Génesis 26:3 - Biblia Mixe de Quetzaltepec

³ E tyam jaakjuuky'ajtkoj ma tampë kajpnën. Ëjtsës mëët mijts nyajpaata'any ets nkënu'kxäämpy. Jä'ä ko mijts ets mëët yë m'u'unk m'ok, yë'ëjës ya'atë it naaxwiinyëtë nmo'ojantëp. Jëtu'unës ëjts npatuna'any ja käjpxytyu'unën mëti'ipës ja mteety Abraham të ntukwinwanën.

Biblia Dc en Mixe de Quetzaltepec

³ E tyam jaakjuuky'ajtkoj ma tampë kajpnën. Ëjtsës mëët mijts nyajpaata'any ets nkënu'kxäämpy. Jä'ä ko mijts ets mëët yë m'u'unk m'ok, yë'ëjës ya'atë it naaxwiinyëtë nmo'ojantëp. Jëtu'unës ëjts npatuna'any ja käjpxytyu'unën mëti'ipës ja mteety Abraham të ntukwinwanën.

Génesis 26:3 ပူးပေါင်းရင်းမြစ်များ

Génesis 12:7

Ënät ojts jam yë Tios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënät ojts yë Abram pojën t'oytyuny tu'uk ja wintsë'këntyakn, jä'ä ko ënäty jam yë Tios të nyänyikëxë'ëkyë.

Génesis 13:15

Ëjts mijts nmo'ojäämpy tu'kë'ëyë ya'atë naaxwiinyëtë mëti'ipë m'ijxypyën ets xëmëkyëjxm mijts mjä'ä'atëp ets näjyëtu'un yë m'u'unk m'ok.

Génesis 13:17

Ëkpëtë'ëk ets tukye'eyëtya'a ya'atë it naaxwiinyëtë, jënu'un y'ayenyëty ets jënu'un myëjwiinëtyën. Jä'ä ko ya'atë it naaxwiinyëtë mijts yam ntukë'ëtëkëjäämpy.

Génesis 15:18

Jä'ä xëëw ojts ja Tios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

Génesis 17:19

Ets Tios y'ëtsoowë: Mëti'ipë mijts ntuk'ënëmääpyën yë'ë ko mto'oxytyëjk tu'uk yë u'unk tyajmina'any naaxwiiny ets xyëëw xypyëjtakëty Isaac. Mëët yë'ë ntuknikajpxpejtypyës yë n'oyajtënës ets yë'ë myëët'atantëp yë y'u'unk y'ok.

Génesis 17:8

Mijts ets yë'ëjëty nmo'ojantëp yë naaxwiinyëtë jampë Canaán ma mijts tyam mtsëënën ets yë'ë tkuma'ayën'atëty, etsës ëjts nTios'atëty.

Génesis 20:1

Ënät yë Abraham ojts jam tsyo'onë ma ënäty tsyëënën ets ojts nyëjkxnë ma ja naaxwiinyëtë txëëwatyën Négueb. Jam tu'uk ja kajpn txëëwaty Guerar, jam ojts wyi'imy tsënääpyë. Itkujky wyi'imy yë Guerar mëët yë Cadés ets Shur.

Génesis 25:11

Ko ënäty ja Abraham të y'o'knë, mëj këjää ojts yë Isaac Tios nyi''ijxkëtä'äkyë ets kyënu'kxyë. Jam ënäty të wyë'ëmnë tsënääpyën ma ja nëëjut txëëwatyën Mëti'ipë juukyën etsës xy'ixy.

Génesis 26:12

Jä'ä jëmëjt ojts yë Isaac nyi'ipy ma jam ja naax kamën ets janty may ojts tyajmuky ja jyi'kxy pyiky. Jëtu'un ojts ja Tios mëj këjää kyënu'kxyë.

Génesis 26:14

Janty nimay ënäty yë kyupixyny ets jyëyujk tsyajpkaa ets näjyëtu'un yë tyuunpë. Paaty ojts ënätyë ja Filistejë ja'ayëty myëtsiptsoonyë.

Génesis 26:24

E jä'ä tsu'um ja Tios nyänyikëxë'kë ma yë'ëjën ets y'ënëmaayë: Ëjts jëtu'un xyTios'ajtp ja mteety Abraham. Paaty këtii mtsë'ëkëty, jä'ä ko ëjtsës mijts mëët n'ity. Mëët yë'ë ko ja n'u'unkës nmaayës Abraham oy të xymyëtunyës. Paaty näjyëtu'un mijts nkënu'kxa'any ets nyajmëjëja'any tyajmayëja'anyës ja m'u'unk m'ok.

