëxëty mëët mijts yë mmaankëty, jä'ä ko ënäty tuntë tkajpxtë ja ëxëëkpë jam ma ja wyintsënëty t'ëwtatën, tsojk näjyëtu'un ja m'u'unkëty y'ëtëtsta'aktëty.

Génesis 36:13

Yë y'u'unk y'ëna'k yë Reuel, jä'ä xyëëwajtë Náhat, Zérah, Samá ets Mizá. Ya'atë y'u'unk'ajt y'ëna'k'ajt yë Basemat ja wiinkpë tyo'oxytyëjk yë Esaú.

Génesis 36:5

Yë Oholibamá yë'ë yajmëxu'unk'ajt yë Jeús, tääts yë Jaalam ets Coré. Ya'atë jëtu'un yë y'u'unk y'ëna'k yë Esaú, mëti'ipë ojts myintën jya'tën naaxwiiny ko ënäty jam tsyëënëtë Canaán nyaaxjotm.

Génesis 28:9

Paaty ojts tninëjkxy ja Ismael, ja Abraham ja y'u'unk ets mëët pyijky ja nyëëx mëti'ipë xyëëwajtypyën Mahalat, jä'ä ja y'äy xyëëwajtyp Nebaiot, ëpëky ja wiinkpë tyo'oxytyëjk mëti'ipë ënäty mëët të y'ëkpëjkpën, mëti'ipë Canaán ja'ayën.

Génesis 24:3

Ets nikajpx mëët yë Tios xyëëwkëjxm, mëti'ipë Tios'ajtpën tsajpjotm ets naaxwiiny, ko këtii xy'a'ixëty ets nmaankës pyëkëty y'uukëty mëët yë to'oxy'ëna'k yaapë kyukajpn'atën Canaán, maas tyam ntsëënën njuuky'ätyën.

Hebreos 12:16

Exkëm miits nitu'uk mjot mnini'kx xytyo'knëtë, këtii xypyäxtëty ja Tios ja myëj'ajtën, ijxtëm ja Esaú y'ëtitsyën ko ja kyä'äxkopk'ajtën ojts tukwinkupëky ja tojkx mëti'ipë je'eyë tu'k'ok tyojkxën.

1 Corintios 7:2

je'eyëp ko jä'äkyëjxm ko ja ja'ay pyokytyuntë ko xim yam nyämyëëtsëënëtë, nikë oy ko ja ye'etyëjk tu'ukyë ja tyo'oxytyëjk tmëëtsëënëtëty ets ja to'oxytyëjk tu'ukyë ja ye'etyëjk tmëëtsëënëty.

Génesis 27:46

Tä ja Rebeca t'ënëmaay ja Isaac: Ëjts tëëjës xynyatim tsyijpnë ya'atë juukyajtën mëët yë Hit ja'ayëty, mëti'ipë mëët të pyiky të y'uukyën yë Esaú. Pën Jacob yë'ë mëët pyiky näjyëtu'un yë Hit to'oxy'ëna'këty ijxtëm yë Esaú tyo'oxytyëjkën, mëti'ipë yaa tsënaaytyëpën Canaán, ni'ikë tim oy'atëp koos ëjts ntimy'ookëty.

Génesis 28:8

Tä ja Esaú twinja'awëy ets tja'akyujkëy ko ja tyeety ka'ap ënäty tukjotkëtä'äky ja to'oxy'ëna'këty mëti'ipë kukajpnajtëpën jam Canaán.

1 Samuel 26:6

Tä ja David myëtyäky mëët ja Ahimélec ja Hit ja'ay ets mëët ja Abisai näjyëtu'un, yë myaank yë Sarvia, yë myëkä'äx yë Joab, ets tyajtëëy: ¿Pën xyjyämyëët'ataanpës ets nëjkxmëty jam ma Saúl yajpaatyën? Tääts ja Abisai y'ëtsooy: Tyam njämyëët'atëty Wintsën.