Génesis 28:13

Näyjyëtu'un t'ijxy kootëm ja Tios wyintänëty ets y'ënë'ëmxëty: Ëjts jëtu'un Wintsën, mëti'ipë Tyiosajtën yë mtatwelë Abraham ets mteety Isaac. Mijts nmo'ojäämpy ya'atë naaxjot ma jam mko'knën ets m'u'unk m'ëna'k.

Génesis 28:15

Ëjts mijts mëët n'ity, nkëwent'atäämpy oy ma mtimnyax mtimtyëkëty. Ets nän ëjts mijts nyajwinpitëp jatëkok ma ya'atë naaxjotmën. Ka'ap nmajtstu'uta'any, maanëmës ka'ap nkuuytyunyën ja mëti'ipë të ntukwinwanën.

Génesis 31:3

Ënät ja Jacob myëkajpxë ja Wintsën ets y'ënëmaayë: Wimpit ënät tyam ma ja nyaax kyajpnën ja mteety mtaak ets ma ja mjëëky mmëku'uk jam y'itën ëjts mijts njämyëët'atäämpy.

Génesis 35:12

Yë it naaxwiinyëtë mëti'ipë të nmo'oyënës yë Abraham ets Isaac, näjyëtu'un mijts tyam nmo'oy, e nmo'ojäämpyës näjyëtu'un yë m'ok'u'unk m'ok'ëna'k.

Génesis 39:2

Yë Tios yë'ë ënäty mëët yajpaaty yë José ets José janty'oy ënäty tyuny ma jam y'ityën ma ja wyintsën ja tyëjkën.

Génesis 39:21

yë José je'eyë ja Tios mëët y'ity ets xëmë pyutëk pyupetyë jap pujxn tëkoty, e jëtu'un'äämpy yë José ojts tmëmëtä'äky ets ja pujxntëjkëwent'ajtpë oy tsuj jyawëtëty,

Génesis 48:21

Ënät t'ënëmaay yë José: Ëk'ix ëjts tsojkës n'ookanë, Tios yë'ë mkënu'kxanëtëp ets mëët'ita'anëtë ets yë'ë näjyëtu'un nëjkx jatëkok myajwinpitëtë ma ja y'it nyaaxwiinyëtën ja m'ap m'okëty.

Génesis 50:24

Tu'kxëëw tu'kjëmëjt yë José t'ënëmaay yë myëkä'äxtëjk: Ëjts tsojkës n'ookanë, këtii mmaytyëty mtajtëty, yë Tios yë'ë tsojk mniminëtëp ets mputëkëtëty tä mtsoontëty ma ya'atë naax kajpnën ets myajnëjkxëtëty ma it naaxwiinyëtën mëti'ipë tyukwinwa'anëyën yë Abraham, Isaac ets Jacob.

1 Crónicas 16:16

Ja käjpxytyu'unën mëti'ipë myëët'ajtën mëët ja Abraham, ja käjpxy mëtyä'äky mëti'ipë yaj'ijtën mëët Isaac

Salmos 105:8

Oy kanaak jëmëjt nyaxëty ets jyuuky'atëty jëtu'un yë naaxwiinyëtë ja'ay, yë'ë ka'ap tja'atyëkoy mëti'ipë të twaantä'äkyën, ko ojts ja käjpxytyu'unën tuny.

Salmos 105:9

Ja käjpxytyu'unën mëti'ipë mëët tyuunën ja Abraham ja waantakën mëti'ipë tyukmëtoowën ja Isaac,

Salmos 32:8

Yë Wintsën jëtu'un y'ënä'äny: Ëjts jamës yë nwiin ntimyajtëëynyë ma mijtsën. Ëjts mijts ntukni''ixëjäämpy winë, ets n'ëëwwijäämpy nkajpxwijjäämpy, ntukni''ixëjäämpy yë në'ë tu'u mëti'ipë mëpaat xypyanëjkxyën.

Salmos 39:12

Wintsën, mëtoow'ijtkës yë ntsajpkäjpxy, ja'akyukë tiijës ko një'ëy nyä'äxy, këtii amonyë m'itëty maas një'ëy nyä'äxyën. Ëjts jëtu'unës nnäjyawëty tä jaaypyaat jaaypyo'kxyën ma mijtsën, tä yë joon kyääkjëtityën, tääjës yë n'ap n'okën.

Éxodo 2:24

Ets ojts tmëmay tmëtajy, ko ënäty y'ëjtë tyu'uktë ets tja'amyejtsy wi'ix ënäty të tunyën ja käjpxytyu'unën mëët ja Abraham, Isaac ets Jacob.

Éxodo 3:12

Tä ojts yë Tios y'ëtsoyë: Ëjts mijts njämyëët'atäämpy ets ya'atë jëtu'un mtuk'ixëp ko yam nkexyp, ko ënäty mijts ja nnaaxës nkajpnës të xyjyuuty jap Egiptë, yaajës min xy'ëwtatë ma ya'atë kopkën.

Éxodo 6:4

Ntuunës tu'uk yë käjpxytyu'unën mëët yë'ëjëty etsës ojts ntukwinwanëtë, ko nmo'oja'antë tu'uk yë it naaxwiinyëtë jam Canaán. Yë'ës n'antijpy ja naax kam ma ojts miitsëty m'ëk tsënaaytyëpën, tä yë jaaypyaat jaaypyo'kxyën.

Éxodo 6:7

Jëtu'un miitsëty n'ëxajëja'antë, tääjës yë ntimnyaax ntimkyajpnën etsës miits xyTios'atëp ets xynyijawëtëty, ko ëjts Wintsën, mëti'ipë miits mTiosajtëpën, mëti'ipë të myajpëtsëmëtën, ma ënäty miitsëty je'eyë mëtun m'ëyowtën, mëët ja mëkëtypë ja tuunk, mëti'ipë mooyëtëpën ja Egiptë ja'ayëty.

Éxodo 6:8

Jamës yë naax kajpn nyajnëjkxa'any maas ojts yë Abraham, Isaac ets Jacob të ntukwinwanëtën ets yë'ë tjä'ä'atëty. Ëjts jëtu'un Wintsën.

Isaías 43:2

Pën nëë muum mtuknaxäämpy, ëjts tam'ataanpës mëët mijts; pën mëjnëë mninaxäämpy, ka'ap mnëëji'kxa'any; pën jëën mtuknaxäämpy, ka'ap mtsa'aja'anyë; oy jënu'un ja jëën jyayäänëty, mijts ka'ap nitii mjata'anyë.

Isaías 43:5

Këtii mtsë'ëkëty, ëjts mijts nkuwa'anäämpy. Wä'än tjamëty ma xëëw pyëtsimyën ets ma xëëw kyëtä'äkyën; nyajwinpitäämpyës jatëkok yë mja'ay ets jatëkok tyu'ukyëtëty.

Miqueas 7:20

Wintsën, mëët'at xëmë ja tsojkën ja'awën mëti'ipë tëëyëp ojts xytyukwinwanën ëëts ja n'ap n'okëty Abraham ets Jacob.

Números 23:19

Yë Tios kajëna'a yë kya'ooky kyatëkoy, yë'ë ka'ap wyin'ëëny ets ka'ap yë y'aaw y'ayuk tukxi'iky. Ko tii tnikäjpxy pyatuumpy, ets ko tii twinwanë yäjkpy.

Deuteronomio 1:8

Tääpë it naaxwiinyëtë mijts të nmo'otë, nëjkxtë jam ets jä'ä'atë tääpë naax kam, ëjts maas nWintsën'atyën, yë'ë ojts ntukwinwanëtës yë m'ap m'okëty tä yë Abraham, Isaac ets Jacob ets näjyëtu'un yë y'u'unk y'okëty.

Deuteronomio 34:4

Tä ja Wintsën y'ënëmaayë: Ya'atë it ya'atë naaxwiinyëtë jëtu'un ojts ntukwinwanëtës yë Abraham, Isaac ets Jacob ets n'ënëmaaytyës yë y'u'unk y'okëty yë'ë nëjkx ya'atë naaxwiinyëtë tjä'ä'atë. Täätsës të ntuknipëjktaakë, ko mijts oy je'eyë jëkäm xyjyaaknajts'ixëty, jä'ä ko ka'ap nëjkx jam m'ëk ja'ajnë.

Filipenses 4:9

Tuunta'aktë mëti'ipë të ntuk'ijxpëktën ets mëti'ipë të ntuknëëmëtën ets ijxtëm të xy'ixtën ma ëjtsën; Tios, mëti'ipë ja jotkujk'ajtën yäjkpyën, yë'ë mmëët'itanëtëp.

Hebreos 11:9

Mëët ko myëpëjky jëtu'un tsyënaay tä jaaypyaat jaaypyo'kxyën wiink naax wiink kajpn, ma ja Tios ënäty të tyukwinwanëtyën. Yë'ë tyuktsënaay yë wit tëjk, ujts tëjk, näjyëtu'un ja Isaac ets ja Jacob mëti'ipë y'ëxajëtyën ja waantakën.

Hebreos 6:17

Tios ojts jëtu'un tuknipëjktaakë ets tyajnikëxë'ëka'any pën y'ëxajëjantëpën ja kuma'ayën mëti'ipë të ënäty të twinwanën, ka'ap nijëna'a tyëkatsyën. Paatykyëjxm ojts kë'ëm nyäxyëëwkukäjpxyë ko ja waantakën tpëjktäky.